#أنا_حرة
__________
الحلقة ١٧
في التليفون 📞
كريمة : لأ اسمعي اما اقولك طالما جابلك سيرة الدهب ده و إنه عايز يبيعه يبقى هيفضل وراكي يا حبييتي لحد ما يبيعهولك.
مايسه : أنا استحاله اديله حاجه يا ماما.
كريمة : طيب هاتي الدهب عندي.
مايسه : عندك!
كريمة : ايه مش مستأمناني على الدهب يا مايسه؟!
مايسه : لا يا ماما مش القصد بس مفكرتش ابدا في الموضوع ده.
كريمة : هاتيه يا قلب أمك لياخده و انتي في الشغل.
مايسه : معقوله رشدي يعمل كده؟!
كريمة : يا سلام و ميعملش كده ليه مش بدل ما يتسجن ب الايصالات اللي ماضيها على نفسه.
مايسه : خلاص بكره اجيلك و تحفظيه عندك بس تقفلي عليه كويس يا ماما.
كريمة : دا أنا أخاف عليه اكتر منك دا يا حبيبتي اللي هينفعك بعدين احنا عارفين البيه جوزك دا ناوي على ايه.
مايسه : ماما معلش في حد بيتصل هشوفه و ابقى اكلمك.
كريمة : لا يا حبيبتي أنا هنام تصبحي على خير.
مايسه : و انتي من أهل الخير.
مايسه لسه هترد كان اللي بيتصل قفل.
مايسه : زياد !
و دا متصل في الوقت دا ليه؟
اما اقوم اشوف رشدي بيعمل ايه بره.
خرجت لرشدي اللي كان قاعد مع نفسه و بيفكر.
مايسه : ايه يا رشدي مش هتنام؟
رشدي تجاهل النظر لها : شويه كده.
مايسه : شويه ايه؟!
و قعدت جنبه و تمسد على كتفه : ايه يا حبيبي هتفضل مهموم كده؟
بيحاول يبعد عنها.
مايسه : فيه ايه يا رشدي انت على طول كده بعيد عني ايه حكايتك بالظبط؟
من وقت ما سيبت الشغل و انت مكتئب و حزين
خلاص ارجع الشغل تاني علشان حياتنا ترجع زي الأول.
رشدي : بقولك ايه انا مش عاوز اتكلم في الموضوع دا اتفضلي ادخلي نامي.
مايسه : بقى كده!
يعني لـ اما انفذ اللي انت عاوزه لـ اما تقلب عليه بالشكل ده!
اوك يا رشدي بكره تندم.
رشدي : لا اطمني انا ندمت خلاص.
دخلت مايسه جوه و هي مضايقه من تصرفاته معاها كان زياد بيبعت رسائل مترددتش لحظة إنها تكتب ليه.
زياد بيكتب : أنا آسف إني يبعتلك في وقت زي دا
بس لاقيتك فاتحه نت
ايه مش جيلك نوم؟
مايسه : للأسف لأ.
زياد : امال رشدي فين؟
مايسه : ما تجبليش سيرته.
زياد و عامل نفسه متأثر : ليه بس ايه اللي حصل؟ 😔
مايسه : كده و خلاص لو سمحت يا زياد متجبليش سيرته نهائي.
زياد : روقي بس كل شيء بيتحل.
مايسه : أنا ندمانه ندم عمري إني ارتبطت بالإنسان ده.
زياد و عامل نفسه متأثر : لا متقوليش كده رشدي بيحبك 😥
مايسه : بيحبني هو لو بيحبني يقعد لوحده و يسيبني.
زياد متفاجئ من كلامها بس بيجاريها : معلش متزعليش 😥
مايسه : معرفش انا بحكيلك الكلام دا ليه؟!
زياد : مش احنا اتفقنا نبقى اخوات يعني أي حاجه مضايقاكي تقولهالي على طول.
طبعا مايسه مش مقتنعه بالكلام دا بس كملت : طبعا يا بشمهندس بس اخاف نانسي تضايق.
زياد : و تضايق ليه انا بمسح الشات بعد ما انهي معاكي و انتي اعملي كده
معلش انتي عارفه دماغهم بقى.
مايسه : اه طبعا معلش دوشتك و انت عندك شغل الصبح.
زياد : عارفه انا كنت داخل انام و معرفش حاجه كده قالتلي اكلمك و اطمن عليكي زي اللي قلبي كان حاسس بيكي.
مايسه : أنا مخنوقه قوي.
زياد : طب اعمل ايه علشان اخرجك من اللي انتي فيه ده؟
مايسه : معرفش انا هنام و خلاص تصبح على خير.
و قفلت مايسه.
أنت تقرأ
أنا حرة
ChickLitفتاة متمرده باعت الغالي بالرخيص و اخرى لم تختر زوجها حتى يوقعها في مشاكل كثيرة مايسه و حنين هنشوف مين اللي هتربح في النهاية. ........ الأم : و لا تزعلي نفسك بكره يجيلك احسن منه. مايسه : بس ابني صعبان عليا قوي يا ماما متعلق بيه. الأم : ليه عجبه قوي...
