أنا حرة

الحلقة ٤٨

#أنا_حرة
________
الحلقة ٤٨

مايسه : طيب حاضر ايه هو أنا قاعدة جنب الباب بالراحة بقى الباب هيتكسر.
تفتح مايسه باب الشقة تتفاجئ بزياد.
مايسه : زياد!!
زياد : ايه شوفتي عفريت ولا ايه؟!
مايسه : أنت جاي هنا عاوز ايه؟
زياد : كنت قريب من هنا قولت اعدي اطمن على مراتي حبيبتي.
مايسه : لا يا شيخ صدقتك أنا كده.
زياد بيدخل : انتي لوحدك ولا ايه؟
مايسه : أنت رايح فين اتفضل اخرج يلا.
زياد : اخرج ليه هو مش من حقي اقعد مع مراتي لوحدنا ولا ايه؟
مايسه : أنت جاي ليه زياد وايه الأسلوب اللي مش متعوداه منك ده محترم كده وهادي ايه فاكر مايسه عندها حاجه تانية تقدر تسرقها؟
زياد : حسيت بغطلتي وقولت اهدي اللعب معاكي شويه واجي اقولك نرجع بيتنا.
مايسه بسخرية : هههههههههههه بيتنا انهي بيت ده؟
زياد : شقتي يا حبيبتي.
مايسه : شقة ايه انت مش بيعتها وبعدين مين قالك اصلا إني هرجعلك امال كنا بنتكلم فيه الفترة اللي فاتت؟!
زياد : جاي أعرض عليكي عرض هو مش بطال ومش هتخسري فيه أي حاجه بالعكس انتي هتاخدي بتارك.
مايسه : عرض ايه ده؟
زياد : ترجعي معايا شقتي اللي فيها نانسي.
مايسه : نعم!
زياد : استني بس واهدي كده وفكري وعارف اللي بيدور في دماغك وهتسألي أنا مستفيد ايه
بصي يا ستي نانسي نصبت عليه.
مايسه : احسن تستاهل.
زياد : اوك مش هزعل منك بس لو سمعتي كلامي ووافقتي وجيتي معايا نعيش هناك أنا هكتبلك الشقة بـ اسمك لاني عاوز اطفشها منها.
مايسه : تكتبها بـ اسمي!!
زياد : ايوه بشرط تطفشيها من الشقة واظن دي فرصة كويسه علشان تاخدي بتارك منها.
مايسه بتفكر ومحتاره.
زياد : هترجعي معايا مش لازم الليلة يعني خليها بكره بعده وقت ما تحبي وهنعيش هناك زي أي زوجين عاوزك تفرسيها وتستخدمي اسلوبك بقى اللى أنا عارفه.
مايسه : طب ولو طفشت ومنفذتش اللي قولت عليه ده؟
زياد : مش خسرانه حاجه هي شقتك وهتعيشي فيها عادي جدا ومتقلقيش انتي تقدري تمشي في اجراءاتك عادي وقتها وانتي عارفه لو رفعتي قضية خُلع هتكسبيها بس ادينا هنجرب يمكن يكون لينا نصيب مع بعض.
مايسه بتفكر لسه ومحتاره.
زياد : خُدي وقتك وفكري على مهلك... سلام.
خرج زياد ومايسه لسه بتفكر.
مايسه : معقوله يا مايسه تكون جاتلك الفرصة لحد عندك علشان تاخدي حقك وتنتقمي من نانسي اللي خربت بيتك وتفرسيها وبدل ما كنتي خايفه إنها تعرف إنك متجوزه جوزها هتعيشي معاها في بيت واحد وتموتيها طاقه منك
يااااه معقوله أنا بحلم ولا ايه لأ بس زياد ملوش أمان.. طب وفيها ايه اهو هجرب يمكن يكون صادق المرة دي وانا مش هخسر حاجه على الاقل في فرصه اهو إني انتقم من نانسي وايه كمان دا طلبه يعني مش هتعيشي خايفه منها.. دي شكلها كده هتحلو ولا ايه؟
__________

في السجن..
العمدة اثناء زيارة أهالي السجناء يتفاجئ بغيث.
العمدة : غيث!!
غيث : ايه محدش أداك خبر إني جاي ازورك ولا ايه؟
العمدة : الحقيقة قالوا إن في زيارة علشانك بس متوقعتش إنك أنت اللي جاي تزورني.
العمدة : اقعد استريح يا عمدة.
العمدة : عمدة ايه بقى ما خلاص لا بقى في عمدة
ولا حتى حصلت غفير.
غيث : عملت ايه فيك يا عمدة علشان تعمل فيه كده طب بلاش أنا مش مهم بنتي ذنبها ايه تعمل فيها كده تخطفها وتبهدلها لأ ومتكتفيش بكده كمان تروح تشهد شهادة زور وتقول كلام محصلش وتسوء سمعة بنتي
حرقت أرضي وبعت واحد يهددني في بيتي ويرعب ولادي كل دا ليه يا عمدة علشان ايه عاوز الأرض يا عم كنت خدها ومتوجعش قلبي على بنتي بالشكل ده.
العمدة : معلش يا غيث أنا مش عاوز اتكلم في الموضوع ده وبعدين ما أنا اتسجنت قدامك اهو ولا جاي تزورني في بيتي ايه مش كفاية اللي حصلي عاوز ايه تاني؟
غيث : اللي حصلك دا علشان مكونتش ماشي سليم بس تعرف أنا كنت فاهم إني لما اجي اقولك الكلمتين دول هحس منك إن ضميرك واجعك وتطلب مني اسامحك لكن أنت زي ما أنت السجن مغيركش.
العمدة : ياااه على الشماته اللي شايفه في عينك ايه مش كفاية اللي حصلي؟
وقام العمدة : زيارة سعيدة ياريت متتكررش تاني.
غيث : مش هتكرر متخافش بس عاوز اقولك حاجه قبل ما اخرج إني كنت جاي ومتصور إنك تطلب مني اسامحك كان ممكن قلبي يرق ليك واسامح لكن أنا مش مسامحك يا عمدة حتى لو طلبتها مني.
العمدة : مش عاوزك تسامحني امشي بقى.
غيث : همشي ومش هتشوفني تاني.. سلام.
___________