أنا حرة

الحلقة ٣٦

#أنا_حرة
_________
الحلقة ٣٦

فريال : رايحه فين يا مايسه؟
مايسه : رايحه مكان ما رايحه هو لازم ادي حضرتك تقرير يومي رايحه فين وجايه امتى وهنام الساعة كام هو حضرتك كنتي ولية أمري؟!
فريال : ردي من غير طولة لسان.
مايسه : هو حضرتك سايبه بنتك عايشه براحتها مع جوزها وجايه تقعدي على قلبي هنا وتعدي عليه انفاسي ولا ايه ما تسافري تقرفيهم هناك مش جوز بنتك كان هيبعتلك ايه رجع في كلامه خاف لتعكنني عليهم عيشتهم زي ما انتي معكننه عليه عيشتي.
فريال : انتي بنت قليلة الأدب ولازم جوزك يعرف بـ اللي قولتيه دلوقت علشان يربيكي.
مايسه : قوليله يا حبيبتي مبقاش يهمني ولا يلزمني اصلا.
فريال : تمام قوي.
بتقفل فريال باب الشقة بالمفتاح.
مايسه : ايه اللي بتعمليه دا يا ست انتي اتجننتي ولا ايه؟!
فريال : تمام قوي كده أنا بقى هعرفك مين اللي اتجنن.
مايسه : اوعي كده سيبي الموبايل انتي يا ست انتي هاتي الموبايل بقولك.
فريال : مش هتاخديه والباب دا مش هيتفتح غير بـ اذني.
مايسه : بقى كده طااايب.
ودخلت  جوه تاخد مفتاح الشقة اللي معاها.
فريال واقفه عند باب الشقة.
فريال : الباب مش
هيتفتح بقولك وهاتي المفتاح ده.
تاخد فريال المفتاح من مايسه وتزقها توقعها على الأرض.
مايسه : انتي مجنونة ايه اللي عملتيه ده هاتي المفتاح يا ست انتي.
فريال : مفيش مفاتيح ولا خروج من باب الشقة بقولك.
وقعدت فريال قصادها وهي رجل على رجل.
مايسه : تمام قوي كده شكلك كده عاوزه تتحبسي.
وبتقرب مايسه من التليفون الأرضي وبتحاول تتصل.
فريال تقطع سلك التليفون.
فريال : قولتلك مفيش خروج ولا تليفونات وريني بقى هتعملي ايه.
مايسه بتصرخ من الغيظ وفريال بتضحك.
___________

في شقة والد نانسي.
أمير : رايحه فين يا نانسي؟
نانسي : مشوار كده وجايه على طول.
أمير : طب اجي معاكي.
نانسي : هتيجي معايا تعمل ايه خليك هنا.
أمير : ما هو أنا بصراحه مش مطمن لنزولك المفاجئ ده هو في حاجه حصلت؟
نانسي : لا مفيش نازله اقابل حد مشوفتوش بقالي فترة.
أمير : طب ماشي ابقي كلميني اخدك ولا هتروحي على شقتك؟
نانسي : لسه مش عارفه هبقى اكلمك اقولك.
تنزل نانسي تحت وتتصل بمايسه.
فريال تنظر لشاشة الموبايل.
فريال : ألو...
نانسي : ألو مين معايا مايسه؟!
تقفل فريال بسرعة بعد ما تعرف إن نانسي اللي بتتكلم.

نانسي : دا صوت طنط فريال ايوه أنا متأكدة إنه صوتها يمكن غلطت في الرقم.
تتأكد من الرقم اللي اتصلت بيه تلاقيه مش رقم فريال ودا الرقم اللي كلمتها منه مايسه من شويه.
نانسي : أنا متأكدة إن دا الرقم اللي كلمتني منه مايسه زي ما أنا متأكدة إن دا صوت طنط فريال
معقوله ايه اللي هيودي طنط فريال عند مايسه أنا مبقتش فاهمه حاجه
ياترى وراكي ايه يا مايسه وعاوزاني في ايه اتصل تاني يمكن ترد.
تتصل نانسي محدش يرد المرادي.
نانسي : وبعدين بقى انتي جايه ولا كنتي بتشتغليني
ولا أنا اللي كنت بحلم إن مايسه اللي بتكلمني لا أنا متأكدة إن دا حصل اروح هناك يمكن تيجي بس مبتردش عليه علشان اعرف إنها رايحه على هناك وبعدين في الحيره دي بقى؟!
___________