أنا حرة

الحلقة ٤٣

#أنا_حرة
________
الحلقة ٤٣

في التليفون 📞
آدم : تمام خليك ماشي وراه وأنا هحاول ألحقك على هناك.
جلال : ما دا اللي بحاول اعمله...يييييه!
آدم : ايه حصل ايه؟
جلال : بحاول ألحقهم لكن الترعة بينضفوها وفي شغل على الطريق وعربية واقفه قدامي مش عارف اعدي يدوب فلت مني.
آدم : مش بتقول ساحب العربية يبقى في طريقة لـ أقرب ورشة.
جلال : صح هحاول أشوف طريق تاني يكون مختصر ثواني يا آدم أقفل معايا دلوقت.
آدم : ابقى طمني وصلت فين.
جلال : حاضر سلام.
جلال بيلف ويمشي عكس الاتجاه يشوف طريق تاني.
جلال : أنتي متأكدة إن هي دي العربية يا هايدي؟
هايدي : ايوه تشبهلها قوي مقدرش أقول هي بالظبط بس أنا فاكرة لونها خلينا ماشيين مش هنخسر حاجه.
جلال : ما أنا بحاول الاقي طريق تاني في زحمة العربيات دي
دا الطريق في الوقت دا بيكون هادي اصلا معرفش حبكت النهاردا ينضفوا الترعة.
__________
في التليفون 📞
زياد : بقولك ايه مليش فيه أنت ترجع تحل مشاكلك مع الست دي علشان خوتاني من امبارح
صاحبك النصاب صاحبك النصاب خليه يرجعلي فلوسي وأنا اصلا مش فايقلها.
فريد : طيب خليك بس في مشاكلك دلوقت وقولي عملت إيه؟
زياد : هعمل إيه يعني مضطر أقبل بالعرض اللي عرضه عليه حمايا.
فريد : طب وأنت تضمن منين بعد ما تنفذ شروطة إنه هيوفي بوعده ويخرجك من الورطة دي؟
زياد : لا هينفذ اللي اتفقنا عليه أنا عارف اللعبة اللي بيلعبها عليه ومضطر اجاريه لحد بس ما أخرج من الازمة دي على خير وبعدها أنا عارف هرجع حقي ازاي وآمن نفسي بعيد عنهم المهم تحل مشكلة كريمة دي.
فريد : احلها ازاي مش هرجعلها حاجه خليها كده كام يوم هيوصلها ورقة طلاقها وكام يوم كده زيهم هنزل أستلم الشقة وتبقى تخبط راسها في الحيط وقتها بس كويس إنك قطعت الجواب.
زياد : ما أنت اللي غبي حد في الدنيا يكتب جواب فيه اعتراف بالنصب والاحتيال كويس إنها جاتني لو راحت بلغت كنت هتتمسك أنت لما ترجع.
فريد : الفرحة توهت عقلي غلطه كانت هتدفعني كتير بس أنا كنت متأكد إن أول حد هتروح لحد عنده هو أنت بما انك سبب معرفتي بيها.
زياد : مبروك عليك اللي لهفته حقي يوصلني.
فريد : في الحفظ والصون يا هندسه خلي بالك من نفسك حماك دا حويط وعاوز واحد يكون اذكي منه.
زياد : مصحصحله متقلقش سلام.
____________
أمام منزل تامر.
واقف آدم وجلال وهايدي منتظرين تامر اللي جلال معرفش يلحقه.
تامر يتفاجئ بيهم وهو لسه راجع من بره.
جلال : كنت فين يا تامر؟
تامر : جلال!
فيه حاجه حصلت ولا ايه؟
آدم : جاي منين يا تامر؟
تامر : هو حضرتك عاوز تعرف كل تحركاتي ولا إيه ما جاي مكان ما كنت.
جلال : رد يا تامر على السؤال ومين اللي كنت ساحب عربيته ده؟
تامر : مش فاهم ودا يهمكم في إيه؟!
هايدي : يهمنا طبعا لإن العربية دي نفس مواصفات العربية اللي اتخطفت فيها حنين.
تامر : إيه!!
جلال : مش وقت استغراب دلوقت قولنا مين الراجل ده؟
تامر : معرفوش دا واحد قابلته على الطريق عربيته كانت عطلانه وصلته للورشة يصلحها بس كده.
آدم : فين الورشة دي؟
تامر : عاوز العنوان ولا اوصلكم ليها؟
آدم : ياريت توصلنا ليها بسرعة.
تامر : حاضر يلا بينا.
___________