أنا حرة

الحلقة ١٠

#أنا_حرة
__________

الحلقة ١٠

حسين و هو منفعل : ليه حضرتك تلاقيله حلول لمشكلتة متسيبه يتصرف؟!
رشدي : و فيها ايه لما اساعده أنا هخسر حاجه و لا هدفع حاجه من جيبي ما هو اللي هيدفع أنا مجرد بس دليته على المكان و هروح معاه عادي دا خطيب اختي.
حسين : خطيب اختك محلتوش شقة و حضرتك رايح تتوسطله عند المدير بتاعك علشان يشوفله شقة في المشروع الجديد بتاعكم طيب لو حضرته ملتزمش و دفع الأقساط في مواعيدها هيبقى ايه الحل هتدبس أنت؟
رشدي : لا مش هدبس و لا حاجه العقد هيكون باسم صاحب الشقة أنا مالي و بعدين مين قالك انه مش هيدفع انت ليه عايز تبوظ الجوازه يا حسين؟
حسين : علشان الجوازه دي مفيهاش تكافؤ يا رشدي.
رشدي : تكافؤ ايه
نادر متعلم و اختك زيه
ماديًا بقى محدش احسن من حد و دا شاب لسه في بداية حياته نشجعه بقى و لا نحبطه؟
حسين : لأ تديله اختك!
رشدي : و فيها ايه بيحبوا بعض و هو شاريها و حب يدخل البيت من بابه يعني شاب محترم هيحافظ عليها و مع الوقت مرتبه هيزيد و يمكن يلاقي شغل في مكان أفضل و مرتب احسن من ده.
حسين : احلم احلم.
رشدي : معرفش ليه مصمم إن الجوازه دي متكلمش؟!
_______

في شقة فوزي(والد مايسه).
كريمة : اممم يعني لميا جايلها عريس و دا بقى متريش و لا نظامه ايه؟
مايسه : هيجيلها متريش منين تلاقيها وقعت على واحد كحيان زيها.
كريمة : عندك حق بس مش يمكن ابن خالها دا اللي عندهم اراضي كتير في الفلاحين؟
مايسه : لا مش هو كان رشدي قالي علشان أنا اعرفهم.
كريمة : طيب بس خدي بالك بقى لـ ابوه يجر رجله في جهاز المحروسة اخته.
مايسه : مش هيحصل رشدي معاه منين علشان يساعد في جهازها احنا لسه بنسدد أقساط العفش و بعدين عايزين نشتري تكيبف في الصالة وواحد في اوضة النوم الصيف قرب و الشقة هتبقى حر مش هستحمل أنا.
كريمة : ايوه ورطيه كل شويه في حاجه كده متخلهوش يبقى معاه فلوس أهله لو شافوا معاه حاجه هيقشطوه و أمه دي لسه تعبانه و لا خفت؟
مايسه : اهي كل شويه بتتعب يجروا عليها عند الدكتور.
كريمة : و جوزك بقى بيقوم بالواجب طبعا.
مايسه : مبحضرش وقتها و مقدرش اقوله حاجه يا ماما.
كريمة : تلاقيها بتمثل عايزة كل شويه حد يهتم بيها يا اختي تدلع على جوزها بلاش قرف.
مايسه : أنا اللي شاغلني دلوقت جهاز اخته صحيح هيعملوا ايه عمي اخد مكافأة نهاية الخدمة جزء ساعد بيه رشدي في الجواز و الباقي قال لـ لميا بس دا ميكفيش و أكيد هيطلب منه هو و حسين يساعدوا معاه في جهاز لميا.
كريمة : شطارتك انتي بقى اليومين دول متخليش في جيبه جنيه قوليله البيت عايز حاجات كتير وأنا تعبانه و عايزة اتابع عند الدكتور و كمان عايزين نجهز اوضة للبيبي اوعي يضيع فلوسه في النهاية محدش ببشكر و اخته دي مش هتيجي تقولك كتر خيرك دي لو طالت تاخد من شقتك علشان تجهز نفسها مش هتتأخر.
مايسه : عندك حق يا ماما متقلقيش أنا صاحيه للحركات دي و فاهمه هما بيحوموا حواليه دلوقت ليه.
_________