أنا حرة

الحلقة ٢٢

#أنا_حرة
__________
الحلقة ٢٢

في منزل الحاج غيث.
ثنية : الرقاق اللي طلبته.
غيث : انا قولتلك اعمليه علشان عارف إن حنين بتحبه هي فين؟
ثنيه : فوق قاعدة في اوضتها.
غيث : مش هتنزل تاكل و لا ايه؟
ثنية : بتقول ملهاش نفس.
غيث : وبعدين بقى معاها هي هتعمل اضراب عن الطعام و لا ايه؟!
ثنية : معرفتش إن ريم صاحبتها جاتلها هنا؟
غيث : ريم بنت الحاج سعيد؟
ثنية : ايوه.
غيث : طب و فيها ايه ما هما صحاب من زمان و طول عمرها بتيجي هنا؟!
ثنية : ايوه بس دا كان زمان لكن بعد اللي قالته لحنين انا قولتلها رجلها متعتبش هنا تاني.
غيث : ليه ايه اللي حصل؟
ثنية : اللي حصل إنها جايه تقول لحنين أنا بحب تامر و هنتجوز و معرفش ايه.
غيث : تامر مين؟
ثنية : تامر يا حاج ابن عادل رياض.
غيث : طيب مبروكين على بعض حنين ايه علاقتها بالموضوع ده؟
ثنية : مش كان جوزها و دي مفروض يعني كانت صاحبتها.
غيث : اديكي قولتي كان وكانت مفيش حاجه بتفضل على حالها يا حاجه تقولهم مبروك و خلاص زعلانه ليه هيه دلوقت؟
نازله حنين من فوق منهارة وبتبكي : انا مش زعلانه
يا بابا بس هي استفزتني.
غيث ببتسامة : تعالي كُلي و متاخديش في بالك ما يتجوزوا احنا مالنا اقعدي اقعدي مامتك عامله فتة رقاق عارف إنك بتحبيها.
ثنية : بابكي طلبها مني معرفش إنها ليكي.
غيث : محدش هيمد ايده و ياكل قبل ما تقعدي
وتاكلي انتي الأول.
حنين بتمسح دموعها : مليش نفس.
غيث : بقى ابقى قاعد و تقولي مليش نفس برضو!
تبتسم حنين و هي بتمسح دموعها : حاضر.
غيث : ايوه كده قربي بقى خدي ورك البطه ده شوفي متحمر و يفتح النفس ازاي.
حنين بابتسامة : تسلم ايدك يا ماما.
غيث بابتسامة : و بابا كمان مش أنا اللي قطمتلك الورك ده.
حنين : هههههههههههه
تسلم ايدك يا بابا.
ثنية : بألف هنا و شفا ليكم.
_____________

في شقة رشدي.
مايسه : معلش بس أنا ليه شرط.
المحامي : شرط ايه بس يا مدام مايسه مش احنا متفقين على كل حاجه.
مايسه : ايوه بس حكاية إن يتعملي عقد إيجار بالشقة ده مش مريحني انا عاوزه الشقة تتكتب بـ اسمي.
يقوم رشدي و هو منفعل : نعم!
شقة ايه اللي تتكتب بـ اسمك انتي تبوسي ايدك وش و ضهر اني سيبتلك العفش و الأجهزة اللي كلفتني قد كده لسه بسدد في ديونها مفيش شقق هتتكب بـ اسمك انسي و لمي الدور بقى علشان انا على أخرى
ولا أقولك قدامك المحاكم روحي ارفعي قضية وانا ساعتها هلبسك ميت قضية.
مايسه : سامع يا متر؟
المحامي : سامع.. يابشمهندس الكلام ميكونش كده ياريت حضرتك تقعد و تهدا كده احنا جايين لمصلحتكم انتم الاتنين بلاش واحد يعند على التاني بقى.
رشدي : عاوزه الشقة تتكتب بـ اسمها دا بعدها.
المحامي : مدام مايسه احنا كنا متفقين ان البشمهندس هيعملك عقد إيجار بالشقة دي ملكه و حضرتك ليكي حق المنفعه بس و هو قال علشان فيما بعد محدش يخرجك من الشقة يتكتبلك عقد ايجار بيها هو بصراحه كده عمل الأصول و هيمضي هنا إنه ملزم بتوفير مكان تاني في حال وجد أي مشاكل على الشقة دي و نفقتك و مصاريف ابنك هتوصلك و العفش اهو عندك هو مش مطلوب منه حاجه تاني.
رشدي : الجوازة دي واقفه عليه بخسارة بس يلا اهو لما اهرب و انفد بجلدي و اخسرلي شوية ورق احسن ما اخسر نفسي.
مايسه : سامع يا متر البشمهندس بيقول ايه؟!
المحامي : مفيش داعي للكلام دا يا بشمهندس رشدي ياريت نقعد كده و نتفق علشان نخلص من الحوار ده قولتي ايه يا مدام مايسه موافقة على اللي موجود في الورق ده؟
________