أنا حرة

الحلقة ٩

#أنا_حرة
___________
الحلقة ٩

رامي : بتعملي ايه هنا يا غادة؟!
كانت غادة نازله من عربية حنين.
نظرت حنين لغادة بدهشه.
غادة : دي حنين صاحبتي و كنت راكبه معاها جه الأخ دا و اترمى قدام العربية.
رامي : طب أنا هسلمه للقسم خليكم هنا.
حنين : ازاي يعني حضرته اترمى قدام عربيتي انا يعني كان ممكن يوديني في داهيه لازم اروح القسم انا كمان.
غادة : أنا جايه معاكي.
رامي : جايه معاها فين بقولك هناخده على القسم.
غادة : طب و فيها ايه هم القسم دا مبيدخلوش غير المجرمين؟!
أنا جايه معاكي يا حنين مش هسيبك لوحدك.
رامي يهمس لغادة : آدم لو شافك هناك معرفش رد فعله هيكون ايه.
غادة : أنا رايحه مع صاحبتي.
رامي بغيظ : دماغك ناشفه.
غادة : ناشفه ناشفه بس مش هسيب حنين تروح لوحدها.

أمام القسم.
رامي : خلاص خليكي واقفه هنا احنا هنسلمه و هنخرج على طول.
غادة : لا هدخل معاكم.
رامي : يا بنت الناس افهمي بقى مش عايز آدم يلمحك جوه دا ممكن يتخانق معايا أنا.
غادة : متقلقش هو هيعرف كل حاجه يلا يا حنين.
و كانوا سابقينه جوه.
رامي يدخل القسم و هو ممسك بالشاب اللي حدف نفسه أمام عربية حنين.
رامي للعسكري : هو آدم باشا جوه؟
العسكري : لأ.
رامي : امال راح فين؟
العسكري : خرج في مأمورية حضرتك في أي خدمة اقدمهالك يسري باشا جوه.
رامي : احسن برضو.
العسكري : بتقول حاجه يا استاذ؟
رامي : لا مفيش.
كان آدم داخل القسم و لمح رامي و غادة جه ناحيتهم بسرعة.
رامي : اوبااا اهو جه اللي خايف منه حصل.
آدم : في ايه يا رامي و جاي أنت و غادة تعملوا ايه هنا؟!
حنين مش فاهمه ايه علاقة الثلاثة ببعض لكن اتشجعت و اتكلمت مع آدم و شاورت على الشاب : الاستاذ ده حدف نفسه قدام العربية بتاعتي.
آدم : رامي!
رامي : يا عم مش أنا ركز بتشاور على اللي معايا.
آدم اخد باله من حنين و بتلقائيه : مش انتي اللي...
و سكت بعدها.
حنين : نعم!
آدم للعسكري و يشاور على المتهم : هاته و دخل الانسه معاه رامي تاخد غادة توصلها البيت.
غادة : بس أنا جايه مع حنين.
آدم : حنين مين؟
حنين : أنا حضرتك ايه مش عاجبك؟!
آدم : آنسه حنين ممكن حضرتك تهدي و اتفضلي هنفهم الحكاية جوه رامي وصل غادة البيت.
غادة : أنا هقعد هنا لحد ما حنين تخرج.
رامي : متخافش أنا هفضل هنا معاها.
آدم يهمس لـ رامي : يا عم الحنين أنت مش وقته وصلها البيت مش عايز ازعق.
رامي : طيب طيب يلا يا غادة.
حنين : روحي انتي يا غادة بس انتي تعرفي الاستاذ ده؟
رامي ببتسامة : ايوه احنا قرايب.
آدم : اتفضلي يا آنسه حنين جوه.
حنين لنفسها و هي متغاظه من آدم : هو ايه حكاية آنسه آنسه اللي كل شويه يقولها دي؟!
آدم : حضرتك في حاجه؟
حنين : لأ.
غادة : طب أنا هقف بره القسم.
آدم : غادة ارجعي البيت.
غادة : آدم حنين دي صاحبتي و مينفعش اسيبها لوحدها.
آدم : متخافيش هي مش لوحدها.
حنين لنفسها : لا يا شيخ على اساس إنك من بقيت أهلي مثلا.
آدم : اتفضلي يا آنسه يا حنين.
حنين : ييييه برضو آنسه
ادخل و خلاص خلينا نخلص.