أنا حرة

الحلقة ٨

#أنا_حرة
___________

الحلقة ٨
في منزل الحاج غيث.
صديقه : أنا قولت هرجع الاقيكي اتغيرتي يا ثنيه و انتي زي ما انتي كأني سيبتك امبارح.
ثنيه : هههههههههههه
زي ما أنا ايه بس فيكي الخير إنك لسه فكراني.
صديقه : و انتي تتنسي برضو  هههههههه
ياما زوغنا من المدرسة
كنتي تاخدينا على الجناين بتاعتكو هههههههه نروح نلعب و ناكل هناك و لما حد يشوفنا من اللي شغالين في الجناين تقوليله متقولش لـ ابويه العمدة هههههههههه
ثنيه : كانت أيام و خلاص راحت مع اللي راح.
صديقه : ايوه بس متتنسيش.
ثنيه : ما انتي سيبتينا وروحتي عيشتي في مصر.
صديقه : مش لما جه العريس بقى هههههههه سافرت معاه بس عمري ما نسيتك.
ثنيه : علشان كده كنتي بتسألي قوي ما انتي عارفه بيت ابويا لكن أنا معرفش عنوانكم هناك.
صديقه : ما خلاص بقى رجعنا هنا تاني.
ثنيه : ما تقولي لبنتك تاكل هي مكسوفه و لا ايه؟
على فكرة الفاكهة دي لسه قطفينها من الشجر يعني طازة ههههههههه كُلي متتكسفيش.
صديقه : كُلي يا غادة طنط ثنيه دي زي اختي
ههههههههههههه ياما عملنا مصايب مع بعض.
ثنيه : هههههههههههه
كده بنتك هتفهم غلط
أنا يا بنتي كنت بخاف من خيالي مامتك هي اللي كانت شقيه.
صديقه : وراحت الشقاوة يا اختي مع اللي راح يلا اهي كانت أيام و عدت هي حنين هتتأخر؟
ثنيه : لأ زمانها جايه أصلها بتوقف مع باباها و هما بيبعوا المحصول بقى ينسى كتير.
صديقه : ايوه يا اختي المال السايب بيعلم السرقة و اوقات كتير البنت بتنفع عن الولد طب اقولك اهي غادة اهي عندنا بالدنيا.
ثنيه : عندك حق أهو عندي جلال ابني ملوش في شغلنا خالص قاعد في مصر فاتح شركة صغيرة هناك و عملها حجه علشان محدش يقوله تعالى عيش هنا.
صديقه : طالما أموره كويسه هناك سبيه هيجي هنا يعمل ايه طالما مش حابب شغل باباه
انتي بقى ورثتي جنينة البرتقان دي؟
ههههههههههههه ياما أكلنا منها احلى برتقان.
ثنيه : لا دي الحاج ورثها عن ابويا العمدة ما هو الحاج فهمي اخد العمديه بعد ابويا.
صديقه : و مين العمدة بقى دلوقت؟
ثنيه : مش عارفه هتفتكريه و لا لأ
الحاج بكري ابن عمك عطية اللي كان شغال في الإصلاح.
صديقه : أنا أعرف ابوه بس هو معرفوش.
حنين تدخل : سلام عليكم.
يرددوا : و عليكم السلام.
ثنيه ببتسامة : تعالي يا حنين سلمي على خالتك هههههههه قصدي طنطك صديقه صاحبتي و زي اختي.
حنين تسلم : اه اهلا و سهلا ازي حضرتك يا طنط؟
صديقه : بخير يا حبيبتي انتي بقى حنين؟
فيها شبه منك يا ثنيه.
ثنيه : هههههههههههه
بقى أنا حلوة كده؟ غادة يا حنين بنت طنط صديقه.
حنين : اه ازيك يا غادة اخبارك ايه؟
غادة : أنا تمام.
ثنيه : اقعدي يا حنين
عارفه غادة قدك من جيلك يعني مش كده يا بنتي؟
غادة : أنا متخرجه السنه اللي فاتت.
حنين : و أنا كمان.
غادة : متخرجه من كلية ايه؟
حنين : زراعة.
غادة : أنا تجارة.
ثنيه : طيب يا حبيبتي خدي غادة و فرجيها على الجنينه بره اهو تتكلموا مع بعض بعيد عن كلام العواجيز بتاعنا.
حنين : اتفضلي يا غادة.
صديقه : يا اختي عواجيز ايه احنا لسه في عز شبابنا
ههههههههههههه
ثنيه : قصدي يعني ياخدوا على بعض شايفه غادة مبتتكلمش شكلها مكسوفه مني قولت هتفك مع حنين قد بعض بقى و يفهموا بعض انتي قاعدة فين دلوقت؟
صديقه : قاعدة مع جيهان سيلفتي أصل لسه البيت بتاعنا محتاج شوية شغل كده أمي قالتلي تعالي اقعدي معانا عقبال ما جوزك يجي بس جيهان مسكت فيه لازم اقعد معاها طيبه و بنت حلال.
ثنيه : ما اخدش بالي منها.
صديقه : لأ ما هي مش من البلد هنا هي متجوزة سلفي توفي من سبع تمن سنين كده و ابنها اتنقل هنا.
ثنيه : شغله هنا يعني؟
صديقه : ايوه دا ظابط القسم بتاع البلد.
ثنيه : اهيييه بتتكلمي بجد؟
صديقه : ايوه و هكدب عليكي ليه؟
ثنيه : شوفته مرة واحدة بس وقتها كانت الظروف مش كويسه.
صديقه : خير يا اختي ايه اللي حصل قلقتيني؟