أنا حرة

الحلقة ٥٢

#أنا_حرة
_________
الحلقة ٥٢

في منزل غيث وبالتحديد في غرفة حنين.
ثنية : قومي يا بنتي كُليلك لقمه هتنامي كده على لحم بطنك دا انتي ماأكلتيش حاجه من الصبح.
حنين :  مش قادرة يا ماما شبعانه.
ثنية : مترسيلك على بر مش قادرة تاكلي ولا شبعانه؟!
حنين : لما اجوع هقوم أكل لوحدي.
ثنية : تاكلي اه.. أصل أنا مش عارفاكي.
تنظر حنين في الغرفة.
ثنية : ايه مش مصدقه إنها تروقت؟
قعده اشيل من هنا واحط في الدولاب لما حيلي اتهد الفساتين دي بيحطوا فيها ايه؟
بس تعرفي أنا زعلت منك معرفش إنك كاتمه في قلبك كل ده.
حنين : ماما مش عاوزه اتكلم في الموضوع ده علشان خاطري.
ثنية : خلاص خلاص هسكت اهوه بس قومي معايا متزعلنيش منك بقى.
حنين : هو أنا هنزل تحت؟
ثنية : عاوزه تاكلي هنا؟
حنين : ياريت.
ثنية : خلاص هجبلك الأكل هنا بس تاكلي.
حنين : حاضر هاكل بس متكتريش.
ثنية : طالما قولتي كده يبقى مش ناويه تاكلي.
________
في فيلا تامر.
تامر : ها يا عمي قولت ايه؟
غيث بيقوم : اللي لك نصيب فيه هتشوفه.
تامر : يعني افهم من كده إن حضرتك موافق؟
غيث : مش مهم أنا أوافق بعد اذنكم.
عادل : شرفت ونورت يا حاج.
غيث : منور بـ أصحابه.
يوصل تامر غيث لحد ما يخرج من البوابة ويرجع لوالدة اللي كان مضايق.
تامر : تفتكر يا بابا إن عمي غيث موافق؟
عادل بحده : المهم هي زي ما قالك.
تامر : في حاجه يا بابا؟
عادل : فيه إنك كان شويه وتنزل تبوس رجله علشان يوافق وكأن مفيش غير حنين دي في الدنيا.
تامر : في يا بابا بس دي اللي بحبها.
عادل : حب ايه اللي يخلي الواحد يتذل بالشكل ده؟!
تامر : مش ذل يا بابا دا اعتراف مني بالغلط اللي عملته في حق نفسي وحقها.
عادل : خلاص روح اترمي تحت رجلها واطلب منها السماح.
تامر : أنا دلوقت مش فاهم حضرتك زعلان من ايه دا بدل ما تدعيلي إنها توافق.
عادل : توافق على ايه؟!
خلاص حياتك متوقفه على كلمة منها يعني لو رفضت هتعمل ايه؟
تامر وعيونه مليئه بالدموع : مش هعمل حاجه.
عادل : طيب ياريت بقى تسيبني اطلع أنام تصبح على خير.
________
في شقة ماجدة.
ماجدة : سيبي الكراريس اللي قدامك دي وروحي شوفي الشاي المياه بتغلي من زمان.
مريم : كشري؟
ماجدة : ايوه ما انتي عارفه.
مريم : هما ليه سموه شاي كشري يا تيته؟
ماجدة : أنا عارفه روحي شوفي الشاي يلا هتوقفي ترغي لحد ما المياه تخلص.
مريم تجري تدخل المطبخ.
ماجدة : تعالي شوفي تليفونك دا بيرن مين اللي بيتصل في وقت زي ده؟!
مريم : حاضر جايه.
تخرج مريم من المطبخ تنظر للشاشة وبابتسامة :
دا أنس يا تيته.
ماجدة : يا حبيبي ردي طمنيني عليه.
مريم : ما هو قفل هيتصل تاني اتفضلي الشاي.
ماجدة : معملتيش كوباية ليكي ليه؟
مريم : لا أنا هخلص تصحيح الكام كراسة دول وادخل أنام.
ماجدة : ياما نفسي اشوفك في بيتك كده عايشه ومتهنيه.
تنظر مريم حولها.
ماجدة : بتعملي ايه عماله تتلفتي حواليكي زي اللي ضايع منها حاجه.
مريم : ما هو أنا بتأكد إني عايشه في بيت له اربع حيطان وباب اهو مقفول علينا وعفش وأكل والدنيا تمام بيت ايه بقى اللى عاوزه تشوفيني فيه هو أنا قاعدة في الشارع؟
ماجدة : ايوه استهبلي استهبلي يعني مش عارفه؟
مريم : اااه قصدك الجواز يعني هههههههه
هتعملي زي طنط رنا يا تيته؟!
ماجدة : طنط رنا دا ايه اللي كانت عاوزه تجوزك لـ ابن عمها علشان تخلص منك.
مريم : اديني ريحتها ورجعت بلدي.
ماجدة : احسن برضه كنتي عاوزه تقعدي هناك تعملي ايه؟
مريم : اقعد مع بابا يا تيته يعني لا ماما ولا بابا كمان.
ماجدة : وأنا روحت فين يا بنت ابوكي.
مريم : انتي في قلبي يا تيته.
ماجدة : بس علشان هتخليني اعيط.
مريم : هههههههههههه
ماجدة : هو اخوكي دا ما صدق ولا ايه؟!
مريم بفرحه : اهو بيتصل.
ماجدة : ردي بسرعة.
مريم : الو ايوه يا أنس.
أنس : سلام عليكم.. ازيك يا مريوم.
مريم : وعليكم السلام.. أنا تمام ثواني يا تيته.
كانت ماجدة بتاخد الموبايل منها.
أنس : هاتي تيته اكلمها الأول.
ماجدة : تسلم وتعيش يا حبيب قلب تيته أنت اخبارك ايه يا انوس.
مريم : هههههههههههه ما بلاش الدلع دا يا تيته مبيحبوش.
أنس : لا تيته تقول لي اللي هي عاوزاه علشان وحشاني قوي.
ماجدة : وأنت كمان واحشني اوعى تكون اتجوزت.
انس : هههههههههههه اتجوزت ايه بس يا تيته لا طبعا مفيش الكلام ده اخبارك ايه؟
ماجدة : أنا بقيت بومب اهو لما سمعت صوتك اختك صحيح عامله شاي ميتشربش بس اهو ادينا مستحملين.
انس : هههههههههههه ليه بس كده يا مريم؟
مريم تاخد الموبايل : الشاي اللي ميتشربش ده تيته شربت نصه وبتكمل الباقي.
ماجدة : دا استخسار لكن لو هدفع فيه بره جنية واحد مش هشربه.
أنس : هههههههههههه
مريم : يا سلام عاجبك قوي التقطيم ده.
أنس : تقطيم ايه دا انتي في نعمه مش حاسه بيها.
مريم : طيب يا حبيبي ما تنزل علشان تاخد من الحب جانب.
أنس : قريب.
مريم : امتى؟
________
في التليفون 📞
رامي : يا خبر هي قالت لك كده؟
آدم : ايوه.
رامي : بصراحة عندها حق التوقيت مكانش مناسب بالمرة.
آدم : بقولك ايه أنا مش ناقصك اللي فيه مكفيني.
رامي : معلش بكره الموضوع يتنسي.
آدم : ازاي بس؟
رامي : لما كل واحد يلاقي اللي يشغله عن التاني ويبدأ حياه جديدة.
آدم : مش قادر اخرج صوتها من وداني ياااه على
كمية الوجع اللي حسيت بيه أول ما كلمتها أنا ظلمتها صح يا رامي؟
رامي : مش عارف.
آدم : يعني فعلا ظلمتها؟
رامي : قولتلك معرفش.
آدم : طب ممكن اعمل ايه علشان تسامحني؟
رامي : تبعد عنها هي تسامح متسامحش دي هي حرة لكن متكلمهاش ولا تحاول تقابلها خليها تنساك.
آدم : أنا بحاول اعمل كده بس مكونتش متصل علشان ارجع افكرها بيه كنت عاوز اطمن عليها.
رامي : حتى دي ملكش حق فيها سيبها بقى تعبانه مبسوطه حزينة دي حياتها وأنت خرجت منها فـ ابعد بقى وانسى وعيش حياتك يمكن هي كمان تلاقي حياه تانية أجمل من اللي كانت هتعيشها معاك.
آدم : بجد بدعيلها بكل خير.
رامي : علشان أنت ابن أصول.
آدم : بس هي مش فاهمه الحقيقة ومفكره إني بعدت عنها علشان الكلام اللي ماما راحت قالته ليها.
رامي : سيبها هي بكره تفهم الحقيقة لوحدها ظهورك في حياتها بيجدد الوجع من تاني خليها تنسى بقى.
آدم : هحاول أنا كمان انسى.
رامي : تصبح على خير.
___________
في الصباح في منزل غيث.
جلال : وفيها ايه بس يا بابا حنين هتقعد عندي وهشيلها في عنيه متخافش عليها.
ثنية : وبعدين حنين مش صغيرة يا حاج علشان تخاف عليها سيبها تفُك شويه عن نفسها هتقعد هنا تعمل ايه ولا أنت عاوزها بقى علشان الشغل وكده؟
غيث : لأ أنا مش عاوزها علشان الشغل يا حاجه بس تقعد هنا جنبنا هتروح مصر تعمل ايه هناك؟
جلال : حضرتك يعني خايف إن آدم يضايقها هناك؟
غيث : وهو ايه اللي هيوصله ليها بس يا ابني؟
وبعدين مش هو وأمه عملوا اللي عملوه ده بس هو برضه ابن أصول وعمره ما يحاول يأذي اختك.
جلال : طب خايف من ايه بقى؟
غيث : يا ابني مش خايف ولا حاجه.
ثنية : حنين بس هتوحشه مش كده يا حاج؟
غيث : ايوه بس لو هي موافقة خلاص براحتها.
_____
في غرفة حنين.
هايدي : قومي بقى البسي باباكي موافق تيجي معانا.
حنين : هاجي معاكم اعمل ايه بس يا هايدي خليني قاعدة هنا.
هايدي : جلال جاي مخصوص علشانك بلاش بقى ترجعيه كده على الفاضي.
حنين : جاي مخصوص علشاني أنا ليه؟
اوعي تكوني قولت ليه حاجه يا هايدي؟
هايدي : بصراحة قولت له يجي ياخدني أنا وانتي واهو نغير جو.
حنين : بالعكس اللي عايز يغير جو يجي هنا.
هايدي : معاكي بس مفيش مانع يعني نغير المكان شويه.
حنين : أصل بابا هيزعل.
هايدي : هيزعل من ايه بقى إذا كان قال براحتها عاوزه تروح معاكم خليها تلبس.
حنين : ما هو انتي متعرفيش براحتها دي معناها ايه.
هايدي : هههههههه يا حبيبتي هو انتي هتعيشي هناك دول كلهم يومين تلاته ولو عجبتك القاعدة اقعدي براحتك.
حنين : ماشي.
هايدي : خلاص هسيبك بقى تجهزي كده وانزل أنا.
________