#أنا_حرة
________
الحلقة ٣٣
في شقة مايسه.
زياد يُقبل يد والدته : وحشتيني قوي يا ماما.
فريال : وأنت كمان يا حبيبي وحشتني.
تركتهم مايسه ودخلت جوه استأذن زياد من والدته وراحلها.
في غرفة زياد ومايسه.
زياد : ايه يا مايسه مالك حاجه حصلت ولا ايه؟
مايسه : لا ابدًا هيحصل ايه يعني أنا تمام مش أنت تمام برضو؟
زياد : امال ايه المقابلة اللي قابلتيني بيها دي؟!
مايسه : مقابلة ايه وبعدين مهتم قوي بمقابلتي ليك ليه هو أنا أصلا ليه أي قيمة بالنسبالك؟!
زياد : ايه اللي بتقوليه ده؟
مايسه : دا الواقع يا بشمهندس ولا هنضحك على بعض أنا بس بسأل نفسي سؤال ونفسي أعرف اجابته منك أنت
اتجوزتني ليه يا زياد طالما مكتفي بنانسي وبتحبها؟!
زياد : أنا عمري قولتلك إني بكره نانسي؟
وبعدين عادي يعني اتجوزتك علشان اكمل بيكي اللي مش لاقيه مع نانسي.
مايسه : اللي هو ايه بقى الحمل مش كده؟
زياد : ايه اللي بتقوليه ده
نانسي اصلا معندهاش مشكلة في الحمل كل الدكاترة اللي روحنا ليهم قالوا الكلام ده.
مايسه : امال اتجوزتني ليه ايه اللي ناقصك علشان عاوز تكمله بيه
ايه كان حلم عمرك إنك تتجوز اتنين؟!
زياد : طب انتي بقى اتجوزتيني ليه؟
مايسه : الست لما بتتجوز الاسباب بتكون معروفه اما في حالتك دي مش قادرة احدد أنت اتجوزتني ليه بالظبط.. تحدي مثلا؟
زياد يضحك بسخرية : تحدي مع مين بالظبط
مع رشدي ولا معاكي؟
مايسه : ايه اللي جاب سيرة رشدي دلوقت؟!
زياد : بتضايقي ولا بتزعلي إني بفكرك بيه؟
مايسه : لا دا ولا دا رشدي كان مرحلة في حياتي وعدت ياريت تجاوب على السؤال اللي سألته.
زياد : هو الراجل بيتجوز ليه؟
مايسه : جاوب أنت أنا مش هخمن.
زياد : هههههههههههه
أنا عندي شغل لما ارجع هبقى اقولك.
مايسه : زياد ياريت تقول لنانسي الحقيقة أنا نفسي تعرف علشان مفضلش خايفه كده.
زياد : لو نانسي عرفت أنا مش هبقى معاكي ياريت تكوني فهمتي.
تركها وخرج.
فريال : ايه يا حبيبي رايح فين؟
زياد بتنهيده : عندي شغل يا ماما.
فريال : زياد ضحى مسافرة مع جوزها.
زياد : وايه المشكلة؟ هي قالتلي وأنا قولتلها سافري بالسلامة وحضرتك هتعيشي معايا هنا.
فريال : حبيبي أنا مبرتحش غير في بيتي.
زياد : خلاص اجي أنا أعيش معاكي.
فريال : هتيجي بمايسه ولا نانسي بقى؟
لا يا حبيبي خليك عايش زي ما أنت وأنا هرجع شقتي.
زياد : مش هيحصل يا ماما مستحيل اسيبك تعيشي لوحدك لما ارجع هنبقى نكمل كلامنا سلام.
فريال : مع السلامة.
في غرفة مايسه.
قاعدة جوه منهاره وبتبكي.
مايسه : انتي اللي عملتي كده في نفسك يا مايسه اهو يوم ما تخيره بينك وبينها هيختارها هيه أنا كنت فترة في حياته ست سهله تجاوبت معاه
غبيه خربت بيتها ودمرت حياتها وكل دا ليه علشان تبقى حرة لكن اللي شوفته مع زياد دا سجن مش حرية رشدي كان أفضل منه مليون مرة بس الندم مش هيرجع اللي راح وخصوصا إننا اللي عملت كل
دا في نفسي.
أنت تقرأ
أنا حرة
Romanzi rosa / ChickLitفتاة متمرده باعت الغالي بالرخيص و اخرى لم تختر زوجها حتى يوقعها في مشاكل كثيرة مايسه و حنين هنشوف مين اللي هتربح في النهاية. ........ الأم : و لا تزعلي نفسك بكره يجيلك احسن منه. مايسه : بس ابني صعبان عليا قوي يا ماما متعلق بيه. الأم : ليه عجبه قوي...
