[Completed] Just Blame Me for being Blind in the Beginning (MM Translation)

Chapter 49

Unicode Font

49.

'သူတောင် သူ့မိန်းမကို ဆူတောင် မဆူရက်ဘူး အဲ့ဒါကို အပြင်လူက သူမကို ဒီလိုမျိုး ဆူနေတယ်ပေါ့လေ?!'

ရိုက်ကူးရေးအဖွဲ့သည် ရိုက်ကွင်းတည်နေရာသို့ အုပ်စုလိုက် သွားကြလေသည်။ သူတို့၏ ဟိုတယ်အခန်းများသည် ကြိုတင်ဘွတ်ကင်တင်ထားပြီးသားဖြစ်သည်။ သူတို့ ရောက်ရှိသောအခါ အားလုံး တစ်ခဏသာ နားခဲ့ရပြီး ဒါရိုက်တာကြောင့် အလုပ်ဆီသို့ ပြန်လာကြရန် နှိုးဆော်ခြင်းခံလိုက်ရသည်။

Pei Ying ဟိုတယ်သို့ ရောက်ရှိပြီးနောက် သူမသည် Song Nanchuanဆီ ဖုန်းဆက်လိုက်သည်။ သူတို့ အကြမ်းဖျင်းသာ စကားပြောဖြစ်ကြပြီး သူမ အထုပ်အပိုးတွေ နေရာမချရသေးခင်မှာပဲ ဒါရိုက်တာက သူမကို ရိုက်ကွင်းသို့ ကမန်းကတန်း လာခိုင်းလိုက်သည်။

ရိုက်ကူးရေး စတင်သောအခါ အားလုံးက ရုတ်တရက် ထိုအကြောင်း သိသွားကြတော့သည်... ရုပ်ရှင်ဘုရင်ကြီးMoက သူ့ဇနီးကိုပါ ခေါ်လာခဲ့တာပဲ!

Mo Zhen အိမ်ထောင်ကျပြီးသည်မှာ နှစ်နှစ်ရှိပြီး ဖြစ်ပေမဲ့ သူနှင့် သူ့ဇနီးလေးကို စိတ်ဝင်စားနေကြသော ပရိတ်သတ်မြောက်များစွာ ရှိကြသေးသည်။ ထို့အပြင် တိုက်ဆိုင်စွာဖြင့် ရိုက်ကူးရေးက လူတစ်ဝက်လောက်သည် သူ့ပရိတ်သတ်များ ဖြစ်နေကြသည်။

Yu Kaizeသည် Mo Zhenနှင့် သူ့ဇနီး စကားပြောနေသည့်ဘက်ကို ကြည့်လိုက်သည်။ သူသည် လျှာကို ချက်ခနဲ ကိုက်လိုက်ကာ ပြောလိုက်သည်၊ "အဲ့ဒါကြောင့် ဒါရိုက်တာက သူ့ကို မေးတဲ့အချိန် ဘာပြဿနာမှ မရှိဘူးလို့ ပြောလိုက်တာကိုး. သူ သူ့မိန်းမကိုပါ ခေါ်လာခဲ့တဲ့ဟာ ဘာပြဿနာမှ မရှိတော့ဘူးပေါ့."

Pei Yingသည် Mo Zhen၏ ဇနီးကို ပထမဦးဆုံး တွေ့ဆုံခြင်းဖြစ်သောကြောင့် သူမသည် သူတို့ဘက်ကို သိချင်ဇောဖြင့် ကြည့်လိုက်သည်။ "သူ့မိန်းမက နဂိုတည်းက သူ့လက်ထောက်ပဲလေ. သူမ တူတူလိုက်လာခဲ့တာက အထူးအဆန်းကြီး မဟုတ်တော့ပါဘူး."

ထို'လက်ထောက်'သည် ဧကရာဇ်Moကို လက်ထက်ခဲ့သောကြောင့် နိုင်ငံတစ်ခုလုံးသည် လက်ထောက်ဖြစ်ချင်ကြသောရောဂါတောင် ထလိုက်ကြသေးသည်။