[Completed] Just Blame Me for being Blind in the Beginning (MM Translation)

Chapter 51

Unicode Font

51.

'သူမအလှက သူ့ကို အချိန်တိုင်း ညှို့ယူဖမ်းစားနေတာပဲ.'

တစ်လလောက် ဆက်တိုက် ရိုက်ကူးပြီးနောက်The Peforemer အဖွဲ့သားများ နောက်ဆုံးတော့ သူတို့၏ ပထမဆုံးသော အားလပ်ရက်ကို ရရှိကြတော့သည်။

သူတို့ ရိုက်ကူးရေးခရီးစဥ်သည် ချောမွေ့စွာ ပြီးဆုံးပြီးနောက် သူ၏ လက်ပြနှုတ်ဆက်မှုနှင့်အတူ ဒါရိုက်တာZhaoသည် လူတိုင်းကို အားလပ်ရက်သုံးရက် ပေးလိုက်တော့သည်။

မိုးအကြာကြီး ခေါင်ပြီးနောက် မုန်တိုင်း ရောက်လာသကဲ့သို့ ရိုက်ကူးရေးအဖွဲ့သားတို့အားလုံးသည် အူမြူးပျော်ရွှင်နေကြသည်။ အခြားတစ်ဖက်က Song Nanchuanမှာတော့ သတင်းကို ကြားသောအခါ ချက်ချင်း မျက်မှောင်ကုတ်သွားတော့သည်။ သူ ဒါရိုက်တာZhaoကို ကိုယ်တိုင်ကိုယ်ကျ ဖုန်းဆက်လိုက်ပြီး ရင်းရင်းနှီးနှီးပွင့်ပွင့်လင်းလင်း စကား ပြောဆိုကာ သူနှင့်သူ့ဇနီးကြားက သူ့အခက်အခဲများကို သုံးရက်တည်းနှင့် ဖြေရှင်းတာက မလုံလောက်နေကြောင်းကို သိမ်းသွင်းစည်းရုံးခဲ့သည်။

သူ၏ အစ်အောက်ပြောဆိုမှုကြောင့် ရိုက်ကူးရေးအဖွဲ့၏ သုံးရက်တာအားလပ်ရက်သည် ငါးရက်တာ အားလပ်ရက် ဖြစ်သွားခဲ့တော့သည်။

သူ မျှော်လင့်ထားသလို လုံးလုံးလျားလျား မဖြစ်ခဲ့ပေမဲ့ Song Nanchuanသည် သူ ရှေ့ရောက်နေမှန်း သိသောကြောင့် ထိုငါးရက်လောက်နှင့် ကျေနပ်ခဲ့လိုက်သည်။ Pei Yingကို ကြိုဆိုနိုင်ရန်အတွက် သူသည် စားသောက်ဆိုင်ကို စားစရာ အများကြီး ပို့လာခဲ့ရန် အထူးစပါယ်ရှယ် မှာထားခဲ့သည်။

သူ့အချိန်ကလည်း ကွက်တိဖြစ်ခဲ့သည်။ လာပို့သော လူ ထွက်သွားပြီးသည်နှင့် Pei Ying၏ ဗန်ကားလည်း ဗီလာရှေ့ ရပ်တန့်သွားတော့သည်။

Song Nanchuanသည် သူမကို နှုတ်ဆက်ရန် ထွက်လာခဲ့ပြီး ကြောင်များအားလုံးကလည်း သူမဆီ အရင် ရောက်ရန်အတွက် ပြေးသွားကြတော့သည်။

"မြောင်~"

ခါတိုင်းကဲ့သို့ ကြောင်များသည် Pei Yingခြေထောက်များပတ်လည်တွင် ပတ်နေကြသည်။ Pei Yingသည် သူမ၏ ခရီးဆောင်သေတ္တာကို လွှတ်ချလိုက်ပြီး အနက်ရောင်ကြောင်ကို ပွတ်သပ်ရန် ကိုင်းညွတ်လိုက်သည်။ "Blackieက ကြည့်ရတာ ဝလာသလိုပဲ."