[Completed] Just Blame Me for being Blind in the Beginning (MM Translation)

Side Story 2

Unicode Font

'မင်း ရှေ့ဆက်ပြီး လျှောက်နေမဲ့ကာလပတ်လုံး အလင်းရောင်ကို တွေ့မဲ့အခွင့်အရေး သေချာပေါက် ရလာမှာပါ.'

CEO Song၏ ချစ်စရာကောင်းသော ကလေးပုံ မတော်တဆဖြစ်စဥ် ဖြစ်ပျက်သွားသည့်နောက် The Performer၏လက်မှတ်ရောင်းရငွေသည် တဖြည်းဖြည်းပို၍ တက်လာနေဆဲဖြစ်သည်။ တစ်ချိန်တည်းမှာပဲ သူမသည် Chen Shengဆီက 'အကောင်းဆုံးမင်းသမီးဆု'စာရင်းတွင် ဆန်ကာတင်ပါဝင်သည်ကို ကြားခဲ့ပြီး ထုတ်လုပ်ရေးအဖွဲ့ကိုလည်း နိုင်ငံခြားရုပ်ရှင်ပွဲတော်သို့ တက်ရောက်သို့ ဖိတ်ကြားခြင်းခံရသည်။ သူတို့ကို ရုပ်ရှင်မပြခင် အနီရောင်ကောဇောလျှောက်လမ်းတွင် ပါဝင်ရန်လည်း ဖိတ်ကြားခြင်းခံရသည်။

အစတုန်းက ဒါရိုက်တာသည် ထိုရုပ်ရှင်ပွဲတော်တွင် ပါဝင်ရန် စာရင်းသွင်းချင်ပေမဲ့ ကံဆိုးချင်တော့ သူတို့ သတ်မှတ်ထားသောနောက်ဆုံးအချိန်ကို လွဲချော်သွားခဲ့သည်။ သူသည် ကျင်းပရေးကော်မတီက သူတို့ဆီ အရင်လာပြီးတော့ ပွဲကြည့်သူများအဖြစ် လာရောက် ဖိတ်ကြားခဲ့မည်ကို မထင်မှတ်ထားခဲ့ပါ။

ဒါပေါ့၊ သူတို့ နည်းနည်းတော့ ဟိတ်ဟန်ထုတ်ရမှာပေါ့။

နိုင်ငံခြားရုပ်ရှင်ပွဲတော်သို့ တက်ရောက်ရမည်ဟု မထင်မှတ်ထားခဲ့သော Pei Yingသည် ဘယ်လို တွေးရမှန်းတောင် မသိတော့ပေ။ သူမသည် စိုးရိမ်ပူပန်နေသလို စိတ်လည်း လှုပ်ရှားနေသည်။ Universe Picturesနှင့် The Performerအကောင့်များက ထိုသတင်းများကို weiboပေါ် တစ်ချိန်တည်း တင်လိုက်ပြီး ရုပ်ရှင်အတွက် လက်မှတ်ရောင်းရငွေတို့လည်း နှစ်ဖက်လုံးမှ လာသော ရေလှိုင်းများကဲ့သို့ တက်လာခဲ့တော့သည်။

ပရိတ်သတ်များသည် Pei Ying၏ weiboပေါ်တွင် ဂုဏ်ပြုသည့် စာများ ပို့ထားကြတော့သည်။ အချို့သည် သူမကို အင်တာနေရှင်နယ်Peiဟုတောင် အမည်ပေးကြသည်။

Song Nanchuanနှင့် ညနေခင်းလေ့ကျင့်ခန်းပြီးသွားနောက် Pei Yingသည် သူ့ရင်ဘတ်ပေါ်တွင် မှီထားနေရင်း သူ့ကို ကြည့်လိုက်သည်၊ "ဒီနေ့ ဒါရိုက်တာက ကျွန်မတို့ကို နောက်အပတ်ကျရင် နိုင်ငံတကာရုပ်ရှင်ပွဲတော် တက်ရမယ်လို့ ပြောတယ်၊ ပြီးတော့ အနီရောင်ကောဇောလျှောက်လမ်းလဲ ရှိမယ်တဲ့."