[Completed] Just Blame Me for being Blind in the Beginning (MM Translation)

Chapter 5

Unicode Font

5. ဆက်သွယ်ခြင်း

CEO Song, ရှင် Weixin သုံးလား? (Weixin- Wechat)

Song Nanchuanသည် သူမကို စောင့်ကြည့်နေသည်၊ ထို့နောက် သူ၏နှုတ်ခမ်းထောင့်များသည် ကွေးတက်သွားလေသည်။

ဝန်ထမ်းတစ်ယောက်သည် ဒါရိုက်တာဆီ သွားကာ Song Nanchuan ရောက်နေပြီးဖြစ်ကြောင်း ပြောလိုက်သည်။ ဒါရိုက်တာသည် လူတိုင်းကို ခဏနားရန် ပြောပြီးနောက် Song Nanchuan ရှိသော နေရာသို့ သွားလေသည်။

"CEO Song, ခင်ဗျား ဘယ်လိုဖြစ်လို့ ဒီနေ့ ရိုက်ကွင်းကို လာလည်ဖို့အချိန် ရသွားတာလဲဗျ?" အဓိကရှယ်ယာရှင်နှင့် တွေ့ဆုံလိုက်ရသည့်အတွက် ဒါရိုက်တာမှာ အလွန့်အလွန် ယဥ်ကျေးပျူငှာနေသည်။

Song Nanchuanသည် သူ့ကို ခေါင်းညိတ်လိုက်ကာ ပြောလိုက်သည်၊ "ကျွန်တော် အချို့အရာတွေ လေ့လာချင်လို့ ရောက်လာခဲ့တာပါ."

"CEO Song, ခင်ဗျား ကျွန်တော်တို့ကို တော်တော်လေး အထင်ကြီးထားတာပဲ." ဒါရိုက်တာမျက်နှာသည် အပြုံးများနှင့် ဝေဆာနေသည်။ "CEO Song, ခင်ဗျား ကျွန်တော်တို့ အခု ရိုက်ပြီးသွားတဲ့အခန်းကို ကြည့်လိုက်လား? ဘယ်လို သဘောရလဲဗျ?"

Song Nanchuanသည် တုံ့ပြန်လိုက်သည်၊ "ကျွန်တော် သရုပ်ဆောင်တဲ့အကြောင်းကို သိပ်မသိဘူးဗျ. ပြောရရင် ဒါရိုက်တာLiangက ပညာရှင်ပီသနေတုန်းပဲ."

ဒါရိုက်တာLiangသည် ယဥ်ကျေးသမှုဖြင့် ရယ်လိုက်သည်၊ ထို့နောက် သူသည် သရုပ်ဆောင်မှုအကြောင်း ပြောလာလေသည်။ "ခုနက အခန်းက မင်းသမီးဇာတ်လိုက်က နာမည်ကြီးတဲ့ မော်ဒယ်Shi Jingနဲ့ တွေ့ဆုံတဲ့အခန်းဗျ. ပြောရရင် Tao Taoက သရုပ်ဆောင်တဲ့ အတွေ့အကြုံအများကြီးရှိတယ်, ဒါပေမဲ့ သူမက Pei Ying လွှမ်းမိုးခြင်း လုံးဝ ခံလိုက်ရတယ်ဗျ."

ဒါရိုက်တာက Pei Yingအကြောင်း ပြောသည်ကို ကြားရပြီးနောက် Song Nanchuanသည် မေးလိုက်သည်၊ "ဒါရိုက်တာLiang, ခင်ဗျား Pei Ying သရုပ်ဆောင်တာကို ဘယ်လိုသဘောရလဲ?"

ဒါရိုက်တာLiangသည် ခဏစဥ်းစားလိုက်ပြီးနောက် ပြောလိုက်သည်၊ "အရည်အချင်းအရဆို Pei Yingက Tao Taoထက် ပိုသာတယ်. ဒါပေမဲ့ အဲ့ဒါကို ဘယ်လိုပြောရမလဲ, ဒီကောင်မလေးကံက ဆိုးတယ်ဗျ. သူ အရင်က သရုပ်ဆောင်တဲ့နေရာတွေက သူမ အရည်အချင်းကို ဖော်ပြခွင့် သိပ်မရကြဘူး. ပြီးတော့..." သူသည် အချို့သော အရာများကို ချန်ထားသင့်သည်ဟု ဆုံးဖြတ်လိုက်ကာ Tao Taoအကြောင်း ခေါင်းစဥ်ပြောင်းလိုက်သည်။ "Tao Taoက ပိုပြီးတော့ လူဝင်ဆန့်တယ်, အဲ့တော့ သူမက ဒီအနုပညာအသိုင်းအဝိုင်းမှာ ဝင်ရောဖို့ ပိုလွယ်ကူတယ်."