[Completed] Just Blame Me for being Blind in the Beginning (MM Translation)

Chapter 56

Sorry for a bit late TT

Unicode Font

56. 

(ဘာလို့ မကရမှာလဲ?)

'ပင်လယ်ပြင်က မိန်းကလေး'သံစဥ်သည် ညအချိန်တွင် ထွက်လာသောကြောင့် Pei Yingကို အံ့သြသွားစေတော့သည်။

သူမ ထိုသီချင်းကို နားထောင်ခဲ့သည်မှာ နှစ်ပေါင်းများစွာကြာပြီးဖြစ်ပေမဲ့ ထိုသံစဥ်ကို တိုက်ရိုက် ကိုယ်တိုင်ကိုယ်ကျ နားထောင်ရတာက ပထမဆုံးအကြိမ်ပင်ဖြစ်သည်။ Song Nanchuanသည် ကမ်းခြေသောင်ယံတွင် မတ်တပ်ရပ်နေပြီး သူ့ခြေထောက်နှင့် သံစဥ်လိုက်နေသည်။ လေထဲတွင် ပင်လယ်နံ့လေးလည်း ရောနှောပါဝင်နေသည်။

ဤသီချင်းကို သီဆိုရန် ဤနေရာလောက် ပိုသင့်တော်သော နေရာမရှိတော့ပါ။

Pei Yingသည် ပတ်ဝန်းကျင်အခြေအနေတွင် လုံးဝကို နစ်ဝင်သွားပြီး ကဗျာဆန်သော အသံလေးက သူမကို ပြုစားနေသည်။

Song Nanchuanလည်း သူ့သီချင်းသံထဲတွင် နစ်ဝင်သွားပြီး ငွေရောင်လရိပ်က သူ့အတွက် အလင်းရောင်ပေးနေသလို သူ့ခန္ဓာကိုယ်ပေါ်သို့ ကျရောက်နေသည်။ လရောင်အောက်က သူ့ပုံရိပ်၊ သူ၏ မှိတ်တုတ်မှိတ်တုတ်ဖြစ်နေသော မျက်တောင်များ၊ သူ့လက်ဝဲဘက်မျက်လုံးအောက်က အလှမှဲ့ငယ်လေး... အရာအားလုံးသည် ရုပ်ရှင်ကားက အခန်းတစ်ခန်း၏ အနီးကပ်ပုံကို အနှေးဖြင့် ပြနေသလို Pei Yingရှေ့တွင် ပေါ်လာနေသည်။

ပင်လယ်ကမ်းခြေတွင် တယောသံနှင့်အတူ သူမ ချစ်ရသော ယောကျာ်းနှင့်တူတူ ရှိနေခြင်း... ထိုပုံရိပ်သည် Pei Ying တစ်သက်တာလုံးမှာ အမှတ်ရနေတော့မည့် ပုံလည်း ဖြစ်သည်။

အချို့သော အကြောင်းအရင်းများကြောင့် သူမ ရုတ်တရက် ကခုန်ချင်လာတော့သည်။ သူမသည် စီးနင်းလာသော ဒေါက်မြင့်ဖိနပ်များကို ချွတ်လိုက်ကာ ရေစပ်နားထိ လမ်းလျှောက်လိုက်သည်။ သူမ ခြေဖျားထောက်လိုက်ကာ စတင်ကတော့လေသည်။

သူမသည် Dancing In the Bright Sunlight လူရွေးပွဲအတွက် လေ့ကျင့်ခဲ့သော အကကို ကခဲ့သည်။ သူမ ထိုအကကို သင်ယူရန် တစ်ပတ်လောက် အချိန်ယူခဲ့ပေမဲ့ နောက်ဆုံးမှာတော့ သူမ လူရွေးပွဲမှာတောင် မကနိုင်ခဲ့ပါ။