[Completed] Just Blame Me for being Blind in the Beginning (MM Translation)

Side Story 3

Unicode Font

'(ဖက်ထုပ်ပေါက်စလေး)'

Song Nanchuanက ကလေးယူမည့်အကြောင်း ပြောလာခဲ့သော်လည်း Pei Yingသည် ယခုမှ အကောင်းဆုံးမင်းသမီးဆု ရရှိခဲ့သောကြောင့် သူမ၏ မင်းသမီးအဖြစ် တန်ဖိုးက စမြင့်တက်လာပြီးဟု ပြော၍ ရနိုင်သည်။ ထို့အပြင် ဆိုလိုသည်မှာ မြောက်များစွာသော ထုတ်လုပ်ရေးကုမ္ပဏီများက သူမဆီကို ကမ်းလှမ်းချက်များ ပေးနေကြပြီးဖြစ်သောကြောင့် သူတို့ ကလေးယူရန် အချိန်ကောင်း မဟုတ်နေပါ။

သူမနှင့် Song Nanchuanတို့သည် ဆွေးနွေးခဲ့ကြပြီး သူမအလုပ် အခြေကျသွားသည်အထိ တစ်နှစ် သို့မဟုတ် နှစ်နှစ်စောင့်ပြီးမှ ဒီမေးခွန်းကို ပြန်ဆွေးနွေးရန် ဆုံးဖြတ်လိုက်ကြသည်။

Song Nanchuanက မင်းသမီးငယ်လေးများ ယူရန် ပြောလာဦးမည်ဆိုရင်တောင်မှ Pei Yingနှင့်ပဲ နှစ်ကိုယ်တည်း နှစ်အနည်းငယ်လောက် အချိန်ကုန်ဦးမည်ကို စဥ်းစားလိုက်သောအခါမှ သူ လိုလိုလားလား လက်ခံလိုက်တော့သည်။

နောက်နှစ်နှစ်အတွင်းတွင် Pei Yingသည် တီဗီဒရာမာတစ်ကား၊ ရုပ်ရှင်နှစ်ကား၊ မြောက်များစွာသော ကြော်ငြာများ ရိုက်ကူးခဲ့ကာ အခြားသောEP [1] ထုတ်ရန်အတွက် Qiao Yichenနှင့် ပြန်တွေ့ဆုံခဲ့သည်။ သူမအချိန်စာရင်းသည် ပြည့်လျှံနေသည်။ သူမ နာမည်လည်း ကြီးလာရုံတင်မက သူမ နို့မှုန့်ဖိုးအတွက် လုံလောက်စွာ ရှာနိုင်ခဲ့ပြီးဖြစ်သည်။

နောက်ဆုံးတော့ သူမပရိတ်သတ်များ၏ နှစ်နှစ်လုံးလုံး အလျှော့မပေးသော လုံ့လဝီရိယတို့ကြောင့် Pei Yingသည် ကိုယ်ဝန်ဆောင်မည်ကို ပြင်ဆင်ရန်အတွက် အနုပညာနယ်ပယ်ကနေ ခေတ္တအနားယူမည်ဖြစ်ကြောင်း ကြေငြာချက် ထုတ်လိုက်သည်။

ထိုသတင်းက များစွာသောပရိတ်သတ်တို့ကို သူတို့သာ ကလေးယူမည့် လူအလား သူတို့မျက်နှာထက်တွင် မျက်ရည်များ တသွင်သွင် ကျဆင်းစေနေကြတော့သည်။ မီဒီယာများကလည်း ဗိုက်ကြီးလာမည့်ပုံကို စောင့်ကြည့်ရန်အတွက် ဖွဲ့စည်းနေကြရင်း စိတ်အားထက်သန်နေကြသည်။

Pei Yingသည် ကလေးရရှိရေး ဒို့အရေးအုပ်စုမှ မှတ်ချက်များကို ဖတ်နေကာ သူမသည် Song Nanchuanဘက်သို့ လှည့်ကာ ပြောလိုက်သည်၊ "Chuan Chuan ရှင့်အပေါ်မှာ ဖိအားတွေ အများကြီး ရှိနေပြီးလို့ ထင်တယ်."