Unicode
"အန်ကယ့်ဘဝကို အရက်ကပဲကယ်နိုင်တော့မှာ။ မီးငယ်ရာ သမီးပဲစဉ်းစားကြည့်စမ်း…သမီး
အန်ကယ်နဂါးက စက်ရက်လိုက်တဲ့လူကြီး။ အသည်းနှလုံးမရှိတဲ့လူ ၊ ခံစားတတ်တဲ့ နှလုံးသားမရှိဘူးကွ။ဘာတဲ့ စိတ်ပျက်တယ်တဲ့ ဘယ်လောက်ပဲ စိတ်ဆိုးဆိုး အေ့…အခုလိုကြီးတော့ ပြောစရာလား ။ ဒီမှာ ဘယ်လောက်ခံစားသွားရလဲ သူမသိဘူး။ဘယ်သိပါ့မလဲ နှလုံးသားမှ ... အေ့ နှလုံးသားမှမရှိတာကို"
"ရက်စက်တာဟုတ်ဘူးလားဟင်"
"ဒီကောင်က စက်ရက်တာမီးငယ်ရ ။
နှလုံးသားမရှိတာ"
"ရက်စက်တာပါဆို"
"စက်ရက်တာပါဆို မီးငယ်ရာ"
"ရက်စက်တာလို့ "
မီးဖိုခန်းထဲရှိ မူးပြီးရစ်နေတဲ့အမူးသမားနဲ့ မမူးပဲရစ်နေတဲ့ မီးငယ်ကို ဂုဏ်နဂါးမှာ ခါးထောက်ပြီးသာ ကြည့်နေလိုက်တော့သည်။ သူနဲ့လင်းသိုက်ကို မီးဖိုခန်းထဲ အလာမခံဘဲ မီးငယ်ကိုသာဆွဲခေါ်ထားကာ ဒင်းက ပေါက်ကရတွေပြောနေတာ။
"အဲဒီကောင် တရားသလား…ဟမ် မီးငယ် စဉ်းစားကြည့် ။ အန်ကယ်က သူ့ကို ချစ်လို့လည်းစရသေးတယ်။ဒါကို ခွေးကောင်က စိတ်ပျက်တယ်တဲ့"
"ဟိုက် ဟိုက် အန်ကယ်နဂါးက မတရားတာပေါ့"
"အဲမှာကြည့် ကလေးတောင်နားလည်တယ် အဲဒီငတုံးက မသိဘူး။ဘယ်သိမလဲ နှလုံးသားမှမရှိတာကို… အသည်းနှလုံးမရှိတဲ့ဂုဏ်နဂါး ၊ရက်စက်တဲ့ဂုဏ်နဂါး"
"အန်ကယ် မူးနေပြီလားဟင်။မူးရင် အိပ်တော့လေ"
"မမူးဘူး ။ မမူးဘူးနော်။အန်ကယ် လုံးဝမှ မမူးဘူးသိလား သမီး"
ပြောရင်းဖြင့်ပင် မင်းသန့်ပြုံးမောင်ရဲ့ ခေါင်းက စားပွဲနဲ့မိတ်ဆက်သွားလေပြီ။သို့သော် ဆတ်ခနဲပြန်ထလာကာ…
"အန်ကယ့်ကို အမူးသမားကြီး၊လူရမ်းကားကြီး ၊ လူဆိုးကြီးလို့ မီးငယ်ထင်နေပြီလား အေ့"
"မထင်ပါဘူးအန်ကယ်ရဲ့"
"အန်ကယ်က ကြေကွဲနေလို့ပါကွာ။ အဲ့ကောင်က စိတ်ပျက်တယ်တဲ့ သူမို့ပြောထွက်တယ်ကွာ
ဟား … ဟား ရေခဲတုံး ။ သူ့နှလုံးသားကို ရေခဲတိုက်ထဲထည့်ထားတာ။ဟာ ဒါနဲ့ မီးငယ်
မီးငယ်လေးက နေမကောင်းသေးဘူးမလား သွား…သွားနားတော့ ကလေး။ အန်ကယ်က
လူဆိုးကြီး အန်ကယ့်နားမနေနဲ့ သွား မီးငယ် သွား"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
