Unicode
ဗုဒ္ဓသရဏံ ဂစ္ဆာမိ
ဓမ္မံသရဏံ ဂစ္ဆာမိ
သံဃသရဏံ ဂစ္ဆာမိ
ရေချယ့်ခေါင်းကိုအုပ်ကိုင်ကာ အန်ကယ်ရေရွတ် နေသည်မို့ ငြိမ်သက်စွာနေလိုက်မိသည်။စာမေးပွဲ ဖြေတိုင်း ၊အပြင်ကိုတစ်ယောက်တည်းသွားတိုင်း ဒါမှမဟုတ် ထမင်းစားရင်း သီးတဲ့အခါမျိုးဆို ထိုသို့ရွတ်ပေးတတ်တာမို့ ယခုလည်း စာမေးပွဲခန်းထဲမဝင်ခင်ရွတ်ပေးသည်။
"ရပြီ…သေချာဖြေခဲ့နော်မီးငယ်။မေးခွန်းကို သေချာကြည့် ချော်မသွားစေနဲ့"
"ဟိုက်"
"ပစ္စည်းတွေအစုံပါလားစစ်"
"ပါတယ်"
"နောက်ဆုံးဘာသာဆိုပြီး စိတ်လွတ်ကိုယ်လွတ် မဖြေခဲ့နဲ့။မလောခဲ့နဲ့ သိတယ်နော်…ပြီးရင် အကုန်ပြန်စစ်ဖို့"
"ဟိုက်လို့"
"ဒါဖြင့်အခန်းထဲဝင်ထိုင်နေတော့"
ခေါင်းညိတ်ပြကာ သွက်လက်စွာဖြင့် မီးငယ်က အခန်းထဲဝင်မှ သူ့မှာစိတ်အေးနိုင်သည်။
စာတော်တဲ့ကလေးဆိုပေမဲ့ မီးငယ်က အလောတကြီးသိပ်လုပ်တဲ့ကလေးမို့
အစစရာရာမှာစိုးရိမ်ရပါ၏။
ဒီနေ့ဟာပထမအပတ်စာမေးပွဲရဲ့နောက်ဆုံးနေ့။ အရင်ရက်တွေကတော့ မီးငယ်စာမေးပွဲဖြေနေစဉ် သူ့ရုံးခန်းထဲကနေ cctvကတစ်ဆင့်ကြည့်ကာ မီးငယ်ပြီးမှအိမ်ကိုအတူပြန်ပေမဲ့ ဒီနေ့ကတော့ မီးငယ်ကိုပို့ပြီးတာနဲ့ ကျောင်းအပြင်ပြန်ထွက်၏။ ကားပေါ်မှာပဲထိုင်ကာ မီးငယ်ဖြေပြီးမဲ့အချိန်ထိ သူစောင့်သည်။
အရင်ရက်က ယွန်းမီတို့အိမ်ကိုမသွားဘဲနေလိုက် ပေမဲ့ အခုချိန်ထိဒယ်ဒီ့ဆီကဆူပူသံမကြားရသေးပါ။ဆိုလိုတာက ယွန်းမီ ဒယ်ဒီ့ကိုမတိုင်ဘူးပေါ့။
သို့သော် လက်တော့ပ်ကိုဖွင့်၍ သူ့စိတ်မပါလို့
မသွားဖြစ်ကြောင်းဒယ်ဒီ့ဆီmailပို့လိုက်သည်။ ပြီးမှ လက်ကျန်စာရင်းတွေကိုစစ်နေလိုက်၏။ ဘယ်လိုအခြေအနေပဲဖြစ်နေနေ မီးငယ်ကို အမြင်မကြည်မှာမျိုးမရှိစေချင်တာမို့ မီးငယ်ပယောဂမပါဘဲ သူ့ဆန္ဒအရမသွားတယ်ဆိုတာ
ဒယ်ဒီ့ကိုစိတ်ရှင်းစေချင်သည်။
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
