Unicode
'မီးငယ်သူ့အခန်းထဲမှာ'ဆိုတဲ့စကားကြောင့် ထင်လင်းသိုက်ရဲ့ခြေလှမ်းကျဲကြီးတွေက အိမ်ပေါ်ထပ်ဆီသို့လျင်မြန်စွာဦးတည်၏။သို့သော် အခန်းလော့ခ်ထားတာမို့ အောက်ထပ်တစ်ခါပြန်ဆင်းကာ သော့အပိုပြန်ယူရသည်။
မီးငယ်အခန်းလေးက ပြတင်းပေါက်တွေပိတ်ကာ လိုက်ကာချထားသည်မို့ အလင်းရောင်ကောင်းစွာမရပါ။ဒါ့အပြင် ပန်းရောင်မွေ့ယာအိအိခင်းကျင်းထားတဲ့ ကုတင်ကျယ်ကြီးရဲ့ ဘေးပတ်ပတ်လည်က ပိုးစပန်းရောင်လိုက်ကာ ကိုပါချထားသေးပါသေးတယ်။ဒီအခြေအနေက တိတ်ဆိတ်ကာ အေးစက်စက်နိုင်ပါ၏။သူ့ကလေးမလေး စိတ်ဆိုးတဲ့အချိန်မှာသာ မြင်တွေ့ရတတ်တဲ့ အေးစက်မှုကြီးကို ယနေ့တွင်ထပ်မံတွေ့ရပြီ။
"မီးငယ် … အိပ်နေတာလားကလေး"
အသံမကြားရသည်မို့ ပန်းရောင်လိုက်ကာစလေးကို အသာလှပ်ကြည့်လိုက်တော့ သူ့ရဲ့မီးငယ်ဟာ အသက်ရှုသံမှန်မှန်ဖြင့်အိပ်ပျော်နေသည်။
"ငိုထားတာပဲ"
မျက်တောင်တွင်ကပ်ငြိနေသည့် မျက်ရည်စ အကြွင်းအကျန်တို့ကြောင့် စိတ်မကောင်းရသည်က ကိုယ်တိုင်သာဖြစ်ရ၏။ဘယ်လောက်ထိတောင် ငိုထားသည်လဲမသိ…မျက်ခွံလေးတွေကအစ မို့အစ်နေသည်။ပန်းနုရောင်စောင်ထူထူကြီးကို ခြုံကာ hello kittyရုပ်လေးကိုပိုက်လျက် အိပ်ပျော်နေသည်မှာလည်း ဖြူစင်လွန်းလှ၏။
ဖိအိပ်နေတာမို့ မီးငယ်ပါးပြင်လေးကနီရဲနေကာ
ဆံနွယ်လေးတွေက ပါးပြင်ပေါ်ကယိုကရို
ကျနေတာမို့ ထိုဆံနွယ်တို့အား နဖူးပေါ်အသာသပ်တင်ပေးသည်။
ပါးအိအိလေးကိုဖျစ်ညစ်ရင်း အသည်းယားလာတာမို့ ထင်လင်းသိုက်ရဲ့ နှုတ်ခမ်းပါးတွေဟာ အလိုလိုပြုံးမိလျက်သား…
အသည်းယားလွန်းသည်မို့ ထိုပါးပြင်လေးဆီ နမ်းလိုက်တော့ စတော်ဘယ်ရီနံ့လေးက နှာခေါင်းထဲတိုးဝင်လာ၏။အသီးရနံ့လေးတွေ
ပါသည့် Babi mildမျက်နှာလိမ်းခရင်မ်သာ
လိမ်းတတ်သည့် ကလေးငယ်လေးက သူ့အတွက်စဉ်းစားပေးခဲ့သည်တဲ့… ပြန်တွေးမိတိုင်း မီးငယ်ကိုသနားလွန်းလို့ ဘယ်လိုလုပ်ရမလဲ။
VOUS LISEZ
HUSBAND:Daddy
Roman d'amour"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
