HUSBAND:Daddy

Part - 42

Unicode

ခအိုစုံစမ်းလို့ရခဲ့တဲ့သတင်းကြောင့် လန်ဒန်မှာ ရှာဖို့လွတ်ထားတဲ့ သူတို့အဖွဲ့တွေကိုပြန်စုရသည်။ ဦးLသိုက်ဟာ မြန်မာပြည်က လုပ်ငန်းရှင်တစ်ဦးထံ ရှယ်ယာထည့်ဖို့ရှိသည်တဲ့… ထူးဆန်းသည်။ ဦးLသိုက်ဆိုတဲ့လူက သူ့အကျိုးအမြတ် ဘယ်လောက်ပဲ များနေပါစေဦးတော့
လူချင်းမရင်းနှီးနေရင်၊အကြောင်းတစ်ခုမရှိရင်
ရှယ်ယာကိစ္စပြောတဲ့လူ မဟုတ်ဘူး။ပြီးတော့ ရုံးခွဲကိုမြန်မာပြည်မှာ စဖွင့်ကတည်းက အကြောင်းတစ်ခုခုပဲလို့ သူထင်ခဲ့ဖူးတယ်။

ဒါပေမဲ့  ဦးLသိုက်ရဲ့အတွင်းရေးမှူး Markနဲ့ ဆက်သွယ်နေတာကလည်း ဒီလန်ဒန်အတွင်းက လူပဲမို့ သူတို့ထင်ခဲ့တာက ထင်လင်းသိုက်လည်း လန်ဒန်မှာရှိနေလိမ့်မယ်လို့လေ။

အကြောင်းအရာတွေကို ဆက်စပ်ပြီးတွေးလိုက်ရင် Mr.Thike ဟာ မြန်မာပြည်မှာလည်းရှိနေနိုင်တာမို့။ဒါကြောင့် ရှာကြည့်ဖို့ လူလွှတ်ရမယ်။မဟုတ်ရင်တောင် သူတို့အရှုံးမရှိဘူးမဟုတ်လား။

ခအို ရဲ့ ရည်ရွယ်ချက်ကရှင်းပါတယ်။ Mr.Thikeနဲ့ တွေ့ရင် သူတို့သခင်မလေး ရုဒါအိုကိုပြန်တောင်းပြီး ဂျပန်ကစံအိမ်တော်ကိုခေါ်ကာ အမွေလွှဲပြောင်းပေးမယ်။အမွေတွေ သခင်မလေးလက်ထဲရောက်ပြီးရင်တော့ ဘာဆက်လုပ်မလဲက သခင်မလေးဆန္ဒအတိုင်း မေးပြီး ထောက်ပံ့ပေးမယ်။သို့သော် အမွေလွှဲပြောင်းပေးပြီးရင်တော့ ထုံးစံမပျက် စေ့စပ်ထားတဲ့သူနဲ့ လက်ထပ်ပွဲလုပ်ပေးရမည်။

"အစ်ကိုကြီး...ကျန်တဲ့လူတွေ နောက်၂ရက်အတွင်း ပြန်ရောက်လာကြတော့မယ်"

ထိုစဉ် သူ့လက်ထောက်က အနားကိုပြန်ရောက်လာ၏။

"ကောင်းတယ်… အကုန်လုံးကို ဆက်သွယ်ပြီးပြီမဟုတ်လား"

"ဟုတ်ကဲ့။ဒါနဲ့ ဘာကိစ္စဖြစ်လို့လဲအစ်ကိုကြီး။ သခင်မလေးကို ဆက်မရှာတော့ဘူးလား"

"ဖြစ်နိုင်ချေရှိတဲ့နေရာမှာ ထပ်ရှာဖို့ပါကွာ။
မသေချာပေမဲ့ အရှုံးတော့မရှိပါဘူး"

နှစ်တွေအကြာကြီး လန်ဒန်နဲ့အနီးနားက နိုင်ငံတစ်ချို့မှာ ရှာခဲ့ပြီးပြီပဲ။ သခင်မလေးကိုသာ ပြန်တွေ့ရရင်  ဘယ်မှာပဲထပ်ရှာရရှာရ သူရှာမယ်။ အခုချိန်ဆို သူတို့သခင်မလေးရုဒါအို ဘယ်လောက်ဒုက္ခရောက်နေလိမ့်မလဲ။ Mr.Thikeရဲ့အဖေက သခင်မလေးမိသားစုကို သတ်ခဲ့တာ … ဒါဆို Mr.Thikeကလည်း
မနှိပ်စက်ဘဲ သခင်မလေးကို ကောင်းကောင်းမွန်မွန်ထားဖို့က ဖြစ်မှမဖြစ်နိုင်တာ။