Unicode
"အိတ်စပက်တိုပက်ထရော်နမ်"
"ဘာလဲ"
"အိတ်စပက်တိုပက်ထရော်နမ်"
"ထင်လင်းသိုက် မင်းဟာလေးကဘာတွေပြောနေတာလဲ"
"ဖိုးဖိုးကြီးက ဝှီးခနဲလွင့်သွားရမှာလေ"
"ဘာလဲဟ !"
ဒယ်ဒီ့စာကြည့်ခန်းထဲထိဝင်ကာ တစ်တောင်လောက်ရှိတဲ့ခပ်သေးသေး မှော်တုတ်တံကလေးကိုကိုင်၍ ဒယ်ဒီပခုံးကိုထိကာ ဂါထာတစ်ပုဒ်ကိုပြောနေတဲ့မီးငယ်က ထင်လင်းသိုက်မျက်လုံးထဲမှာတော့ ချစ်စရာကောင်းလွန်းသည်။
"ဝင်ဂါဒီယမ် လီဗီအိုစာ"
"ဒါကရောဘာလဲ"
"ဒီဂါထာကိုရွတ်လိုက်ပြီဆိုတော့ ဖိုးဖိုးကြီးက လေပေါ်ပျံတတ်သွားမှာ"
"ရှင်းစမ်းပါဦး။ဘာတွေလဲ အဲ့တာက"
"မှော်ပညာလေ ။ ဟိုပိတ်ထားတဲ့တံခါးကိုဖွင့်ချင်ရင် ဒီမှော်တုတ်တံလေးနဲ့ထိပြီး "အာလိုဟိုမိုရာ" လို့ ရွတ်လိုက်ယုံပဲ... အဲတာဆိုတံခါးပွင့်သွားမှာ"
"ထင်လင်းသိုက် ... မင်းဟာလေးက ရူးများနေပြီလား"
"ဟင့်အင်း ဇီးကွက်ကြီးကစာပို့လာပြီ။
ရထားကြီးစီးပြီး ဟော့ဝပ်ကျောင်း မှော်ပညာသင်ဖို့ကိုသွားတော့မှာ"
"LGUမှာ ဆက်မတက်တော့ဘူးလား"
"ဟင့်အင်း ဒီမှာ ကျောင်းဝတ်စုံတောင်လဲပြီးပြီ "
အောက်ခံရှပ်အင်္ကျီအဖြူ၊အပေါ်ကကြက်သွေးရောင်အခံနှင့်ကုတ်အရှည်အနက်၊အဖြူနဲ့အဝါအစင်းကျား နက်ကတိုင်ခ်၊ကြက်သွေးရောင်စကပ်တိုလေးကို မှော်ကျောင်းဝတ်စုံအဖြစ် ဝတ်ဆင်ထားသည်။
ပါးစပ်လေးအသာအုပ်ကာရယ်နေတဲ့ မီးငယ်ကြောင့် ထင်လင်းသိုက်ကိုယ်တိုင်လည်း ခေါင်းတခါခါဖြင့်ပြုံးမိပြန်၏။ငယ်ငယ်ကတည်းက Harry Potterကိုသဘောကျတဲ့ မီးငယ်က လန်ဒန်ကိုရောက်ရောက်ချင်းညကပဲထိုဇာတ်လမ်းကိုပြန်ကြည့်ပြီး မနေ့ကအပြင်ကပြန်လာတော့ မှော်တုတ်တံ၊ကျောင်းဝတ်စုံတွေကို ဝယ်ခိုင်းတယ်လေ။တံမြက်စည်းပျံတောင် မရှိလို့၊ရှိရင် ရချင်တယ်လို့ ဂျီကျတဲ့ကလေးက အခုတော့ ဒယ်ဒီ့ကိုစနောက်နေပြန်တယ်။
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
