Unicode
"မောင့်နဂါး"
"မင်း ! ဖယ်စမ်းပါ...လူမြင်ကွင်းကြီးမှာ"
"ကိုယ့်ချစ်သူမို့ ကိုယ်ဖက်တာ၊ဘယ်သူ့ဂရုစိုက်ရမှာလဲ။ဖက်ဦးမှာ ..အခုလိုအကဲဆတ်နေလို့ကို
ဖက်ထားချင်တာ"
ဝရန်တာကြီးမှာမို့ လူတွေမြင်သွားမှာကြောက်တဲ့ ဂုဏ်နဂါးကရုန်းနေပေမဲ့ မင်းသန့်ကတော့ အနောက်ကနေတင်းကျပ်နေအောင်ဖက်ထားသည်။
"ဖယ်စမ်းပါမင်းသန့်ပြုံးမောင်ရာ"
"မဖယ်ပါဘူးဆို"
ယောကျာ်းချင်းခွန်အားဆိုပေမဲ့ လူကောင်ပိုထွားတဲ့ မင်းသန့်ကိုမတွန်းလှန်နိုင်ပါ။ဖက်ထားတဲ့ မင်းသန့်ရဲ့ လက်တွေကိုသာ အုပ်ကိုင်ထားရင်း ငြိမ်နေရသည်။
"မောင်တို့ ဘယ်တော့လက်ထပ်ကြမလဲ။မီးငယ်လည်းရောက်လာပြီလေ မီးငယ်ကိုအသိပေးပြီး
မီးငယ်သဘောတူရင် လက်ထပ်မယ်ဆို"
"အင်းပါ ငါမှတ်မိပါတယ်"
"မီးငယ်ကိုပြောလိုက်ရအောင်လေ"
"နေပါဦး မီးငယ်ကိုအနှောင့်အယှက်မပေးဘူးလို့ ပြောထားတယ်လေ...ကလေးက သူ့ဟာသူတောင်မှ စိတ်ကနေလို့ကောင်းမှာမဟုတ်ဘူးလေကွာ။သနားစရာကောင်းတဲ့ ကလေးလေးကို
အခုချိန်မှာ ဘာမှထပ်မပြောကြရအောင်"
"မီးငယ်လေးက တကယ်ဆိုးတာ"
"ကလေးကိုမပြောပါနဲ့ ၊ ဘယ်မှာဆိုးလို့လဲ"
"အခုဆိုးနေတာပဲလေ"
"မကြိုက်ဘူး မပြောနဲ့။ကလေးကို ဒေါသထွက်တဲ့ လေသံနဲ့ကိုမပြောနဲ့"
"ဟာ ! "
"အေး အဲတာကိုက ဒေါသထွက်တဲ့လေသံပဲ"
"မဟုတ်သေးဘူးလေ"
"မီးငယ်ဘာလုပ်လုပ် ဒေါသထွက်ဖို့မလိုဘူး၊ကလေးကို လေသံမာမာနဲ့တောင်မပြောနဲ့"
"အရှုံးပေးပါပြီကွာ မောင်မှားပါတယ်ဟုတ်ပြီလား"
"ပြီးတာပဲ ။ ကလေးကို ဆိုးတယ်လို့အခုလည်း
မပြောနဲ့၊ နောင်လည်းမပြောနဲ့"
"မင်းနဲ့လင်းသိုက် အလိုလိုက်လွန်းလို့ ကလေးက... အာ့ အာ့ မဟုတ်ပါဘူးကွာ လိမ္မာပါတယ်ပြောမလို့ပါ"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
