Unicode
"အချစ်ရာ မောင်ကစတာလို့။မီးငယ်လျှောက်ပြောတာ...မောင်ပြောတဲ့နှမြောစရာကြီးက အေမီ့ကိုပြောတာမဟုတ်ဘူး"
"ခေါ်တာတောင် အေမီတဲ့လား"
"ဒီပါးစပ်ကမှားတာပါကွာ။အေမီဇင်...ဟုတ်ပြီလား အေမီဇင်နော်"
"စိတ်မရှည်တဲ့လေသံနဲ့"
"ဟင်း ... စိတ်ရှည်ပါတယ်။
မောင်အရမ်းကို စိတ်ရှည်တယ်"
"မင်းကိုပြောလို့ဒေါသထွက်နေပြီမလား"
"မဟုတ်တာ။ မောင်က မောင့်အချစ်ကလေးကို စိတ်ဆိုးစရာလားနော်။ချစ်လို့တောင်မဝတာကို"
ပြောနေရင်းပဲ မင်းသန့်ကဂုဏ်နဂါးကို နောက်ကနေသိုင်းဖက်သည်။
"ဖယ်စမ်း အသက်ကြီးမှနန့်ကြောမဆွဲချင်နဲ့"
"အယ် ဘယ်သူကအသက်ကြီးတာလဲ။ မောင့်စိတ်ထဲမှာတော့ မောင်ရောမောင့်အချစ်ရော
နှစ်ယောက်စလုံးကနုပျိုနေတာပဲ"
"စောက်ပိုတွေ"
"အတည်ပြောတာပါ။မောင့်ကို စိတ်မဆိုးပါနဲ့"
"ဆိုးသင့်ရင်တော့ ဆိုးရမှာပဲမင်းသန့်ပြုံးမောင်။ မင်းက အေမီဇင်ကိုနှမြောနေတာလားဟုတ်လား... ဘာလဲ လွတ်သွားတဲ့ငါးက ပိုကြီးနေတာလား"
နောက်တစ်ကြိမ်ဒေါသထွက်လာတဲ့ ဂုဏ်နဂါးက ဗိုက်ကြောကိုဆွဲလိမ်သည်။
"အား ... အား အချစ်ကလည်း"
"မင်းနှမြောနေတာဟုတ်ပါတယ်"
"မဟုတ်ဘူးလို့။အား အချစ် လွှတ်ဦး။
မောင်နာနေပြီ"
"နာအောင်ဆွဲတာပဲ နာပါစေ"
နာတယ်ဆိုတော့လည်း ဂုဏ်နဂါးကလွတ်ပေးပါသည်။စိတ်တူကိုယ်တူfriendshipကနေ
စထားတဲ့ အိမ်ထောင်ရေးမို့ ရန်ဖြစ်နေရင်းတောင် အကြင်နာယိုဖိတ်ချင်သူနှစ်ယောက်ပါ။
"မောင်ပြောပြမယ်။ဟိုကလေးချွန်တာ
အဲဒါ။ မောင်နှမြောစရာကြီးလို့ပြောတာက အေမီဇင်ကိုင်ထားတဲ့ကိတ်ဘူးက အောက်ပြုတ်ကျခဲ့ပြီး ခရင်မ်တွေပေကုန်လို့တဲ့။ စားမရတော့ဘူးဆိုလို့ ကိတ်လှလှလေးကိုကြည့်ပြီး နှမြောစရာကြီးပြောမိတာ"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် Start Date - 12.1.2023 (8:00PM) End Date - 11.6.2023 ( 8:00PM) Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။
