Unicode
"မဖြစ်ဘူးနော်"
"လီယိုဇေးက စိတ်သဘောထား၊အကျင့်စာရိတ္တ၊စီးပွားရေး ဘာတစ်ခုမှအပြစ်ပြောစရာမရှိဘူး king ... အရမ်းအေးဆေးပြီးငြိမ်တယ်"
"ဟုတ်တယ် ဒါမို့မဖြစ်ဘူးပြောတာပေါ့ဗျ။ လော့ယန်နဲ့သာဆို တစ်စစီပြုတ်ထွက်သွားလိမ့်မယ်"
"သူက အဲလိုလုပ်မှာမဟုတ်ပါဘူး"
"လော့ယန်ကလုပ်မှာ"
တစ်ဖက်ကDaniel Kingရဲ့စကားကြောင့် ထင်လင်းသိုက်၏မျက်ခုံးအစုံက ပင့်တတ်လာသည်။သက်ပြင်းချသံသဲ့သဲ့ကိုကြားလိုက်ရပြီ kingကပဲဆက်ကာ...
"လော့ယန်ကစိတ်မြန်လက်မြန်၊လီယိုဇေးက ရေခဲတုံးဖင်ခုထိုင်ထားသလို အေးစက်စက်နဲ့မတုန်မလှုပ်။မဖြစ်ပါဘူးဗျာ"
"မင်းပဲ လော့ယန်အတွက်အိမ်ထောင်ဖက်ကောင်းတစ်ယောက်ရှာပေးချင်တယ်ဆို။ ကိုဇေးထက်ကောင်းတဲ့အိမ်ထောင်ဖက် မရှိတော့ဘူးလို့ ကိုယ်ထင်တယ်"
"ဟင့်အင်း ကြောက်တယ်။အတင်းပေးစားရင် လော့ယန်က ကျွန်တော့်ခေါင်းထဲကျည်ဆန်တွေဖြည့်ပေးလိမ့်မယ်...မလုပ်ရပါစေနဲ့နော် အသက်တော့ရှည်ချင်သေးတယ်"
"မင်းကြောက်တတ်လိုက်တာ kingရာ"
"ဟုတ် ဟုတ် သားကငကြောက်ကလေးမို့ အစ်ကိုသာသတ္တိရှိရှိနဲ့ သေနတ်စာအမိခံလိုက်ပါနော်"
"ခေါင်းဆောင်ဆို"
"ဟုတ်တယ်လေ"
"ခေါင်းဆောင်က ဂိုဏ်းသားကိုပြန်ကြောက်နေရင် မဟုတ်သေးပါဘူးကွ"
"ဟုတ်ပါတယ် "
တစ်ဖက်ကလုံးဝအနုတ်ပြနေတာမို့ ထင်လင်းသိုက်စိတ်လေသွားရသည်။တင်းမာနေတဲ့ နဖူးကြောတွေကို လက်ဖြင့်အသာဖြေလျော့ရင်း စိတ်မသက်မသာရှိလိုက်တာ။
"ဘဲကြီးကဘာလို့ လောနေတာလဲ။အဆက်အစပ်မရှိ ရုတ်တရက်ကြီးထပြီး လော့ယန်နဲ့လီယိုဇေးကို ပေးစားချင်နေတာ... အကြောင်းအရင်းတော့ရှိရမယ်မလား။ အမှန်အတိုင်းပြောရရင် လော့ယန်ကမိန်းကလေးတွေကိုပဲသဘောကျတာ"
"အင်း တစ်ခုခုပေါ့"
"ဘာလဲ ပြော"
"လော့ယန်လည်းအသက်ကြီးနေပြီ အိမ်ထောင်ကျသင့်တယ်လို့ ကိုယ်တွေးမိလို့ပါ။ ပြီးတော့ကိုဇေး အသက်၂၀ကျော်၊၃၀နားကပ်နေတဲ့အရွယ်ဆိုတာ အိမ်ထောင်ကျသင့်တဲ့အရွယ်ပဲလေ"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
