Unicode
မီးရောင်စုံတလျှပ်လျှပ်ကြားမှာ မော်ဒယ်
တစ်ယောက်ပြီးတစ်ယောက်လျှောက်နေသည့် ရှိုးပွဲတွေကို ဘယ်တုန်းကမှစိတ်မဝင်စားခဲ့ပေမဲ့ အခုတော့ မီးငယ်အတွက်ရောက်လာရပြီ။အခန်းသီးသန့်ယူထားတဲ့ ကလေးက အဝတ်အစားလဲနေတာမို့ ထင်လင်းသိုက်အဖို့ ဝင်ကြည့်ရန်ကလည်းမသင့်တော်တာမို့ ပွဲကျင်းပမည့်ခန်းမထဲမှာသာ။
၁၅မိနစ်လောက်ကြာမှ သူ့ဘေးကခုံကိုဂရေစ့်ရောက်လာသည်။သူ့ထံနှုတ်ဆက်လာတာမို့ ခေါင်းညိတ်ကာအသိပြုလိုက်၏။အရင်ပွဲတွေတုန်းက မီးငယ်ကို ပွဲတက်ခွင့်မပြုတာမို့
အခုပွဲမှာ တက်ခွင့်ပြုတာကို ဂရေစ့်က
ဝမ်းသာနေတယ်လို့လည်း မီးငယ်ဆီကကြားထားရသည်။
အရင်ကချုပ်ချယ်ခဲ့ရတဲ့အကြောင်းအရင်းကို သိတဲ့လူတွေက ထင်လင်းသိုက်၊မင်းသန့်နဲ့နဂါးသာ။ ပထမအကြိမ် မီးငယ်ရှိုးလျှောက်တုန်းက ကြော်ငြာတစ်ခုအတွက်လာကမ်းလှမ်းခံခဲ့ရဖူးသည်။ဒါကို မီးငယ်ကမသိဘဲ ပွဲစီစဥ်သူထံသာဆက်သွယ်ခဲ့တာမို့ ထိုစီစဥ်သူနဲ့ ရင်းနှီးတဲ့ နဂါးကအရင်သိခဲ့ခြင်း။ငယ်ရွယ်လွန်းတဲ့ ကလေးကို စပွန်ဆာသဘောနဲ့ကမ်းလှမ်းခဲ့တာမို့ ထိုစဥ်ကစပြီး မီးငယ်ကိုရှိုးမလျှောက်ဖို့ သူတားမြစ်ခဲ့ခြင်းသာ။ပြီးတော့ သူမအမေလိုမျိုးသရုပ်ဆောင်တစ်ယောက်မဖြစ်စေချင်တဲ့ သူ့ရဲ့အတ္တကြောင့်ရောပေါ့။
သို့သော် အခုတော့ သူ့ရဲ့မီးငယ်ဟာ အရွယ်ရောက်လာပြီဆိုတာ လက်မခံချင်လည်းလက်ခံရတော့မည်။ အပျံသင်စအရွယ်လေးမို့ ဘေးကဖေးကူကာ မီးငယ်ဖြစ်ချင်သမျှ၊အဆိုးအကောင်းရွေးချယ်ပေးဖို့၊ သူမဆန္ဒရှိသမျှ အကောင်းဆုံးထောက်ပံ့ပေးဖို့ တွေးထားခြင်းဖြစ်သည်။
တီ .. တီ
"အင်း မင်းသန့်"
"ဘယ်လိုလဲပွဲစနေပြီလား"
"အင်း"
"မီးငယ်အလှည့်ကျရင် videoရိုက်ထားဖို့၊ဓာတ်ပုံရိုက်ပေးဖို့မမေ့နဲ့နော်ဖေ့သားလေး။မအားလို့သာမလိုက်ရတာ ဖင်တကြွကြွဖြစ်နေတာဟေ့"
"အင်း camera manငှားထားမို့စိတ်မပူပါနဲ့။ကိုယ်လည်း ရိုက်ပေးမှာပါ"
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
