Unicode
"အာ ကိုလင်းသိုက်ရှိနေတာပဲ။ဒီမှာ မီးလေးကို ပြန်ပို့လာတာလေ"
သမီးဖြစ်သူကိုပွေ့ချီရင်း အသံပြုကာ အိမ်ထဲဝင်လာသူကြောင့် ထင်လင်းသိုက်ကမျက်မှန်ကိုချွတ်လိုက်သည်။ မီးငယ်အတွက်အချိန်ဇယားကိုပြန်စစ်ပေးနေတာမို့ စားပွဲပေါ်ကlaptopကိုပါအပြီးသတ်ပိတ်၏။
"ညနေစောင်းရောက်မှပဲ ရေဇယ်တို့အိမ်ပြန်လာတော့တယ်"
"ဒါတောင် ကလေးက အရုပ်အသစ်ရလို့ပြန်ပို့လို့ရတာအစ်ကိုရ"
"သြော်"
ကိုဇေးလက်ထဲက မီးလေးကိုပွေ့ချီလိုက်တော့ မီးလေးတစ်ယောက် တဝါးဝါးနဲ့အာသန်းလာတော့သည်။ သြော်...အိပ်ချိန်မှပဲ ဖအေဆီပြန်လာဖို့သတိရတယ်။
"တစ်နေကုန်ဆော့ပြီးတော့ အိပ်ချင်နေပြီထင်တယ်အစ်ကို။ဒါဆို ကျွန်တော့်ကိုခွင့်ပြုပါဦး"
"ကောင်းပါပြီ။ကိုဇေးလည်း သမီးကိုထိန်းရတာပင်ပန်းရောပေါ့...ဆိုင်ကတစ်ဖက်နဲ့ဆိုတော့။နောက်ရက်တွေ ကိုယ်ပဲထိန်းလိုက်ပါမယ်ကွာ ဒီမှာဂုဏ်နဂါးလည်းရှိနေတာပဲ"
"ဖေဖေ...ဖေဖေ အန်ကယ်ဇေးကမပင်ပန်းဘူးတဲ့။နောက်ရက်တွေလည်း မီးမီးနဲ့အတူတူဆော့ဦးမှာ ဟီး"
မျက်မှောင်ကြီးကြုတ်ကာကြည့်နေတာကိုလည်း သမီးဖြစ်သူကမသိပေ။ခြေတရမ်းရမ်းဖြင့်သာ သဘောတကျပြောနေသေးသည်။
"ဒါတော့ ဒါပေါ့ သမီးအန်ကယ်ဇေးမှာလည်း သူ့အလုပ်နဲ့သူရှိမယ်လေ။လူဆိုတာ အနားယူရတယ် မီးလေးရ...အချိန်တိုင်းဆော့မနေနိုင်ဘူးလေ"
"အဲဒါဆို အချိန်တိုင်းဆော့တဲ့မီးမီးက လူမဟုတ်ဘူးလားဟင်"
အမှတ်မထင်မေးခွန်းက ထင်လင်းသိုက်ကို ဆွံ့အစေသည်။ မီးလေးကလူမဟုတ်ရင် သူ့ကိုမွေးထားတဲ့ သူ့အဖေကိုယ်ကဘာဖြစ်သွားပြီလဲ။ ကိုဇေးကိုမျက်လုံးပင့်ကြည့်တော့ သူကလည်းပြုံးစိစိရယ်ပါ။
"ဟင်လို့ ဖေဖေ... မီးမီးကလူဟုတ်ဘူးလား"
"ဘယ့်နှယ်ကွာ မီးလေးကလူပေါ့"
"ဒါဆို အန်ကယ်ဇေးနဲ့အတူဆော့မယ်နော်။ မေမေကပြောတယ်...ဆော့လို့ရတယ်တဲ့။
နော် ဖေဖေ နော်"
KAMU SEDANG MEMBACA
HUSBAND:Daddy
Romansa"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် Start Date - 12.1.2023 (8:00PM) End Date - 11.6.2023 ( 8:00PM) Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏...
