Unicode
"အန်ကယ်က ဟင်းချက်တာအရမ်းတော်တယ်နော်။ဘာပဲချက်ချက် ရေချယ့်အကြိုက်နဲ့ ကွက်တိဖြစ်နေတာ"
ထင်လင်းသိုက် ပုစွန်ကင်နေတဲ့ဘေးမှာ ယောင်လည်လည်ဖြင့် အလုပ်များနေသူက
မီးငယ်ဖြစ်သည်။ခပ်သေးသေးအရွယ်တုံးကာ ဂျုံဖြင့်နယ်၍ကြော်ထားပြီးသား ကြက်ကြော်တစ်တုံးကိုကောက်ဝါးလိုက်၊ချီးကျူးလိုက်ဖြင့် မီးငယ်က သာယာနေပါရော။
"ဒီအရွက်ကြော်လေးလည်းစားကြည့်မယ်နော်။ သေချာတယ်...အဲတာလည်း
ရေချယ်ကြိုက်မှာပဲ"
အသားအနည်းငယ်ထည့်ကာ ခါကျက်ဥနီနီလေးတွေထည့်ကြော်ထားတဲ့ အရွက်ကြော်
ဆီဆက်ပြီးခရီးဆန့်ပြန်၏။
"မီးငယ်...ဗိုက်ဆာရင် ထမင်းပွဲပြင်ပေးမယ်။ လူကြီးတွေထက်အရင် နှိုက်မစားရဘူး"
"ဗိုက်မဆာပါဘူး"
ခေါင်းခါနေပေမဲ့ လက်တွေက ကြက်ကြော်တစ်တုံးကို ယူကာ ကောက်ဝါးပြန်သည်။
"ဗိုက်မဆာရင် ဘာဖြစ်လို့နှိုက်စားနေတာလဲ။ အဲလိုတွေမကြိုက်ဘူးလို့ ကိုယ်ပြောထားတယ်လေ"
"နှိုက်မစားပါဘူး"
"ဒါဆိုဘာလုပ်တာလဲ"
"မြည်းကြည့်တာ"
"ဗိုက်လည်းမဆာဘူး၊စားလည်းမစားချင်ဘူး
ဆိုတော့ ဘာဖြစ်ချင်နေတာလဲမီးငယ်"
"နှိုက်မြည်းချင်တာပါဆို။ရေချယ်က
မစားချင်ပါဘူး ... နှိုက်မြည်းယုံတင်လေး"
ပြောရဆိုရလက်ပေါက်ကပ်လွန်းတဲ့ကလေးမို့ ထင်လင်းသိုက်ဆက်မပြောတော့ပါ။ ကင်ထားတဲ့ပုစွန်ကိုသာ တစ်ဖက်ပြန်လှည်ရင်း
နှုတ်ဆိတ်နေလိုက်တော့၏။
"အန်ကယ့်ကိုမေးစရာရှိတယ်"
"ဘာတွေစပ်စုဦးမလို့လဲ ပြော"
"ရေချယ်ကဘယ်သူနဲ့တူတာလဲဟင်။
ဒယ်ဒီနဲ့တူတာလား၊မာမီနဲ့တူတာလား"
သူ့ဘေးနားရပ်၍ မျက်လုံးလေးတွေပင့်ကာ မေးလာတဲ့မေးခွန်းကြောင့် ထင်လင်းသိုက်နဖူးမှာ ချွေးပြန်လာရသည်။လည်လွန်း၊သွက်လွန်းတဲ့
ဒီကလေးက ဘယ်နေရာမှာ၊ဘာစကားတွေ ကြားခဲ့တာလဲ။
YOU ARE READING
HUSBAND:Daddy
Romance"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
