Unicode
ပုံမှန်ထပ်ပိုပြီးတိတ်ဆိတ်နေတဲ့ သားရဲ့အခန်းလေးက ရေချယ့်ကိုစိတ်ပူစေသည်။
"သားသား ...အခန်းထဲမှာရှိတယ်မလား"
တိတ်ဆိတ်နေတယ်ဆိုရင်တောင် ဒီလောက်ကြီးငြိမ်နေတာကတော့ တစ်ခုခုလွဲချော်နေပြီ။စိုးရိမ်စိတ်နဲ့အတူ တံခါးကိုဟကြည့်တော့ သားက ကုတင်ပေါ်မှာရှိနေ၏။
"သား ... မေမေဝင်လာပြီနော်"
ပြန်ဖြေလာခြင်းမရှိပါ။
"အိပ်နေတာလား သားသား"
ဒီတစ်ကြိမ်လည်းပြန်ဖြေမလာတာမို့ သူမစိတ်ပူနေတာကပိုတိုးလာသည်။အခန်းထဲကိုသာခပ်မြန်မြန်ဝင်လိုက်ရင်း သားရဲ့ပခုံးကိုဆွဲလှုပ်တော့ ...
"ဘုရားရေ !! "
အလိုက်သင့်လေးပါလာတာသားကြောင့် မျက်လုံးအစုံကပြူးကျယ်သွားရ၏။
"သားသား... မေမေခေါ်နေတယ်လေ"
"မေမေခေါ်နေတာကြားလား"
ကျောအောက်ကနေဆွဲထူပွေ့လိုက်စဥ် သားရဲ့ခန္ဓာကိုယ်ကအပူဓာတ်ကကြောက်စရာကောင်းအောင်ထင်ဟပ်လာသည်။
"သားသား မေမေခေါ်နေတယ်လို့"
နိုးလို့မရတဲ့သားကြောင့် သူမ,တုန်လှုပ်ကာ ကြောက်ရွံလာပြီး မျက်ရည်တို့ကကျဆင်းလာသည်။ သားလေးဘာဖြစ်သွားပြီလဲ။
"သားသားရေ မေမေခေါ်နေတာပြန်ထူးပါဦး။ ဟင် မေမေခေါ်နေတယ်လေ သား"
မထူးပါ။သားက ရေချယ့်လက်ပေါ်မှာ ငြိမ်သက်စွာလဲနေတာမို့ ထိတ်လန့်လာသည်။ သားကိုဘယ်လိုနိုးရမလဲတွေးမရအောင် ချွေးစေးတွေပြန်လာကာ တုန်လှုပ်နေမိ၏။
"အန်ကယ် ... အန်ကယ်လာပါဦး။
ရေချယ့်သားလေးတစ်ခုခုဖြစ်နေပြီ...အန်ကယ်"
"သား ... သတိထားပါဦး ။မေမေ့ကိုကြောက်အောင်မလုပ်ပါနဲ့သားရယ်"
"အန်ကယ်...ဟင့် အန်ကယ်မြန်မြန်လာပါ"
အသံကုန်အော်ဟစ်ရင်း သူမကအရူးတစ်ယောက်လို သားလေးကိုဖက်ပြီးငိုမိပြန်သည်။ ဘုရားရေ မေမေ့သားလေး
ဘာမှမဖြစ်ပါနဲ့။
KAMU SEDANG MEMBACA
HUSBAND:Daddy
Romansa"အခုဘဝတင်မကဘူး နောင်သံသရာအဆက်ဆက်ထိ မီးငယ်နဲ့ပဲ ... " ဦးထင်လင်းသိုက် (Htin Lin Thike) #Slow romance#Fluff#Fantasy Note - ယခုဇာတ်လမ်းပါ အဖြစ်အပျက်၊အကြောင်းအရာတို့သည် စာရေးသူ၏စိတ်ကူးယဉ် ရေးသားမှုသာဖြစ်၏။ Start Date - 12.1.2023 (8:00PM) End Da...
