💫💘💫
☄️ "لـو كـان الأمـر سـهلاً لـكنتُ الآن أضـعُ رأسـي فـوق صـدرك لـيهدأ الإشـتياق الـذي يـكادُّ يـمزقنِّي. . 💔..." ☄️
هي هبطت و هو ضرب الفولون بايديه ، مربوط و مخنوق ، من الي رجعت زاد عذابو ، من الي رجعت و قلبو زادت وجيعتو ! مستحيل يرجعلها أما زادا ماهوش منجم ينساها ، يعرف أنو وجعها بكلامو بكري، أما هو توجع و مازال موجوع لليوم هذا !
هز التاليفون كيف شاف نومرو عمو !
_اهلا يا العم !
_اش من اهلا ! شنية ولينا نضيعو في خدمتنا ! عملت عليك أنت تاقف على السلعة الجديدة و تقيمها ! ياخي هاك غاطس في حبك درباني !
_شيء عمي ! تلهيت شوية و هاني راجع للدبو !
_تلهيت مع نورهان ! شنية حكايتك ! ما تقليش...
_ما نقلكش ! ما فما حتى حكاية ! تو نحكو باعد ، توا هاني ماشي للدبو !
علق التاليفون و شد الثنية للدبو ! تعب و تعب معاها ، راحتو موش عارف وين ! أو عارف أنو راحتو في حضن منها ، أنو يحط راسو على صدرها و ينسى الدنيا ، أما وين الشيء هذا مستحيل لا هو قابلو و لا الناس باش تخليه يقبل بيه ! ....
الايام كلها كيف كيف عندها ، احساسها بالوقت معدوم ، عرفت كيف يقلك انسان منحوس في حياتو هذيا نورهان ! توفى بوها و هي صغيرة و لحقت عليه امها باعد عام ، ربتها جدتها و عاشت حياة ما تنجم تقول عليها كان كئيبة ، ما كانتش حياتها العاطفية مستقرة ، لحد ما عرفت زياد ، زياد الي بعث شكون لجدتها باش يخطبها و تخطبتلو وقتها خاطر ما عندهاش حتى حد في حياتها و كان انسان باهي ما فيه مايتعاب ، حسب ما حكالها حبها من الي هما صغار ، رغم هو اكبر منها ! كانت مرتاحة معاه و علاقتهم عادية ، ما عندهاش مشاعر واضحة ليه لحد ما دخل فراس في حياتهم ، فراس الي في مدة قصيرة سحرها ، بارشا حاجات شافتهم لاول مرة في حياتها معاه ، طيرها للسماء و باعد رماها و كسرها ، كانت غارقة فيه ، لدرجة أنو كيف قال ما حاشتيش بصغار ، تخلات على حلمها على امل أنو يجي نهار و يتبدل رايو و يوافق ! فراس كان اكبر غلطة في حياتها ، لكن شكون يحكم في قلبو ، حباتو و خسرت كل شيء جرت محبتها ليه !
عندها تقريبا اكثر من شهر و ما شافاتوش رغم احساسها الي غالبها ما تنجمش تكسر قرارو ، يلزمها تبعد عليه ! يزيه ما تعذب في جرتها !
فاقت الصباح و شدت ثنية الخدمة ، حياتها ولات بوتيك دار ، خدمة نوم لا غير !
وقفت قدام البوتيك ، تحاول و تعاود مع الباب الحديد هو بطبيعتو رزين ما تطلعو كان بالسيف و زاد اليوم كيكس ما حبش يتحللها ؛
دورت راسها يسار و يمين تلقاش حد تعرفو يعاونها و كيف ما لقاتش رجعت تحاول معاه !...
متعدي من جنب البوتيك و لمحها كيفاش تحاول مع الباب الي ضاهر ما حبش يتحللها !
باعد ما فاتها رجع مارش اريار ! يا عمبو قلبو الرخيص ، يدور يدور و يرجع يتشحت في شوفتها ، يكذب كان يقول ما توحشهاش ، عمى بوحشها !
وقف الكرهبة و هبط ما غير ما حكى معاها ، طبس طلعلها الباب و رجع على ثنيتو !
واقفة تغزرلو مصدومة ، قلبها يدق ، قداش توحشت تشوفو ؛ يكابر و ما حبش يكلمها أما أنو ياقفلها بالذمة ، فهذا ضاهر أنو محبتها مازلت كيف ما هي معششة في قلبو و ساكنة فيه !
ماشي للزياد كيف عادتو كل ليلة ! قص على زنقة اللوح كيف ما مسميينها ، أقل جوجمة من الزناقي الآخرى !
هز تاليفونو و طلب زياد !
_راكش في الدار كيف العادة ، ما فهمتش أنا النساء شادة الشوارع و الرجال في الديار !
_اش عندك فيا يا عمي ! اش عندك فيا ! ايا ايجا باركا !
_هاني جاي ، حضر الشيشة !
علق التاليفون و دار الدورة !
مازال كيف دار الدورة و موش عارف شكون ترمات قدامو على الكرهبة ، اللطخة بلحق كانت كبيرة ! حبس الكرهبة و هبط يجري ! المرأة الدم ينز من جبينها ؛ يا ويلو يهزها يا ويلو يطلب الامبيلونس !
مازال واقف مصدوم و خرجلو واحد آخر موش عارف منين ، يغزرلها و يتبسم !
_الحمد لله ، جاتك من ربي يا تييت ، ان شاء الله لجهنم طول !
من صدمتو ما عرفش يتكلم !
_يا خويا تعرفها ! عاوني نهزها للسبيطار !
_نعاونك هههن ! تي أنت عملت عليا مزية ، و لا راني قتلتها أنا و شديت الحبس !
تلفت و خلاها وراه و كانو لا كان و لا صار ! يغزرلها و يغزرلو موش عارف اش يعمل ، يخليها و لا يهزها !
حل باب الكرهبة و طبس هزها ركبها من تالي و طار بيها للسبيطار ! أن شاء الله ما تموتش و يصبح هو السبب في قضاء روح ! أن شاء الله تقوم لباس !
موش عارف كيفاش وصل للسبيطار و لا كيفاش هبط نادى للفرامل الي دخلو بيها للسكانار طول !
واقف في الاستقبال مفجوع ، وقت نوقز تاليفونو !
_اهلا زياد !
_وينك يا العم ! شبيك ما جيتش !
_عملت اكسيدون ؛
_كيفاش ! انت وين يا العم ! توا نجيك !
_لا ما تجيش ، أنا لباس ، ضربت مراة ، وليت جبتها للسبيطار !
_و لباس !
_ان شاء الله ، لباس ، مانيش عارف منين طلعتلي ! راي خرجت قدامي من الحيط تقول !
_قدر و لطف عمي ! نبدل و نجيك !
علق التاليفون و سرح في الي صار ، شكونو السيد و علاش حب يرتاح منها ، عندهم شبيهة تقريبا اختو و لا قريبتو ، وقت توا توقع منو كل شيء ، لا خو ينفع خوه !
من السكانار ، طلعوها للبيت ، حسب ما فهم منهم أنو الضربة سطحية ، أما يلزمها تقعد تحت المراقبة !
خلى تاليفونو ، قيدوه على دوسيها و مشى علم على روحو في المركز !
هاذي هي الي يقلك ما تعرفش على البلاء منين يجيك و الحمد لله كيف المرأة لباس و ما تضررتش بارشا و جاتها سطحية !...
فاقت مدهشرة ، جبينها يسطر و عينيها فلو ، حاولت تطلع راسها و تقوم زاد وجعها , بخلوط الفرملية تتكلم !
_ارتاح ، سترك ربي يا مراة ! الحمد الله على سلامتك.!
قعدت تغزرلها و تكلمت بصوت ضعيف !
_شنية الي صار ، شكون الي جابني لهنا !
_عملت اكسيدون و الراجل الي ضربك هو الي جابك لهنا! ارتاح تو باعد تتفكر !
خرجت و خلتها سارحة ، ما نساتش تفكرت الكلب خوها و اش كان باش يصير فيها ، و كيفاش خرجت تجري و أول ما دارت الزنقة سطعت في كرهبة و طاحت !
✴✴✴✴
عسلاامة بنووتاات ساامحوني الحلقة جاات امخرر🥺
و امس روحت مخر و مهبطلكمش حلقة 🙏
انشالله نعوضلكم😉
كيما تعرفواا رجوع القرااية و القضياات متوفااش🙂
الحاصل نحب نقلكمم الي العم عندواا حكاايتواا زادا اماا خفيفة و مزياانة🤍💗
إنشاءالله الحلقة تكون عجبتكم و استمتعتواا بيهاا♥️❤️
تنسااوش الجااااامممم و اراااءكمممم🥺🙏
أنت تقرأ
💫💘 العار 💘💫
Romantikبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...
