💫💘 العار 💘💫

💓الحلقة 36...💓

☄️ "لا احد منا يستطيع الاقتراب مجددًا ..فقد اتسعت المسافات فيما بيننا ولا أقصد مسافة المكان بل مسافة الشعور.. !!" ☄️

قعد و امو بجنبو ، احساسو من غزرة بوها أنو شوية أخرى باش يطردو  هو و امو أما ما عندوش بديل ، يلزم يحاول و يحاول ، مستحيل يسلم في نوارة و لا يخلي راجل آخر ياخذها و عينيه تغزر !
نخز امو باش تتكلم ، خاطر بلحق ماهوش عارف اش يحكي و لا  اش يقول !
تنحنحت و توجهت للشيخ ، تحكي معاه ، تحاول باللي تنجم تلين قلبو بالك يلين !
_سيدي الشيخ ، أحنا جيران و معرفة من سنين ، نوارة بنتي الي ما جابتهاش كرشي، و هذا محمد ضيء عيني ، الحمد لله يخدم و ربي متكرم عليه ، جينا اليوم باش نخطب بنتي نوارة لولدي محمد ، و راي موش بنتي باركا غلاوتها عندي ما تتقاسش بالذهب..
قص عليها و هو يغزر لمحمد قريب يطرشق عليه !
_احنا جيران و ما نحبش نوصلو للعيب ، نوارة مخطوبة ، ربي يطيح بيكم ما خير منها !... وقيت عشاء باش نمشي للجامع توا !
وجهها احمار و خافت ولدها يبلبزها من جديد ، كيف حستو باش ياقف و يتكلم ،  كبست على فخذو و تكلمت ؛
_يا شيخ  ماناش باطيين ، البنية يخطبوها الف و تكتب لواحد ، شاورها و شوف قلبها شكون رايد.
مازال ما جاوبش و يشوف في بنتو كيفاش دخلت عليهم ! تكلمت و هي موش عارفة الشجاعة منين جابت !
_انا حاشتي بمحمد  أنا كلمتو و علمتو بالي صار ، بابا أنا و محمد متفاهمين ، و أنا حاشتي بيه ما حاشتيش بغيرو ! لا ضياء و لا أي حد غير محمد مستحيل !
مازلت ما كملتش كلامها و يجيها كف لا يقرا لا يكتب !
_ما عرفتش نربي ، يا خسارة ربايتي فيك ! و أنت هز امك و أخرج ، كان تقعد آخر راجل في تونس كاملة ما نعطيهالكش لو كان تبور !
_ علاش تضلم فينا ،  أنا حاشتي بيها و نصونها و هي ...
قص عليه منرفز 
_اخرج عليا ، فار حبوسات و أنت يا واطية في بالي تعاون في مراة كبيرة و ليت تبعلي في ولدها العايق ! و رحمة امي و رحمة بابا لما تأخذ ضياء اليوم قبل غدوة !
كبست عليه امو تجبد فيه ، قلبو تليع و هو يغزرلها حاطة يديها على خدها و تبكي ، عينيها تستجدى فيه ، أما ما عندو ما يعمل ، اش باش يعمل مع العباد هذوما ، ضلموه و قهروه و الإنسانة الوحيدة الي حبتو ، يحبو يحرموه منها زادا !
خرج كيف الثور الهايج ، موش عارف اش يعمل ، ما جاء في بالو كان زياد لحضتها و بزهرو لقاه تاليفونو مسكر ، هذيا الدنيا  عكساتو و سكرت البيبان الكل في وجهو !
ما رقدش بايت يتقلى على نار و الي زاد عليه تاليفونها الي تسكر ، ضاهر فكهولها  بوها ، بوها ضالمو و ضالمها أما فما ربي في الوجود !
قد ما بكت و دموعها ما كفتش ، الدمعة وراء اختها ، الي صار ما يتصدقش ، في لحضة حياتها دخلت في حيط ، تعرف بوها و تعرف تخمامو ، اذا حط حاجة في بالو يعملها أكيد ، أكيد باش يعرسلها بضياء و يزيد يضيق عليها ، التاليفون و فكهولها و حلفلها الدار لا عاد تعتبها الا معاه ولا مع امها ، ما تنجمش تقبل الي صار ، هاذي حياتها كيفاش يتحكمولها فيها بالطريقة هاذي ، لا الشرع و لا الدين الي يعلم فيهم للناس يقولو بالي عملو معاها ، موش عارفة كيفاش باش تتصرف ، أما مستحيل تعرس بضياء ، مستحيل لو كان ترضى تقتل روحها و تربح ذنب و لا تعرس بواحد آخر غير محمد ، مستحيل !#العار
موش مصدقة الي سمعتو من خالتها ، ناس بكري كيف قالو وين دمك وين همك ما كذبوش ، مع ولدها نسات رانية و نسات اش عملت معاهم، يعني انها خيرت تعيش بكرامة و تبعد على الي غدرها و ذلها تصبح دونية في عينين خالتها و تتبرا منها و لا قالتها اذا باش تأخذ الباندي الي ضرب ولدي أنساني ، يعني في  الحالات الكل خيرت ولدها عليها !
طلبتو و هي ترجع في غصتها ، من اليوم ما عندها كان طارق و ان شاء الله يخاف ربي فيها ، خاطر بلحق تعبت بارشا في حياتها ، تعبت و ما عادش تحمل هم جديد !
_الو طارق   !
_الو ، كنت باش نطلبك توا رانيا ، اش عملت مع خالتك؟ و لا نقلك اش قولك نخرجو نعملو دورة و نحكو شوية !
شافت الوقت تقريبا الستة متاع العشية ، نصف ساعة أخرى و تضلام الدنيا ، أما هي مخنوقة و ماهيش حاملة تقعد براسها !
_باهي نستناك !
علقت التاليفون و قعدت تستنى فيه ، لا بدلت دبشها و لا عملت شيء من الي يعملوه البنات كيف يبدو باش يقابلو شكون ! لابسة سيرفات كحلة و شلاكة ، لامة شعرها كودشيفال و سارحة ، صحيح هي تحس روحها قوية أما ساعات تحس روحها ما عادش منجمة تزيد تتحمل الي صاير فيها ! لولا نورهان كان الشارع باش يكون ماواها ، لولا طارق و حكايتو ما كانتش باش تعرف اش في القلوب ، ما كانتش باش تعرف أنو الضناء أغلى من كل حد ضالم و لا مضلوم ، خالتها و ولدها الي ضيعلها عمرها علموها درس في الدنيا هاذي ، أنو ما يحسك حد و أنو نفسي نفسي و لا يرحم من مات ! خالتها الي ربتها و هزتها لحمة حمراء لا شافت لا لاختها الي تحت التراب و لا شافت لوصايتها !
تسمع في تاليفونها ينوقز ، علقت عليه و خرجت !
ركبت و هي تحاول تتبسم ، ما تحبش تنكد عليه !
_سافا !
كان يحكي و يغزر لوجهها ، ما عجبوش سكوتها !
_الحمد لله !
قعد يتفحص في وجهها بعينيه ،و هو ساكت ، دوب خرج من الحومة ، وقف على الجنب و تلفتلها !
_شبيك رانيا ، اش صار ؟ حكيت مع خالتك !
تلفتتلو و الدموع تلمع في عينيها
_من اليوم ما عنديش خالة ، ما عندي حد طارق !
تحكي و دمعتها هبطت من عينيها ، كان متوقع أنو ماهيش باش تاقف معاهم و لا باش تفرح أنو رانيا باش تأخذ راجل غير ولدها ، المرأة الي باجلت ولدها عليها اش تستنى منها !
مد يدو مسح دمعتها و تكلم !
_يزي من الدموع ، أنا معاك،  أنا حاشتي بيك ،و كان تحب من غدوة نكتبو الصداق ، موش أنت واعية و كبيرة ، يا لللا جيتك خاطب راغب فيك و متمني نحوزك حلالي !
يحكي و يتبسم كابس على يديها !
طلعت راسها و غزرتلو و تكلمت !
_ما تجيش الامور هكا طارق ، أنا  زادا كيف البنات الكل نحب نفرح ...
قص عليها يتبسم !
_باش نفرحو رانيا ، باش نفرحو ، خلي يروح زياد و نورهان و نجيب الوالد و نقرو الفاتحة اش قلت رانية ! أنا في الحالات الكل نقرو الفاتحة و شهر آخر نكتبو الصداق و  نعرسو !
حلت عينيها مستغربة !
_شهر طارق ! علاه ؟
غمزها و تكلم ، كلام خارج من قلبو ، موش عارف كيفاش قالو !
_مانيش صابر عليك ، نستنى في الايامات تتعدى و تنور داري ! عششت في البال و الخاطر و ما نهدى الا ما تولي حلالي !
تبسمت و طبست راسها وين كمل كلامو !
_تعرف اني نسكن مع الوالد رانيا ، و باش نوصيك وصاية من الاول ، بابا قبل كل شيء ، راجل كبير و موش باش يقلقك ، و تو تعرفو و تشوف بعينيك !
تبسمت و تكلمت !
_عم عمار ! نعرفو ههههههه ، ديما نشوفو قاعد قدام داركم ! ربي يفضلهولك !
_و يفضلك ليا رانيا ! ايا نعملو عشاء البرا ؟
طبست تتفقد في دبشها و تكلمت !
_لا اغزر كيفاش خرجت !
غزرلها و تكلم ،
_شبيك تقتل بالزين ، هبلتني اصلا !
طبست راسها من الحشمة موش راحمها بكلامو المعسول ، الي كل شوية يقويلها في الدوزة ،   حاليا  حاكم فيه أنو مازالو على البر و مازلو ما عملوش الخطبة ! باعد الخطبة فما كلام آخر أكيد !
وقف الكرهبة قدام روستورون و هبط خذى زوز مقلوب و رجعلها للكرهبة ، عداو الوقت مع بعضهم بين يأكلو و يحكو و هي كل شوية تكتشف فيه حكاية ، اهمهم أنو رجال و حنين و تنجم تعمل عليه أكيد !

✴✴✴✴

اااي هااني زدت حلقة اخررى كيف لقيتكمم متفااعلين 😘

شراايكم فالموقف الي تحط فيه محمد و نواارة🥺 قلبي تقسم علييهم والله 😭
الكلاام الي تقاالواا خايب خااصة بوجود اموو😭 و حتى نوارة المسكينة الي ماعندهاا حتى ذنب غير انها حبتواا🥺
زعماا شنو مخبيلهم القدر و يكتبواا لبعضهم!!🙏

طاارق و راانية حليلي علاقتهمم محلاهااا😍 تتصورواا يكملواا هم ولا تصير حااجة تفسد عليهم فرحتهمم 😉
و خالة راانية الي موقفتش معاهاا😒
ريت كيف كل حد يظهر على حقيقتواا وقت الصحيح 😉

الحااصل بنوتاات انشالله عجبتكممم الحلقة و استمتعتواا بيهاا برشااا🤍

الاحدااث الجااية ميزاللت بش تويد تعجبكمم و تشيخواا معااهم 🔥🤯

تنسوش الجااااامممم و اراااءكمممم🙏
رااني الكل نقراا فييهم غير كيف نتفاضى نجااوبكم الكل كيف العاادة😘

انشالله ليلتكمم زينة حباايبي الغاليين💕
نحببببببكمم و نبوووسكممم وحدة وحدة ❤️🤍