💫💘💫
☄️ "أسقيني من شهدك حتى الارتواء
يا آمراة ملكت قلبــــــــي
أفيضي علي من بحر حبك
وأغرســـــــــــي الحب
في أرض قلبي الجرداء.." ☄️
قال السلام و دخل للبيت ، بدل دبشو و خرج دخل لبيت الضيوف ، حل الهاوس في تاليفونو و قعد يترينى ! رغم ما عندو حتى ڨو لحتى حاجة ، أما يخرج هم قلبو في الانترانمون خير من الي يطرشق !
حطت كعبات الملاوي الي جابتهم في صحن باعد ما نحتلو ليه هو كعبتين باعد تعملو فيهم الجبن و الهريسة كيف ما يحبهم !
خرجت الصحن و مشات حطتو فوق الطاولة بحذا ليليا و البنات و عمها ، قعدت بجنب عمها الي تبسملها أما تبسيمتها تمحات كيف سمعت ليليا !
_وخيتي شنية هذا ؛ أربع كعبات شكون باش يكفو ! الصبر و برا ! كان ما حطيتوش الصحن خير !
جاوبتها و هي تحاول تتحكم في اعصابها قدر في عمها :
_جبتهم من عند نورهان ، ما طيبتهمش لهنا! و كعبة كعبة كيف الناس !
_وووه ، ما تقليش بابا قاعد للشر و تعشي فيه في كعبة ملاوي شايحة !
مازلت باش تتكلم و تسمع فيه كيف نطق من وراها هو !
_قايمة ببابا تقول هي بنتو موش أنت ، أنت قبل ما نعرس تجي مرة في الجمعة تطير في اللوم و كيف عرست عبدتنا ! أما راني فاهمك ، مرتي خط أحمر ليليا و تعرفني كيف نتحول اش نعمل فيك !
زاد عمها تكلم ، خذولها حقها بالوافي !
_نعلة الله على ربايتك ؛ اش يهمك في جد بابا كليت و لا قعدت , كنتي ربي يعطيها على قد قلبها على الخير الي عاملاتو فيا !
غزرتلهم الإثنين و السم يقطر. تكلمت و هي تبدل في الموضوع !
_نمشي نجيب شوية زيت زيتونة و جبن نعدو بيه الملاوي !
قعدت تبع فيها ، مالا رقعة ، عمرها لا شافت كيفها !
تلفتتلو هو الي دخل لبيت النوم !
قامت لحقت وراه ، تحب تحكي معاه و موش عارفة كيفاش تبدى !
دخلت تلقاه متكي على الفرش و يقلب في التاليفون ، قعدت على جنب تفرك في يديها ، ما عرفتش باش تبدى حديثها !
_نحطلك تتعشى ؟
_لا ما عينيش ! الدنيا موش كان عشاء و لا قضية في الدار. ! هاني مسافر ، حتى الواجبات هاذي تو ترتاح منها !
قام و خلاها قاعدة في بلاصتها كيف نادالو بوه ، غصة ركبتها. موش عارفة كيفاش تبدى معاه من جديد و لا كيفاش تتحرك ! زادت على ما بيها الهم الي جات الليلة ، كل ليلة تجيهم تعديها تعس عليهم ، هاي مشات للكوجينة ، هاي مشات للتوالات و هي كل مرة تتسبل بحاجة !
قامت حلت الڨارد روب و فرتت دبشها الي حاطتو في آخر درج ، جبدت نويزات ستان باج ، حطتها فوق الفرش و هزت تبديلة و دخلت للدوش ! دوشت و خرجت ، و هو مازال قاعد في الوسطية مع بوه و اختو ، هما يحكو و هو شادد التاليفون يفلفس فيه ! تسمع في عمها يناديلها
_ايجا بحذانا بنتي !
_يعيشك عمي ، باش نرقد ، تاعبة ، ليلتكم زينة !
_ليلتك زينة بنتي !
هي دخلت و هو قعد يتبع فيها بعينيه ، غايضتو روحو و غايضو قلبو الي ما حستش بيه !
دخلت للبيت و نحت البيجاما الي لبستها في الدوش ، عملت ،lait de corps , لبست النويزات اللي خرجتها و عملت رشة برفان ، وجهها الي تقريبا من الي عرسو مغسول بالماء و الصابون ، اليوم غير عملت قلم كحل و حمير في شفايفها !
وقفت على المراية تتفرج في روحها ، علاش حرماتو ، علاش كانت تتصرف بالطريقة هاذي ! زعمة كان يبدى كرهها و يطلقها ! اش تعمل وقتها ، وقتها باش ترتاح باش تبرا كرامتها ! تنهدت فكرة أنو يبعد عليها تخنقها ، هو بحذاها و بعيد موش حاملة فما بالك يكون بعيد عليها بالحق !
_برا يعيش ولدي ، شوف مرتك شبيها ، أكيد راي تغششت من البقرة اختك !
تلفتت لباباها و تكلمت !
_الي يقول الحق تكرهوه انتم !
ڨحرلها و تلفت لبوه و هو قائم !
_باهي بابا ، نوصلك لفرشك و لا كيفاش ؟
_لا هاني مازلت ساهر أنا و البنات !
_على خير !
قدم ناحية البيت ، كل وين يتفكر أنو نهارين اخرين ما عادش باش يشوفها جملة يتخنق ، أما بالك وقتها كيف يبعد من وجهها مدة كبيرة تسامحو و تحن عليه !
✴✴✴✴
اااي لبنااات هاناا جيناا للصحيح🎊
حضروولي روااحكم و متقولولليش اااي قلبي 😍رااو الشي الجااي قوي عليناا الكل🔥
يااحليلي على اختوااا رااي غلبت علياا ياا لبناات😒 لازمهاا طريحة الي هيااا بش تتربى و تعرف
اش طلع من فمهاا😂
و رنووش هاااي حممرررت و دبببغتت زعماا على شنو نااوية ولا فهمتواا هاا لبنااات😂😉
الحااصل نعررف الحلقة قصيررة اما انشالله نزيدكم وحدة اخررى مبعد 😘
غيير اعطووني التفااعل و الجوو 🥰
انشالله نهااركمم زينن و عسل كيفكمم حبووبااات😍❤️
أنت تقرأ
💫💘 العار 💘💫
Romansaبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...
