💫💘💫
☄️ "الـــــــــرجولة:
هو ذلك الجــــــــدار الذي تختبئ خلفه الأنثى وهي تثق تماماً بأنه لن يسقط علــــــــــيها مهما حصل ولن يؤذيها أبــــــــــداً..." ☄️
قامت كيف سمعت اسمها هي و زياد ، تمشي بالدبة و كانها خائفة تسمع نفس الي قالوهولها الطبة الاخرين ! دخلت و قلبها يدق ، وين تبسمتلها الطبيبة و تكلمت
_عسلامة مدام ، عسلامة ماسيو ، تفضلو ! شنية المشكلة ؟
تكلم هو و كانو حب يخفف عليها الذيق الي تحسو كل وين تبدى تحكي !
_احنا معرسين جدد ، عنا تقريبا ستة شهر ، كيف ما صارتش حبالة مشينا للطبيب ، موش طبيب واحد بارشا و كل قالو أنو مرتي تكونلها الحليب في صدرها خاطر كانت تشرب في حبوب منع حمل ! حبينا نشوفو معاك ، سيرتك ما شاء الله بالك الشفاء يكون على يديك !
_ان شاء الله ، جبتو الدوسي معاكم ، عملت المدام التحاليل و التصاور اللازمة الكل ؟
تكلمت نورهان و هي تستجدى في الطبيبة بعينيها
_اي الدوسي عندي , تفضل !
جبدتو من ساكها و اعطاتو للطبيبة الي عملت طلة عليه ، تفحصت التحاليل و تبسمت !
_تتفضل معايا مدام ! نعملو ايكو و باعد نحكو !
و كانو تبسيمة الطبيبة ردت روحها ، قامت معاها و عملت الايكو ، كانت تثبت بالصانتي ، الطبيبة ما كانتش كبيرة بارشا ، تقريبا في الاربعينات أما ضاهر أنو ما شاء الله عليها !
تلفتتلها ملهوفة تسأل فيها !
_لباس دكتورة !
_لباس ! ألبس دبشك و ايجا البيرو نحكو خير !
لبست دبشها و هو كان معاها ، خرجو اليد في اليد , قعد و باقي ما سيبش يدها ، خايف لا تعاود نفس كلام الطبة الاخرين و يشوف الحسرة في عينيها من جديد !
_صحيح عندك الحليب في صدرك و هذا واضح ، لكن موش الكمية الي تمنع الحمل ؛ باهي باش تمشي تعملي التحليل هذا اليوم و ترجعلي غدوة ، بقدرة ربي لباس !
طلعت راسها تستفسر !
_بلحق لباس دكتورة ؟
_لباس ، اعمل التحليل و ارجعلي ! ما تروح كان فرحانة !
خرجت هي و اياه و بلحق نوعا ما فرحانة ؛ كلام الطبيبة هاذي هناها ! و حاسة أنو الخير على يديها !
دخلو للاسونسار ، تلفتتلو تتبسم !
_حاسة أنو الطبيبة هاذي باش تنفعني !
تبسم و كبس على يديها ؛
_اكيد ، تنفعنا ، و بقدرة ربي باش نجيبو اكيب متاع كورة كيف ما تفاهمنا !
تبسمت و ترمات في حضنو وين كبس عليها ، لهنا دنيتها و لهنا امانها ! زياد رحمة ربي ليها !
ركبو في الكرهبة ، ما عندوش علم بالعاصمة و لا علم بالمخابر وين ، حط gps يلوج بيه و بزهرو لقى مخبر قريب ، دخل هو و اياها !
_عسلامة !
_مرحبا ماسيو تفضل !
_المدام باش تعمل التحليلة هاذي !
_يالطبيعة ، تفضلو ارتاحو !
شوية و رجعتلها الفرملية !
_ايا تفضل مدام !
وقف باش يدخل معاها ، وقت شاورتلو البنية و تكلمت ؛
_كان المدام ماسيو !
تبسم و قعد ، لو بايدو ما يخليهاش أما فما حوايج اقوى من قدرتو !
عملت تحليل vaginal، و خرجت ، وقف على الكونتوار يستنى في الفرملية تخرجلو من جديد ! هي جات و هو تكلم !
_بقداش التحليل و وقتاش نلقاه حاضر ؟
_223 دينار و تلقاه غدوة الصباح حاضر !
تلفتتلها مستغربة !
_لكن احنا موش من تونس !
قص عليها يتبسم !
_و الوتلة علاش مجعولة حبي !
و عاود تلفت للطفلة مدلها 240 دينار و تكلم
_نرجعو غدوة تفضل !
مد الفلوس و خارج وقت حبستو الطفلة
_باقيك ماسيو !
شاورلها بايديه و تعدى !
قعدت تغزرلو الراجل هذا محنتها ، فرحتها و حياتها في غزرة من عينيه !
طلعت بجنبو و تلفتتلو تتبسم !
_بلحق باش نمشو لوتيل ؟
_ههههه ، مالا نفذلك ، نمشو للوتيل و نعدو احلى نهار في حياتنا ! ديجا من الي عرسنا و عدينا هاك الجمعة في بنزرت ما عاودناش خرجنا و لا تفرهدنا !
تبسمت و هي تغزرلو ! تفكرت اش عملو وقتها ، بلحق عملو الفضح ههههههه !
_باهي ! وين الوتيل ؛
_ڨمرت حبي , أما خليني قبل نتعدى نجبد فلوس و نمشو نفطرو و باعد نشوفو وتيل !
_سامحني حبي !
طلع راسو و غزرلها حاير !
_علاش نسامحك ؟
_انت خذيت نهار اليوم من الخدمة على أساس غدوة راجع ، ياخي رصاتلك اليوم و غدوة !
_ههههه ، توا هذا حديث ، نخدم في رزقي شكون يسالني وقتاش نمشي و وقتاش نجي و زيد متهني بطارق و محمد امين !
_ما قتليش ياخي عمك وينو ! حسيتو من الي عرسنا و هو جابد روحو منك ! بسبتي بعد عليك !
قالتها و طبست راسها
تبسم و تكلم
_لا بسبتك لا شيء ، عمي غاطس في العنكوش مع ريم متاعو ، ياخي ما قتلكش أنا الي هو كتب عليها الصداق !
تلفتتلو حايرة ! تبسمت !
_بلحق عرسو ؟
_بلحق ، قالي حبيت ، موش كان انت تعرف تحب ! أما و الله فرحتلو ، ركح و نقص من التفركيح متاعو ، قبل راو ما يعديش جمعة ما غير ما يجيب مراة مرة و لا مرتين للدار !
غزرتلو و ضيقت عينيها !
_و أنت قبل كيفاش ؟ كنت تجيب في نساء ؟
تلفتتلها يتبسم ، كلامها و غزرتها ضحكوه ! حب يزيد يكمل عليها !
_كل يوم نجيب مراة، فماش ما تطفي ناري !
حلت عينيها من الصدمة و تكلمت و هي مصدقتو لحضتها ؛
_امان زياد ، بلحق !!
تبسم و هو يسمع فيها !
_اش من بلحق ، أول حاجة أنا ما نحبش الحرام ، ثاني حاجة ريتي أنا ما نجمتش نغزر و لا نقبل أي مراة غيرك في حياتي السنين الي فاتت !
تبسمت و كيف تفكرت هداية ربعت يديها و ڨحرتلو !
_نجمت ! ما تقولش ما نجمتش ؛ و هداية متاعك !!
حل عينيه و تبسم على الغيرة الي تأكل فيها ، تي هو يحبها و يعشق سماها و هي تفتف على الي فات !
_هداية خطبتها باش ننساك، ، باش تخرج من عقلي وقتها ، أما ما نجمتش !
تلفتتلو ، موش ناوية تسيبو اليوم !
_امان زيدون قلي الحق ، ما صار شيء بيناتكم مدة الخطبة لا حملتها لا بستها !
تبسم و هو يسمع فيها !
_شبيك نورهان ، هذا سؤال !
ڨحرتلو و تلفتت تغزر قدامها ، تكلمت و هي تغلي !
_مالا بستها ، نتفكر ريتها المرة الي فاتت مصدرة بجنبك و تتبسم و أنت الله أعلم اش تحكيلها !
ضحكتو من الغلب، وقف كيف شعل الضوء الاحمر و تلفتلها ! قرب راسو يوشوش فيها !
_شفايفي ما تحطتش على شفايف غير شفايفك و لا حلاتلي مراة غيرك ، لا هداية و لا زمارة ! راك أنت الي مهبلتني ، ما تعرفش قداش نحبك ياخي ؟
رعشت من كلامو و قربو ، هي تعرف قداش يحبها و هي زادا تحبو بارشا ، موش تحبو تموت عليه ، غير الغيرة تحركت فيها لحضتها ؛ قربتلو و باستو من خدو بوسة مرصوصة و تكلمت !
_نحبك بارشا زيدون !
تبسم و ردلها البوسة أما بجنب شفتها ، قهرها بيها !
_و أنا نموت عليك يا روح زيدون!
✴✴✴✴
هااي حلقة اخرى كيماا وعدتكمم😘
و مخصصة غير لنورهاان و زيااد 🥰
كيفاش حااسين علاقتهمم عجبتكمم ولا نبدلواا فيهااا♥️
اناا الحقيقة عااجبتني رومنسيتهم❤️
و طريقة تعاامل زيااد لنورهاان🤍
يعاامل فيهاا كيف الاميرة 🥺
هااو الرجاال الي يعرفواا قيمة المراا و الحب بلحق💗 زعماا شنو تتصوروا تقوللهاا الطبيبة على حاالتهاا😉
انشالله تكونواا استمتعتواا بالحلقة و عجبتكمم🥰 تنسوش اراءكمم و الجااام🙏
و ملتقانااا غدوة مع حلقاات جدد🔥
ليلتكممم زيينة💞
و تذكرواا الي انااا نحببببببكمم و نبوووسكممم وحدة وحدة ♥️❤️
أنت تقرأ
💫💘 العار 💘💫
Romanceبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...
