💫💘💫
☄️ "كيف أعدل بين العقل والقلب وانت ملئ الكفتين.." ☄️
فاقت على بنتها تدز كيف العادة ، عندها جمعتين في السابع و بنتها عاملة بعمايلها فيها ! مشات تغسلت و حضرت الفطور و رجعتلو للبيت ، مسحت على كرشها و تلفتتلو تعشق فيه ، قداش تحب نهار الاحد ، خاطر يعديه كامل معاها ! قربت منو و طبست باش تبوسو ، كرشها كبرت و ولات عندها صعوبة باش تطبس ! ما وصلتلو كان بالسيف !
تقوات على روحها و طبست باستو من خدو ، تكلمت بدلال كيف العادة !
_زيدون فيق حبي ! زيدون !!
حل عينيه و هو يغزرلها حاطة يدها على كرشها ، تتبسملو كيف الجنية و ما أحلى سحرها ، المصيبة موش أنو يحبها وعاشقها باركا ، المصيبة أنو كل يوم يحبها اكثر و كل يوم يشوفها أزين من النهار الي قبلو ! لابسة نويزات ڨري كيف لون عينيها ، سيرها طايح على جنب ، كتفها ما احلاه و ما أزين تفاصيلو ، كرشها مفصلة فيها و الاهم أنو صدرها على برا ! منضر هبلو خلى نارو تڨيد !
تبسم تبسيمة صغيرة على جنب و قرب منها يحكي و يعدي في لحيتو على خدها ، قشعر بدنها بيها !
_تعرف انك تشهي على الصباح ! براس عشق بنتنا لا تتحرك ، لحضة و نجيك !
قعدت تغزرلو ، تعرف هبلتو و هي بلحق تموت عليها ! يديها تمشي و تجي على كرشها و تتبسم ، البنوتة طالعة لبوها مشاغبة في كل شيء! كل شوية ترفسها بساقها ، ما حست كان بايديه كيف حملتها من تالي و تحطت على كرشها تمشي و تجي عليها ، شفايفو الي تحطت في رقبتها ، خلاتها بحركة لا شعورية تقشع رقبتها لتالي من الي تحس فيه ! شفايفو سحر ليها ، تكلم و هو يحل في النويزات الي تتسكر بالخيط من تالي
_نعشقك يا الروح ! ما نشعبش منك جملة !
دار قدامها في لحضة ، لقى روحو قدام منضر يموت عليه ، كرشها الدازة و بنتو متربعة فيها ، صدرها الي زادت عليه الحبالة زين على زين ، وجهها الي يعشق ابسط تفاصيلو ، و الاهم عينيها و الغزرة الي تغزرلو فيها ، هي زادا تحبو هذا متاكد منو ، متاكد أنو هي رجعتلو خاطر تحبو موش خاطر فلوسو و لا خاطر نادمة و لا على خاطرو يحبها ، لا خاطر تحبو و قلبها يدق ليه ، قرب راسو و طبع بوسة على صدرها الايمين و تكلم و هو يتبسم !
_هذا يدق ليا يا الروح موش هكا ؟
تبسمت و قربت حطت راسها على صدرو ، قد ما باش تحكي قد ما باش تقول ما يكفيش احساسها بيه !
_اذا باش نقول نحبك ، فموش صحيح ، ما نتصورش الي نحس فيه محبة ، الي نحس فيه اقوى بياسر ، نعشقك ! ممكن ! أما لا هذا الغرام اللي يقولو عليه ، هذا الي بيا ! تعرف اني دنيتي ما تسواش لحضة بلاش بيك ! ما نجمش نتفنس و أنت موش موجود زياد ! بلحق ما نعرفش كيفاش نوصلك الي نحسو ، تفهم فيا ؟
كبس عليها في حضنو و تكلم !
_نفهم فيك نورهاني ، نفهم فيك خاطر هذا الي نحسو أنا زادا ! ربي يخليك ليا حبي !
طلعت راسها و حركت خدها على لحيتو ، لحيتو الي تخرجها من عقلها ، قداش تعشقو و قداش تعشق اللحية فيه ! طبس راسو ليها اكثر و خطف شفايفها بشفايفو ، ما ينجمش يصبر اكثر على شهدها ، فيتامين قربها ينشط بيه ، يبوس بلهفة كل وين يحسها تغفق يبعد و يرجع يبوس من جديد ! تكاها على الفرش و قعد يعشق في زينها بعينيه ، شفايفو كيف عادتها تهبلها و تهبل عليها ، زارت تراكن بدنها الكل ، سايسها قد ما ينجم خاطر الحبالة رغم لهفتو و رغم أنو يحب لهفتها عليه !
جبدها عندو يتبسم و باس جبينها !
_نحبك نورهان ! نحبك !
طلعت راسها و غزرتلو !
_و أنا نموت عليك ، و توا باش نموت بالجوع !
تبسم و باسها من جبينها لبس و لبسها الروب دي شومبر متاعها و قامو الإثنين للكوجينة ! حياتهم بكلها حب و لهفة ، الفرحة زايرتهم كل لحضة و كل دقيقة خاطرهم متفاهمين و القلوب صافية ، هو نسى الي فات و هي تربت من الي فات و بدأت من جديد !
أنت تقرأ
💫💘 العار 💘💫
Romansaبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...