💫💘 العار 💘💫

💓الحلقة 14...💓

💫💘💫

☄️ "“لا أنت بعيد فأنتظرك.. ولا أنت قريب فألقاك، ولا أنت لي فيطمئن قلبي.. ولا أنا  محرومٌ منك لأنساك.. أنت في منتصف كل شيء.” ☄️

بعد عليها مجبور ، غزرلها غزرة فيها محبة الكون الكل ، و تكلم بصوت ضعيف !
_برا روح لدارك !
تلفت باش يركب في كرهبتو وين عمو واقف بجنب الباب الثاني ! واقف و يغزرلها في غزرة شوكتلها لحمها ! ماهيش عارفة اش تعمل ، كيفاش تتصرف ، زياد لحضة يطيرها الفوق و لحضة يهبطها ، تعرف أنو هي السبب في كل الي هما فيه ، أما هي بلحق حبتو توا ! حبت رجولتو معاها ، حبت محبتو ليها الي ما وفاتش و لا بهاتت بشوم فعايلها ! قلبها دقلو بالسيف عليها ، المنطق يقول تخليه يرتاح و تبعد عليه ، أما المكتوب هو الي يلمهم الإثنين ، ما كانش في بالها كيف باش تخرج باش تلقاه و لا باش يصير الي صار ، و لا نارو تتحول لرماد بسحر دموع عينيها ! قداش كانت بهيمة و قداش الضاهر يغلطك ساعات ، من ستة سنين ما كانش ضاهرة محبتو بالطريقة هاذي ، كان كتوم و كان بلحق موش كل شيء ضاهر ليها ! أما توا العكس ، مضهرلها محبتو و مضهرلها غلو عليها ، التناقض الي هو عايش فيه , هي زادا عايشة فيه ، قلبها الي دق ليه رغم عقلها يقلها فكك و أبعد باش تعذبو و تتعذب !
كملت الثنية هي و رانيا ، ساكتة و هي تتفرج في كرهبتو كيفاش قاعدة تبعد !
_مازال يحبك ، بحلق مسكين !
تلفتتلها حايرة ، كلمة مسكين كبيرة عليه !
_علاش مسكين ، خاطرني ما نستاهلش موش هكا !
تبسمت و هي تغزرلها ،
_ما تتغشش عليا ، أما أنا عشت الي عاشو و نعرف احساسو ، أنا زادا حازم خلاني و خذى بنت خالتي ! يعني الاحساس نفسو حسيتو !
قصت عليها بتوتر !
_انا زادا حسيتو ، أنا زادا الراجل الي حربت الدنيا على خاطرو ، هرب مع صاحبتي و عمل فيا قضية طلاق ! غدرني كيف ما غدرت زياد. الي عاشو هو عشتو أنا زادا ! حد ما باش يفهمني ، أنا نادمة على زياد و عمري ما نويت نضرو ، كنت نحب نفرح ، حبيت و تبعت قلبي ! و خذيت السكينة في صدري و تليعت ! أما زياد أنا عمري ما نويت نضرو !
_مانيش باش ناقشك توا ، خاطر وصلت أما غدوة نجيك و نحكو على قاعدة !
سلمو على بعضهم و وحدة شدت الثنية و وحدة سكرت الباب و تعدت للفرشها !
وصلت قدام الدار و هي تخمم ، حياتها ما غير روح ، صاحباتها في المعمل قريب ينحيو لقشة و هي لا نجمت حتى تتعرف على حد تبدى معاه من جديد و تنسى الي فات!
دورت المفتاح و دخلت تسمع في صوت حديث ، خالتها تتحدث ، زعمة تتحدث وحدها !
مشات شيرة الصالة تتكلم !
_خالتي ، خلخولتي وينك !
سكتت أول ما دخلت و قابلتها عينيه ، قاعد في الصالة و كيف شافها تبسم ، وقف مد يديه باش يسلم ! وين خلات يديه معلقة لحضتها ! و تلفتت لخالتها تحكي معاها ! و تڨحر !
_باش نمشي نرقد ، ليلتك زينة خالتي !
مشات للبيت تهرول ، عقلها طار بالغش و كمل عليها قلبها ، قلبها الي دقاتو ثارو من جديد ! و راجع و.بعين صحيحة زادا ، مادد يدو و يحب يسلم ، و هي بينو و بينها جهنم الحمراء !
دخلت للبيت و سكرت الباب على روحها ، باي وجه راجع ، باي حق رجع للدار هاذي ، كان على امو ، هو ناسيها توا سنين , يعمللها تاليفون مرة في الشهر ! و ثلاثة سنين من الي عرس باقبال ، الدار هاذي ما عفسهاش ! نسى امو و نساها هي ، محبة الصغر ، هي الي تربت على يديه ، جاتهم لحمة حمراء باعد موت امها و كبرت قدام عينيه  , محبتو رضعتها من الصغرة مع الحليب و كل يوم تكبر تكبر محبتو معاها ، أما هو باش جزاها ، أول ما تحركت الدنيا معاه ، ما عادش تواتيه ، رانية اليتيمة ، الزوالية ، ما تطلعش عليه و على طموحاتو , صحيح ما مشاش بعيد ، خطب بنت خالتو و بنت خالتها فرد وقت و عرس بيها ! الزوز عفسو عليها و ما رحموهاش ! أما فما ربي في الوجود يخلصلها حقها منهم أكيد !..
قاعد على الفوتاي يفرك في يديه ! موش عارف منين يبدى حديثو ! لكن خيرة حست بيه ، تكلمت تسأل فيه !
_احكي الي جيت عليه و أنت  قاعد تتغصور من بكري وليدي  !
طلع راسو و غزر لامو ، عندها الحق تتغشش عليه ، حتى هو جرت اقبال ضلم الناس الكل اولهم امو و اخرهم رانية , رانية الي أول ما شافها من جديد ، حس بغصرة في قلبو ، يكذب على روحو كيف يقول نساها و لا حب غيرها ، هو فقط الدنيا غرت بيه ! موش الدنيا اقبال هي الي غرت بيه ! و فرط في حب حياتو !
_طلقنا أنا و اقبال ! و جيت باش نسكن بحذاك يامي !
حطت يدها على صدرها ، مفجوعة من كلامو و تكلمت ما غير ما تشعر !
_وين تسكن بحذايا وين ، رانيا حالفة كان تدخل أنت للدار تخرج هي منها ! و أنا وقت غصرتي لقيتها هي الحنينة عليا موش أنت ، برا ربي يوجههك خير. بخدمتك و شهريتك تنجم روحك !
تكلم و هو يغزرلها بعين ذليلة !
_وقفوني على الخدمة يامي و حلو فيا تحقيق !  ما عندي وين نمشي و مع شكون نعيش غيرك امي !
قعدت تغزرلو ، قلبها مشوي ، يبقى ضناها و ما تحملش فيه ، أما رانيا اش ذنبها ، ما عندهاش زهر في الدنيا  , مات بوها و خلى امها حبلة بيها و زادت ماتت امها على النفاس , ربتها هي و كبرتها ، تربت هي و حازم و كبرت معاه و كبرت معاه عشقتها أما هو الله يسامحو قتلها بالحياة وقت بطل منها و خذى بنت خالتو اقبال !
تكلمت و هي موش عارفة الي باش تعملو صحيح و لا غالط !
_باهي ، هاويني بيتي برا ارتاح ، خليني نحكي مع رانيا ! ربي يستر وليدي !
تبسم و قام باس راس امو !
ما ارجعش  على خاطرو طلق و لا على خاطر الخدمة ، صحيح اتحال على التحقيق كشاهد في قضية ال أما مزال يخدم ، شهريتو تمشي و دارو في المنصورة كيف ماهي ماثثة ، ما ناقصها شيء ، الي رجعو أنو فاق على وضعو و عرف أنو حياتو وقفت على رانيا ، ما ينجمش يحب غيرها و لاغيرها باش تحبو كيفها ! اقبال هي  الي دخلت بيناتهم و غرت بيه و لا عمرو ما يفلت في رانيا و لا يبعد عليها !
قام ماشي للبيت امو أما قبل ما يدخل ما نجمش ما يحكيش معاها الي في خاطرو و لو فات الفوت ، قرب من الباب و دقو ،  يستنى تحلو !
_خالتي ادخل !
جاوبها بصوت راكز
_ولد خالتك موش خالتك  ! أنا حازم رانية !
عينيها تحلت من صدمتها رقعتو ما شافتش كيفها ، أما هي موش باش تسكتلو ! قدمت و حلت الباب ! تبسمت تبسيمة تمسخير و تكلمت !
_تفضل ، مضيع حاجة عندي ؟
تكلم و هو يغزرلها
_ضيعت قلبي نهارت الي خليتك و مشيت ! أما فما حوايج أنت ما تعرفهمش !  يجي نهار و تعرفهم و تعذرني !
_ما نحب نعرف عليك شيء ، أنت موش جاي تطل على خالتي و تهنيت عليها ! أنا ما عندي بيك حتى علاقة !
_لا مانيش جاي نطل ، أنا رجعت باش نعيش معاكم !
قال كلمتو و تعدى للبيت ، صدمتها وقت سمعت أنو باش يعيش معاهم شواتو ! للهدجة كرهتو و ما عادش حاملة ريحتو ! الله لا يربح الي كان السبب ! و فرقهم ، ما كانش عندو خيار آخر !
مشات تجري للخالتها ، موش مصدقة انو قبلت أنو يرجع يسكن معاهم و ما خممتش فيها !

✴✴✴✴

هااني زدتكممم حللقة اخررى قولواا سوزان متحبكمش 😂😍

قللبي ميزاال مع زيااد و نورهاان🔥
حليلي من اكا العم العاافن 😒حررم عليناا اللحظة ياا بناات😪

تو دخلناا شوي في حكااية راانية الي متبعدش عليهم برشاا 🥰
اما الاحدااث الي جاايينها مشوقين🔥

شراايكم في بدااية حكااايتهاا 🤍
و زعماا تقبل انهاا تسكن معااه بعد الشي الي صاار معاهم 💕و تحن كيماا زيااد🥺
و لا بش تتصرف بطريقة اخرة💫

إنشاءالله تكونواا استمتعتواااا بحلقاات اليوم حبيبااتي😍
و نكوون عوضتكمم حتى شوي عالتأخير🥺

اذا فماا تفااعل غدوة نزيد نحطلقكم حلقاات فرشكيين💗

إنشاءالله ليلتكممم زيينة😘
و تنسووش الجااااامممم و اراااءكمممم حبااايبي 🥺🙏

نحببببببكمم و نبوووسكممم وحدة وحدة ♥️❤️