💫💘 العار 💘💫

💓الحلقة 28...💓

💫💘💫

☄️ "‏نَحن لا نُحب حين نختار ولا نَختار حين نحب
وإنّنا مع القضاءِ والقَدر حِين نولد وحِين نحب وحِين نموت وإذ يسألوك عن الحب  :
قُل هو إندفاع رُوحِ الي رُوح وقلب يحب ويهتم لأمرك ويفكر بك في كل اوقاته ولا تغيب عن باله ولو لحظه..." ☄️

عينيه ذبلت ، عقلو غاب لحضتها ، ريحة الياسمين الي فايحة منها ، خرجت عقلو ، و الي زاد عليه غزرتها و نفسها الي ضاع لحضتها ، لقى روحو كابس عليها و كانو يحب يدخلها لضلوعو ، تكلم و صوتو كان ضايع كيف احساسو لحضتها !
_اش تحب رانيا ، وين ماشية في هالليل ! هاربة مني ؟
يحكي و النفس متاعو حار كمل على مرمتها ، هي فعلا توا تحب تهرب منو ،تحب تهرب من الاحساس الي سيطر عليها لحضتها ، حاسة حزامها تقسم في اثنين من كثر ما كبس عليها ! حطت يديها على يديه تبعد فيهم !
_اي وجعتني !
رخف يديه ، حاسس نار و لهبت فيه منها ، موش ناقص تخمام و تخلويض ، يلزمو يبعد عليها و كانها ما كانتش !
هبط يديه من حزامها و شدها من كفها ، يجبد فيها وراه من سكات ، و هي اصلا ما عاد عندها ما تزيد تحكي ، ماهيش ناقصة واحد كيفو في حياتها ، ماهوش فاهم روحو باش يفهمها !
طلعت من سكات بجنبو ، عدات الثنية و عينيها في الشباك لحد ما وصلت ، هو زادا ما تلفتش و ما حاولش يتلفت ، داخل بعضو و موش فاهم روحو !
دوب وقف الكرهبة ، موش عارفة كيفاش قالتلو ليلتك زينة و هبطت تجري , فما نوعية من الناس ما عندهاش زهر في الحب و العلاقات و هما الإثنين من النوعية هاذي.
روح للدار وين قابلو بوه راقد في الفيراندا ، دخل جبد ملحفة و رماها عليه ، و دخل للصالة و حل التلفزة ، موش فاهم روحو و لا فاهم شنية الي صار اليوم , مشاعر جديدة و لا مجرد شهوة عابرة كيف شاف مراة مزيانة قدامو ، رجح الاحتمال الثاني و انو قلبو مع هداية و تسكر من بعدها ! ما رقد الا وجوه الصباح و حتى كيف غمض عينيه زارو خيالها من جديد ! ...
هبطت معاه ، تبع فيه من سكات ، ليلة كلبة عليها ،  مرعوبة ، عملتها كبيرة و ما فماش حتى حاجة تبرر بيها الي عملتو ! حتى لو حكاتلو اش عملت بيهم الفلوس ، فماهوش مبرر ليها !
دوب سكر الباب و تلفتلها قدمت
باش تتكلم و هو قص عليها
_ما تحكي شيء ، جاوبني باركا كيفاش تحب نخلص فلوسي ، من دمك و لا من لحمك و أنت أختار !
قعدت تغزرلو مرعوبة ، في الحالات الكل وين عندها تهرب منو و اذا هربت منو اليوم غدوة باش تطيح في يديه من جديد !
يديه الي جبدتها من حزامها لصقتها فيه و كبست عليها
خلاتها تعرف أنو ما عندهاش وين تهرب الليلة ،  حلت فلس الشيميز متاعها ، تحكي و تغزرلو بعينيها الخضر المدمعين ! 
_اذا لحمي يخلصك خوذو و اذا دمي يخلصك خوذو زادا !
عينيه ركحت في عينيها ، السر الي فيها موش مفهوم أما الي مفهوم أنو هو غارق فيها ، غرق فيها من أول مرة شافها !
حس بحاجة في خدو كل شوية يبعدها و تعاود ترجع ، حل عينيه يستوعب ، وين قابلتو عينيها المزيانين ، شادة خصلة من شعرها و تتبسم ! خصلة كانت تفيق فيه بيها !
حطت يديها على صدرو و تكلمت و هي تتبسم !
_صباحو زيدون  !
طلع راسو و طبع بوسة في خدها !
_صباحو يا روح زيدون !
قام قعد في الفرش و جبدها عندو ، الروبة الي لابستها خبلتو ، بيضاء قطن و مفصلة كل ركن من تراكنها ، مضهرة زينها الكل ! مد يدو و حطها في كرشها يتبسم ، يمشي في يدو و يجيب و تكلم وهو يغمز فيها  !
_مشاغبة طلعت !
ردتلو التبسيمة !
_امان زيدون ، ساعة أنا حضرتلك الدوش و حضرتلك فطور قمقوم ! و توا جيت نفيق فيك !
وقفت و جبدتو من يدو ، يتبع فيها موش مصدق النعمة الي هو فيها ، دخلو  لبيت البانو ، وين لقاها محضرتلو البانو ، تلفتتلها يتبسم !
_لحضة ما تتحركش !
قرب للافابو و غسل وجهو و هي واقفة تتفرج فيه ! دارلها على غفلة و جبدها ليه  ، حزامها لاصق فيه , تبسمت كيف حست بالي صاير فيه ! قرب يوشوش فيها و في غفلة منها اعطاها عضة من وذنها !
_ما يحلاش الدوش بلا بيك !
طلعت راسها و تبسمتلو ! و في لحضة هبطت الروب و الي تحتها  و مدتلو يديها  ، خلاتو عينيه محلولة مبهور بيها ! ما نجمش يصبر ، في لحضة  جبدها و دخل للبانو  قعد و قعدها في حضنو  وين تكات راسها على كتفو ، موش مصدق العز الي عايش فيه ، قربها و محبتها الضاهرة من عينيها ! هبط راسو و طبع بوسة في كتفها و تكلم !
_احلى صباح في حياتي خاطرك معايا ! ربي يخليك ليا نورهان !
_و يخليك ليا زيدوني  !
سكتو الإثنين ، الراحة الي لقاتها لحضتها ما تتباعش و تتشرى بالمال !
قعد يطبع في بوساتو مرة في كتفها و مرة في رقبتها و مرة في خدها ! يديه الي راسية في كرشها هبلتها. تكلمت بدلال من جديد ! كانو ناقص دلالها باش يزيد يهبل عليها !
_امان زياد. يزي !
هبط راسو لوذنها يوشوش فيها ، طبع بوسة بجنب شفتها و تكلم !
_شنية الي يزي ،، مازلت ما بديتش ؛
تبسمت و هي تسمع فيه ، و ما حست بيه كان دورها ليه ، يديها رسات على صدرو و حزامها فوق حزامو !  ما كانش ناوي يعاود سيناريو اخر على الصباح ، أما بلحق عندو شكاير وحش ليها ، موش بالساهل باش تطفى نارو و يبرد لهيبها !
خرجت لافة منشفة على بدنها و هو وراها ، موش مستعرف بشيء ، خرج كيف ما جابتو امو من الدوش !  تلفتتلو تتبسم !
_ووه علاه خرجت ماغير منشفة !
تبسم و هو يغزرلها تقتل بالزين ؛
_و علاه المنشفة و أنا في داري و معايا مرتي ، و الي فما ريتيه و لا مازلت تحشم مني !
يحكي و مقرب و هي هربت تجري ناحية بيت النوم و تتكلم ؛
_امان زياد ، يزي !
_عيون زياد !
يحكي و خالط وراها لبس شورط  و هي لبست روب أخرى روز و خرجو الزوز ، ماشيين ناحية الكوجينة ! الفرحة لا تتقاس لا بعمر و لا بفلوس و لا بمديات و لا حتى باغلاط ! خاطر ساعات فرحتنا ما تكون كان مع انسان واحد ، لا نجمو نفرحو بلا بيه و لا مع غيرو !

✴✴✴✴

عااجبتكمم الرومنسية ولااا يزي نقصواا عليهااا😂 اناا الحق موجعتلي قلبي🥺
زيااد يااسر حنين😘
و نورهاان تستااهل تفرح بعد الي تعداا عليهاا الكل♥️
و الزوز يستحقواا الفرحة الي هما فيهاا حالياا😍

طاارق و رانياا تتصوروهم يتفااهمواا ولا صعيب😉

نعرف الحلقة قصيرة اما انشالله غدوة كان لقيت تفااعل نهبطلكمم🥰

ساامحوني هبطلكمم الحلقة روطاار🥺
اما الكونكسيون كاانت قااصة علياا 😒
ودوب رجعت هااني هبطلكم كيماا وعدتكمم😘
انشالله عجبتكم الحلقة و استمتعتواا بيهاا برشااا 🥰

تصبحون بخير واحلاام سعييدة💗
تنسووش ارااءكم و الجااااامممم 🙏🤍

نحببببببكمم و نبوووسكممم وحدة وحدة ❤️🤍