💫💘💫
☄️ "و ماذا أفعل بٱسفك
طالما مشهد الإساءة مازال عالقا في ذهني..." ☄️
هبطت من كار المعمل كيف العادة ، التعب و قلة الفلوس ، تعدي نهارها من الفجاري للمغاريب على زوز فرنك تعبهم اكثر منهم ، أما ما عندهاش بديل ، عملت تكوين خياطة و ضروفها ما سمحتش باش تعمل الاتوليي متاعها ، ما لقات بيها وين كان تخدم في معمل ! شدت ثنيتها كيف العادة و تفكرت أنو يلزمها تتعدى للخضار باش تأخذ شوية غلة للنورهان ، نورهان الي موش قاعدة تأكل في شيء و قاعدة تذبل نهار باعد نهار ، هذاكا الحب ، هي زادا صار بيها ما اكثر من هكا ، وقت عرس حازم ، هي زادا سكرت على روحها و قريب تهبل ! لولا قدرة ربي ماكانتش باش تبرا و تفوت الغصرة هذيكا !
مازلت كيف دارت الدورة و تلقاه قدام وجهها ، لابس الزي ، ضاهر ماشي يخدم ، تعدات و كانها ما شافاتوش ، لكن هو بكل صحة رقعة تنطر قدامها ! يحكي بعين صحيحة !
_,صحة راسك هاذي موش باهية ،.كيفاش تخرج من الدار و تخلي خالتك ، امي باش تهبل عليك ! مانيش غول راو مانيش باش ناكلك ! واتت ضروف خلتني نرجع !
هزتو و حطتو و دارت باش ترجع على ثنيتها تخليلو الزنقة واسعة و عريضة وقت حست بيدو كيف كبست على معصمها ، عينيها شعلت نار ، نطرتلو يدو و تكلمت !
_نحي كسرتك ! يدك ماعادش تحطها عليا !
تبسم بوجيعة و تكلم !
_ولات كسرتي رانية ، حتى كان أنا غلطت و حكايتنا وفات ، نبقو اولاد خالات و متربيين مع بعضنا ، أنت كان تعرف أش صار تو تسامحني ، موش بايدي الي صار رانية موش بايدي !.
يحكي و هي تغزرلو و تتبسم !
_نسامحك ! فاش تخرف ياخي ! ريت أنا للنهار القيامة مانيش مسامحاتك و نحاسبك قدام ربي ، برا لا تربحك أنت و اياها !
قالت كلامها و دارت تجري ، خاطر وجيعتها تحيرت من جديد ! الساقط مازال يحبب يبرر لروحو الي عملو ! و كانو اقبال غصباتو ، أما فما ربي ، الدعاء الي دعاتو عليهم باش يخرج فيهم أكيد ؛ ماهيش مسامحة و لا منجمة تنسى ، ضيعلها حياتها و خلاها واقفة في الماضي الي فات !
دارت دورة كبيرة و دخلت للخضار خذات ما لازمها و رجعت للدار ، دوب حلت الباب ، بدات تنادي على نورهان !
_نورهان ، نورهان وينك ...!
طلت عليها من الكوجينة تتبسم !
_هاني لهنا، قلت أنت تاعبة ، نحشم على روحي و نحضر العشاء ؛
_علاش تعبت روحك ، مازلت مريضة !
_لا اليوم حاسة روحي خير ، ديجا من غدوة باش نخرج نشوف خدمة نعيش منها !
_في عقلك نورهان ، هاني معاك ، كيف تبرى على قاعدة ارجع اخدم !
تكلمت و هي تتبسم في تبسيمة حزينة !
_باش نبرا على قاعدة لازمني نخرج و نتنفس ، ماكانش مانيش باش نبرا !
فهمت حديثها ، عارفة أنو وجيعتها داخلانية ، وجيعة القلب و محاينو !
جبدت من ساكها الروبة الي خذاتهالها و جاتها تتبسم!
_موش أنت تحب اللون الاكحل ؟
_اي ، علاش ؟
_ اغزر الروبة هاذي تقول مفصلة ليك ، دوب ريتها في المعمل هزيتهالك.!
حملتها بمعزة ، عينيها رغرغت من جديد !
_ربي يخليك يا رانية اختي ، و الله موش عالروبة ، أما انك خممت فيا بالدنيا !
_مالا على الفازة نتعشو و تلبسها نخرجو نعملو قهيوة في القهوة الي آخر الحومة !
تبسمت و تكلمت !
_و لو ما عينيش في الخروج ، أما نخرج على خاطرك !
حطت صحن السلاطة قدامهم و كعبات البريك ، تعشو و بدلت دبشها ، قعدت حايرة بين شلاكتها الصبع و بين صندالها و استقر رايها على شلاكتها ! لشكون باش تتزين يا مرت الاعمى ، ماعاد حاليلها شيء من بعدو ، رغم هزت روحها شوية الا أنو قلبها مازال محروق ! مازال مليع باللي بعد و أختار يشوف حياتو مع غيرها !
من الي كان يسهر هو و عمو في الدار كل ليلة ، ما عادش حاليتلو أنو يقعد وحدو خاصة أنو العم عندو مدة غاطس و موش عارف فاش غاطس ، بدل دبشو و خرج للقهوة الحومة ، يلقى الاولاد و يبدل الجو خير !
شد كرسي في التيراس و قعد بجنب طارق ، طارق الي عندو مدة حاسس بيه حكاية و متبدل عليه !
_الونجي سطوفة كيف العادة ! و جيب عصير لطارق !
و تلفت لطارق ، يحكي و يقيس فيه بعينيه !
_شنية حكايتك أنت ! فهمني شبيك ! حتى الخدمة ماعادش مركز ، عندك ثلاثة ايام ما جيتش !
_تاعب يا عرفي ، نحب نرتاح !
_لهنا أنا زياد صاحبك و عشيرك ، مانيش عرفك ، احكيلي اش بيك !
تنهد و هو يسمع فيه ، اش يحكيلو و اش يقول ! يقولو راي خطيبتك كانت صاحبتي و راني مازلت عاشق فيها و مانيش منجم نتخيل أنو ممكن تعرس بيك !
طلع راسو يشوف في نورهان كيفاش متعدية هي و رانية ، ما نجمش ما يحكيش ، يحب يشوف ردة فعلو !
_خليك مني ، أنت قلي نسيت نورهان مالا باعد ما خطبت !
طلع راسو باعد ما كان غاطس في تاليفونو ، سيرتها باركا تخلوضو !
_علاش تسأل ، شبيك أنت ! أي نسيتها !
تبسم و هو يسمع فيه ، خاطر عارف كلامو موش صحيح !
_سالتك جيست خاطرها متعدية ، قدامنا هذاكا علاش !
تلفت بالوقت كيف سمع كلامو ، يغزرلها ماشية هي و رانية ، مشبكة ذراعها في ذراع رانية و راسها مطبس , الروبة الكحلة الي لابستها زايدة فيها الشطر ! موش مستوعب وين ماشيين في هالليل !
تلفت لطارق يحكي ، نسى أنو من دقيقة لتالي كان يقولو نسيتها !
_تو نرجع ، ما تروحش استناني !
جاوبو بضحكة ! خاطر بلحق شيء يضحك !
_من دقيقة لتالي تقلي نسيتها و توا قائم خالط وراها !
ڨحرلو و تعدى ، ركب في كرهبتو و يمشي على خطوتهم ، ما هموش الي باش يشوفو اش باش يقول عليه و لا هي لو تلفتت و شافتو وراها شنية باش يكون تصرفها معاه ! قلبو يسوق فيه و هو يتبع فيه تتبيع !
قعد يتبع فيهم ، لين دخلو للقهوة الميكست الجديدة الي في اخر حومتهم !
حبس الكرهبة و قعد على بلاصتو ، موش عارف يدخل و لا يرجع منين جاء ، يعمبو عمرو قد ما يهرب منها يرجع يجري وراها و قلبو مربوط بيها و كانو في عروق قلبو يجري دمها !
قعدو في طاولة و هي تدور في عينيها في البلاصة ، تعدت من جنبها بارشا مرات و لكن ولا مرة دخلتلها ! تبسمت لرانيا
_و الله يعطيك الصحة ، ما احلاها البلاصة ، عجبتني !
_حتى أنا عجبتني ، جيتها مرة مع صاحبتي و ما عاودتش !
تبسمتلها و تكلمت ؛
_ان شاء الله ربي يعوض عليك و تجيها مع خطيبك و لا راجلك ، و الله نتمنى ربي يعطيك قد قلبك الباهي يا ربي !
_انت زادا عسل الدنيا يا اختي !
سكتت كيف راتو داخل مقابلها ، نورهان عاطيتو بالضهر ما راتوش و لا رأت غزرتو ليها ، أما رانية فهمت الحكاية أنو دخل كيف شافهم دخلو للقهوة هاذي !
قربت منها توشوش فيها و كبست على يديها و كانها تشجع فيها !
_ما نحبكش تتوتر و لا تتوجع ! أما زياد وراك ، في الطاولة الي مقابلتني قاعد وحدو ، بربي لا تتلفت و لا تتأثر بيه ، خليك قوية ، ما ترخش !
كبست على يدين رانية مجرد ذكر اسمو خلى قلبها يتعذب من جديد ! ماهيش باش تتلفت و لا باش تواجهو ، عارفة روحها هي الي خاسرة و ما عندهاش علاش تحير القديم الي ضاهر أنو جديدو نساه فيه ! تسمع في صوتو كيف هز على تاليفونو الي ينوقز و تكلم بصوت ثابت و رغم أنو كان بعيد عليها الا انها سمعت كلامو ، و خاصة سمعت اسمها كيف نطقو
" هداية ".. الدموع تلمت في عينيها من جديد ، ياسر قوي عليها الاحساس هذا ، ما تنجمش تعيش الشيء هذا ما تنجمش ، هزت تاليفونها في يدها و وقفت ، ما تنجمش تزيد تقعد في بلاصة هو فيها ماعادش تنجم تزيد حتى دقيقة !
✴✴✴✴
هاااااي حبااايب قللبي😍
شنو الاجواااء عندكممم😘
توحشتتتتتكمممممم موووووت والله🥺
وقتي مضغووط و لتووو مااعرففت كيف نظمواااا😪
اماا الاكيد معاااش بش ننسااكممم 😘
و نرجع نهببطللكمم كييف العاادة انشاللله💓 و خاااصة طوول ماافمااا تفاااعل😉
احكووولي كييف القراااية معاااكم🤍
تأقللمتواا ولاا ميزلتواااا ❤️
و اقساامكمم بااهيين و كييف ماا تحبواا💗
يلااا تو نرجعوااا للكروو متاااعنااا 😉
شنوو راايكمم في راانية لحد الان💕
و طاارق الي مقاال شي للزيااد🙂
زعماا يقعد سااكت و ماا يقول شي ولا يفضح لمخبي😉
و نورهاان المسكيينة الي معااش منجمة تقعد في بلاصو زيااد فيهاا 🥺
ميزاالواا برشاا احدااث يستنااو فيكم😉
غيير تتفااعلواا بش نهبطهممم😘
انشالله تكون عجبتكم الحلقة 😍
و استمتعتواا بيهاا برشااا🥰
ملتقااناا غدووة باذن الله💞
تنساااوش الجااام و اراااءكمممم حبااايبي 🙏🤍
نحببببببكمم و نبوووسكممم وحدة وحدة ♥️❤️
أنت تقرأ
💫💘 العار 💘💫
Storie d'amoreبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...
