💫💘 العار 💘💫

💓الحلقة 54...💓

💫💘💫

☄️ "وجعي لا يحتاج الي وصف ، وجعي يحتاج اليكِ 💔.." ☄️

حل الباب و دخل ، ضوء الفيوزة الخفيف جهرو نوعا ما أول ما جات عينيه عليها ، لدرجة مشى في بالو يتخيل ، حك عينيه يحب يصدق الي يشوف فيه حقيقة و لا سراب !
قاعدة في وسط الفرش ، لافة يديها على ساقيها و حاطة راسها على ركبتها ، ما فهمش شنية الي لابستو و لا موش لابسة اصلا ، خاطر الللون كان قريب للون بشرتها ، قعد يغزرلها يحب يستوعب شنية الي تعمل فيه ، علاش قاعدة بالزين هذا الكل تستنى فيه ،  قلبو تسرق منو لحضتها ، يسوق فيه ليها أما ساقيه ثقلت ، موش هي الي آخر مرة قربها قالتلو كانك راجل و عند كلمتك ما عادش تحط يديك عليا ، تنهد و لفت وجهو. ، موش وقت تحب تبعدو و وقت الي تحب هي ترجعو ليها ، ماهوش لعبة و لا قتل روح باش تعاقبو بالطريقة هذيكا ، صار و تغشش و شك و لحضة الشك تضلم مولاها و هو كان ضلم راو ضلم روحو، أما موش لدرجة العقاب الي عاقبتهولو هي و لا خاطرو يحبها تمادت في الطويل !
كبس على بونيتو و فاتها ، نحى مريولو و قعد في سيرفات ،  شد جنب الفرش تقولش ما شافهاش ، تمد في شيرتو و حط المخدة فوق راسو ، خلاها موش مستوعبة الي صار لحضتها ، يعني هو الي رفضها توا ، حتى ما قربش ناحيتها ، موش هو الي كان ديما يحاول فيها و هي تصدو ، و هذا الصحيح هي صدتو لحد هو ما عادش عينو فيها , تقولش الدنيا عملت عليها بلعاني ! دموعها تلمو في عينيها من جديد ، قعدت تحاول ترجع فيهم , هي الي ديما تقوي في روحها و ما تبكيش ديما ، أما توا فاض بيها ، خاطر خسرت راجلها بايديها !
يسمع في شهقتها ، حط يديه على وذنيه ، ما يحبش يضعف و هو شادد في شعرة و يقوم و يجيبها تحتو يطفي النار الي فيه ! ما نجمش قام قعد في بلاصتو و حاول ما يقربش ليها ، تكلم من بعيد !
_علاش تبكي أنت توا ! شنية مقلقك رانيا ! كان أنا مقلقك تو نخرج من البيت !
تلفتتلو و الدموع تلمع في عينيها ، قربت منو تزحف على ركبتها في الفرش و قعدت مقابلتو يفصل بينهم نفس ! تمسح في دموعها و تغزرلو ، عكسو هو الي كان يهرب في عينيه منها ، القطعة الي لابستها طيرت طرف العقل الي عندو ، الفوقاني دونتال ما مغطي شيء من صدرها الي يطلع و يهبط بمفعول الغصة الي فيها !
طبس راسو كيف حس النار لهبت فيه ، صوتها زاد كمل على مرمتو كيف تكلمت !
_يلزمنا نحكو ! لوقتاش باش نقعدو كيف ما هكا !
طلع راسو و غزرلها ، تكلم بوجيعة ضاهرة في عينيه !
_حاولت معاك لين تعبت يا بنت الناس ، موش قتلي معادش تقربني و لا تحاول معايا مانيش باش نسامحك! هاني سمعت كلامك !
تكلمت و هي ترجع في غصتها !
_لا لا ! انت سامحني خاطرني ما فهمتكش و ما فهمتش روحي !
طبس راسو ما يحبش يزيد يضعف و هو يغزرلها ! الشيء قوى بيه ، شيء من ريحتها البنينة و الشيء من الزين الي هي عليه !
_حتى كان ما سامحتنيش عادي ، المهم تبدى أنت مرتاحة رانيا ! على كل هاني مسافر المدة الجاية خوذ وقتك و خمم في حكايتنا مليح !
طلعت راسها و ڨحرتلو ، باش يجلطها ، هي تحكي يمين و هو يجاوب يسار !
_وين مسافر ! ياخي عايش وحدك أنت ! ما كنتش تنجم تقولو مازلت معرس جديد و مرتي لشكون باش نخليها ! كيفاش تبرمج  تمشي شهرين و ما تقليش ! كيفاش تخمم تخليني وحدي و تمشي !
يغزرلها كيفاش تغلي قلبو خض ضلوعو ! تكلم بصوت هادئ عكس النار الي شاعلة فيه !
_اش يريحك رانيا ، اش تحب بربي فهمني !
فما حوايج ما تتقالش و ما تتحكاش , اش تقولو راني اليوم فقت بروحي ما نجمش نعيش من غيرك و مانيش حاملة غيابك عليا ، راني اليوم وين صدقت أنو أنا حاشتي بيك كيف ما حاشتك بيا و ما فماش حاجة اسمها بعد من جديد  ، اني نحب نكون مرتك بالحق ، موش كل واحد في شيرة !
زادت قربت اكثر ، حطت راسها على كتفو بطريقة صدرها مس صدرو ، هبلت والديه ! تكلمت و هي باقي مستحلية قربو و لو ما هزش يديه و عنقها و كبس عليها أما قلبو الي قاعد يدقلها في اللحضة هاذي كشف كل شيء مخبيه !
_نحب ننسو الي فات و نبدو من جديد !
قعد ساكت يرد في النفس الي تقطع عليه من قربها ، يديها الي تمدت لاكتافو ، صدرها الي لاصق فيه و نفسها الي تهز و ترد فيه في وجهو ! طبس راسو ليها و طلعلها راسها يتكلم و هو كابس على فكها بكف يديه !
_باش تهبل والديا رانيا ! مانيش لعبة وقت الي نجيك تصدني , أنا نبعد و أنت تجيني !  !