💫💘💫
☄️ "سألوني هل هناڪ حب دون لقا۽.؟
فأجبت الحب دون لقاء عشق..
فعندما تعشق شخص فليس بالضروري أن تعشق من تراه عيناڪ..
ولڪن اعشق من يراه قلبڪ..
العين تري الڪثير..
ولڪن القلب يري نقا۽ الروح.
فالقلب يعشق قبل العين احيانا..." ☄️
يقرا في المساج و يرعش ، عمرو لا توقع أنو حد غيرو يسبق و يخطبها و بوها يوافق ما غير ما ياخذ رايها جملة وحدة !
حاسس روحو كيف الصيد محبوس و موش لاقي منين يتنفس ! و قد ما طلبها ما هزتش عليه ، ضاهرة ماهيش وحدها و لا الله أعلم اش صار !
دخل لامو الصالة مربوث و موش عارف كيفاش يتصرف !
_امي ، نزيهة ، شوفلي حل يا ميمتي !
طلعت راسها من المخدة و قامت قعدت في الفوتاي ، تغزرلو مفجوعة !
_ان شاء الله خير يا وليدي ، شبيك ، اش فما ! حل لشنية ؟
_نوارة امي نوارة خطبوها ! يلزم تلقالي حل امي ، أمشي اخطبهالي اليوم قبل غدوة !
عينيها تحلت صحافي ، كانت حاسة الي فما حاجة بيناتهم غير ما شافت شيء ملموس !
_ كانت بحذايا العشاية و ما حكاتلي شيء و ياخي كيف أنت عينك في نوارة تحب تخطبها شبيك ما تكلمت كان توا عينيه ، ماهيش حابة تكمل عليه أما بوها ماهوش باش يرد قرببو و يوافق على ولدها هي !
_باهي وليدي ، اش تحب نعملو !
_نهزك توا تخطبها امي ! هي حاشتها بيا أنا موش بيه !
_كيفاش توا وليدي ! أصبر لغدوة الليل طاح !
_مستحيل نزيد نصبر ، مستحيل !
سكتت ، عارفة أنو مستحيل يصبر كيف ما مستحيل باش بوها يوافق على محمد ، تعرف عقليتهم ماهوش باش يعطي بنتو لواحد كان في الحبس و زيد في الفقر للعنكوش ! و يخلي قريبو !
خرج باعد المغرب هو و امو ، امو الي ماشية بالسيف. ما تحبش تشوف كسرة ولدها و لا تشوف وجيعة في عينيه !
ما عندوش صبر ، بكري دوب قراى المساج حس روحو رجع للحبس من جديد ، خاطر الدنيا بلحق من غير نوارة حبس بالنسبة ليه !
دق الباب هو و امو ، شوية و تحل و قابلتو عينين امها ، امها الي نسخة منها ، انها الي استغربت جيتهم و قلبها ما قاللها خير !
_تفضل اختي نزيهة لباس ؟
_لباس. باش تحكي معانا من الباب !
_لا تفضلو !
و نادت على راجلها بالصوت " يا حاج عندنا ضياف"
_مرحبا ببهم
_ترحب بيكم الجنة
دخل هو امو ، وين قابلو بوها ، بوها الي أول ما شافو عينيه وقفت ، ما عندهمش علاقة و لا يتفكر أنو نهار وقف و حكى معاه ، بلعكس ما يهضموش و سيرتو ما تعجبوش زادا ، بيناتهم السلام صباح الخير لا اكثر و جيتو هو و امو ، نزيهة الي بنتو تمشيلها كل يوم طيحتلو الماء في ركايبو ، اش معناها يجيب امو و يجي باعد ساعة من الي قال لبنتو على الخطبة و الخطاب !
فطرو و شد ثنية المرادي في ڨمرت ، قد ما كان يحب الخدمة و قد و قد ما كان ما يحبش الحواسات قد ما اليوم فرحان بحواستو معاها !
دخلو كيف العادة يديه في يديها ، تكذب كان تقول ما سحرهاش الوتيل و هاك الضخامة الي فيه ، تعدى للريسابيسيون و حجز الليلة ، يغزرلها كيفاش شايشة على الوتيل ، جبدها ليه يتبسم و يوشوش فيها !
_فما بيسين كوفار في الوتيل ، اش قولك نعملو تبحبيحة !
تبسمتلو و تكلمت !
_ما عنديش باش نعوم ، ماناش جايبين دبش ، خلي المرة الجاية روحي نعملو حسابنا !
تبسم ، خذى المفتاح و جبدها معاه ماشي ناحية البيت !
فرحان بقربها الي بطبيعتو منامة بالنسبة ليه !
دوب دخلت للبيت و هو جبدها ليه يتبسم و هو يأكل فيها بعينيه !
_كل يوم تزيد تزيان على الي قبلو ، شنية السر زعمة ؟
ردتلو التبسيمة و حطت يديها في رقبتو ، تحكي بدلالة !
_خاطرني مع حبي ، ربي يخليك ليا زيدون !
حط جبينو على جبينها ، و تكلم و هو يتنهد !
_السنين الي فاتت كنت ميت من غيرك نورهان ، قد ما نحكيلك كيفاش حياتي من غيرك ما فيهاش روح ما تصدقش ! نعشقك نورهان و ربي عالم !
لزت روحها ليه و حطت راسها على صدرو ، تحكي و هي كابسة عليه !
_سامحني خاطرني ضلمتك و ضلمت روحي معاك ، و الله أنا بلحق موش منجمة نرتاح كل ما نتفكر انك تعذبت بعد..
قص عليها يتبسم
_المهم أنت معايا نورهان ، المهم في الأخير أنت معايا !
حط شفايفو على شفايفها يتطعم في شهدها ، قد ما يبوسها ما يشبعش منها ، قد ما يقرب يحس روحو يحب يزيد يقرب اكثر ، عشقتو ليها لدرجة أنو هي بجنبو و هو متوحشها !
جبد روحو شوية باش تتنفس كيف حسها تغفق ، طلعت راسها تبسمتلو و تكلمت بدلالة كملت على ما بيه !
_علاش بعدت زيدوني ؟
تبسم و زاد لزها ليه ،
_خليتك تتنفس حبي !
حطت خدها على لحيتو تمشي فيه و تجيب ، تكلمت بدلالة زايدة على العادة ،
_انا نتنفسك أنت زيدون ، لو تبعد عليا نتخنق ، بوساتك يخلوني نتنفس الفرحة و قربك يخليني نحس الراحة , رد بالك تبعد عليا زيدوني ! رد بالك !
_يا عمبو عمري ، زيد على مرمتي زيد ! أنا نبعد عليك نموت لو نبعد عليك !
ما خلاهاش تجاوبو ، غطس فيها من جديد ، يبوس و موخر بيها للفرش ، يديه تحل في اقفال الجلية و ما وصل للفرش الا ما كانت الجلية مرمية في القاعة ، موش راحم روحو و لا راحمها ، قربها نار و عذاب ، و ما ينجمش ما يقربش ، لو بايدو يسكنها بين ضلوعو بالك الوجيعة هاذي تخف ، يتنفسها كيف ما قالت ، حياتو الي كانت بلاش روح من غيرها ، صبحت جنة معاها ، ما حاشتوش بصغار من غيرها و باش يحاول لاخر نفس فيه أنو يفرحها بصغير من صلبهم ، هو بالنسبة ليه هي مرتو هي بنتو هي الدنيا و ما فيها !
قلبها تحتو و عينيه في عينيها ، تذبيلة عينيها زادت لهبت نارو ، طبس على رقبتها و عضها عضة صغيرة و تكلم !
_نعشقك , و رحمة امي و بابا أنت اغلى ما عندي في الدنيا نورهان !
كيف العادة ما تلقاش كلام يضاهي كلامو ، مدت يديها وكبست على اجنابو ، تقرب فيها ليها اكثر ، زادت على مرمتو ، قد ما يقرب قد ما ديما عطشان ليها ! و كيف عادتو سيس و حنين و كل مرة معاه كانها أول مرة بالنسبة ليها !
جبدها لحضنو باعد ما عبث بحالو و بيها و باسها من خدها ، يحكي و يغزرلها !
_تعرف اني في الدنيا هاذي ما عندي كان انت ! نحبك و نخاف عليك بارشا !
تبسمت و هي تغزرلو و تكلمت
_نعرف حتى أنا نحبك بارشا !
_خممت نكتبلك الدار و جنان الروابي ، الدنيا تخوف و ما نعرفش على البلاء منين...
قصت عليه مفجوعة !
_انا ما حاشتي بشيء بخلاف انك معايا زياد ، ما حاشتي بشيء ، ربي يطول في عمرك و يخليك ليا ما عادش تعاود الكلام هذا بربي !
ضمها ليه و سكت ، نوى الي في بالو و حد ما باش يرجعو عليه ،ماهيش حكاية موت و الموت اجل ، اليوم و لا باعد عشرين سنة يلزمو يضمنلها حقها و يتهنى عليها !
✴✴✴✴
صبااااح الننووور حبااايبي😘
واااش حواالكممم انشااله تكونواا بألللف خيير و صحةة❤️
توحششتكمممم برشاااا🥺💗
هاااي حلقة عالطاااير مزياااانة كييفكممم 🥰
يلاا فيهااا برشاا مانحكييو عليهاا😉
شراايكمم فالموقف الي تحط فيه محمد و نواارة🥺 زعماا شنو تتصورواا يصير معااهم 😉
و زعماا بو نوارة يواافق ولا يكون عندواا رأي اخررر🥺
و شراايكمممم في نورهاان و زياد و الرومنسية الطااغية بينهمم🔥♥️
انشالله تكون عجبتكمم الحلقة و استمتعتواا بيهااا💓
الاياامات الي فاات ماهبطش حلقاات خاطر بلحق قلبي معطاانيش و منجمتش🥺
كل مانحل السوشل ميدياا قلبي و حالتي تتأزم على اخواننا الفلسطينيين 😭
مش عارفة شنو نقول ولا نعمل نحاولواا ديما ندعيو انوا ربي يحميهم و ينصرهم و ياخذلهم حقهم🙏
و نترجااكم لكل حد منكم عندوا منصة على مواقع التواصل الاجتماعي يهبط و ينزل عليهم وعلى معاناتهم 🙏
و يكون باللغة الإنجليزية خللي العالم الكل يشوف فاش يعانيو🤯
حتى ولو ماعندكم نومبر كبير عاونوت بللي تقدروا وديما ادعولهمم و شكراا🙏🥺😘
اذا لقيت تفااعل نزيدكم انشالله حلقة اخرى مبعد 😘و انشالله نهاركم زين❤️
أنت تقرأ
💫💘 العار 💘💫
Romanceبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...
