💫💘💫
هازز بنتو على ضهرو و يمشي و يجي بيها ، يديه في ضهرها الصغرون و يبنن عليها و تقولش عملت بلعاني فيهم و لا حبت ترقد ، قد ما حاولت نورهان و كيف تعبت خذاها زياد يحاول معاها !
تلفتلها و هو يغزرلها تحل في عينيها بالسيف ، تكلم و باقي يبنن على بنتو !
_ارقد نورهان شوية ، هاي عندي ، ما نرقد الا ما نرقدها و نحطها في فرشها ، مشاغبة كيفك عشقتنا البنينة !
تبسمتلو و حطت يدها على فمها تتثاوب ، فعلا ما عادش منجمة تحل عينيها ، هذا حالهم كل ليلة هي أول الليل بعشق و يكمل بيها زياد آخر الليل ، تفيق بالاربعة و الخمسة مرات في الليل و الطبيب قاللهم طبيعي من الغاز الي يتحير في الليل و يعكر نوم الصغير و هي حكاية اشهرة و يمشي على روحو !
تكلمت و باقي تتثاوب ، عينيها شطر محلولين !
_سامحني حبي ، ماعادش نجم نسهر اكثر ، كل ليلة و أحنا في غناية النوم ! كل يوم نقول ماعادش نخليها ترقد في النهار و ما نجمش ، يغلبها النوم !
تبسم و تكلم و هو باقي يبنن بيها و ضاهرة بدأت تغفى بالشوية !
_عادي حبي ، هاني معاك ، ارقد ، ديجا بدأت تغفى !
تلوحت على الفرش و رقدت بالوقت ، ولات فيها طبيعة ترقد على كرشها و نومها يضحك ساعة ساعة تحتل الفرش كامل و تخليلو كوان فيه أما ديما على قلبو احلى من العسل ! المهم هي معاه و لو على حصيرة !
حط بنتو في فرشها و غطاها و دخل للفرش بجنب حلمتو المزيانة ، نورهان على ما كانت حكايتهم شبه مستحيلة ، كانت حلمة بالنسبة ليه ، كان وين ما يغفى يتمنى تزورو في المنام ، عنادو و الناس و خوفو من الي باش يقولوه عليه خلاه يوجع قلبو اكثر و يوجعها معاه ، هو من نوع الناس الي تحب مرة وحدة في حياتها و لا حبت تموت في الي تحب فيه ، ما كانش ينجم يعيش و هي موجودة معاه و قريبة ليه و فرد وقت بعيدة عليه ، ماكانش ينجم ياخذ مراة أخرى و لو خذاها فكان طيفها باش يعيش بيناتهم ، كيفاش يغزر لوجه غير وجهها و يعشق عينين غير عينيها مستحيل !
طبس طبع بوسة في خدها وين حلت عينيها و تبسمتلو ، غالبها النوم و تحكي تحت تأثيرو ، تكملت بصوت ضايع كلام القلب الي يمس روحو !
_نحبك زيدون !
قالتها و رجعت غفات من جديد ، حياتو قد ما هي هادية و مستقرة خايف يحسدوه ، ساعات يلزمك تمشي عكس التيار ، ساعات يلزمك تمشي عكس عقلك و عكس كلام الناس و عكس كل شيء تضنو صحيح باش تعيش مرتاح !
خرافتنا المزيانة خرافة راجل عشق للنخاع و مراة فاقت بعشقتها باعد غلطة كسرت الخاطر ، انك تسامح موش حاجة ساهلة ، انك تنسى حاجة اصعب و اصعب ، لكن السهل المتاح انك تعيش ، انك تلوج على راحتك و تعيش ، تعيش ما غير ما تخلي حد يتحكم في راحتك لا عقلك و لا كلام الناس ! و لا أي حد عندو تأثير عليك ، اذا قلبك مرتاح عيش ، عيش مع الي تحبو و ما تضيع حتى لحضة بعيد عليه !
قامت من جنبو ما غير صوت ، جبدت الباب بالسياسة ، بخلاف أنو تاعب بدنيا فهو زادا تاعب نفسيا و ما عرفتش كيفاش تخفف عليه ، موش متقبل أنو بوه ما عادش معاهم ، اذا هي الاولى و عمها عاشرتو اشهرة و ربت عليه الولف و حاسة ببلاصتو ، فما بالك هو اش يحس ! موش عارفة اش تعمل و لا كيفاش تتصرف باش تنقص عليه الوجيعة هاذي !
حطت يديها على كرشها كيف حست بحركة ولدها ، تبسمت طالع لبوه يحب السبور بارشا ! هي في اخر الثامن و مازال ايامات و تدخل للتاسع و تولد و ترتاح !
حضرت فطورهم ، نضفت الدار ، فطورها على الغاز ، خلت النهار يطلع مليح و مع العشرة دخلت تفيق فيه ،
تسرسبت للفرش و تبسيمة على وجهها ، موش عارفة من الحبالة و لا هي كل يوم تزيد تحبو ، كل يوم تحس روحها عاشقة فيه اكثر من النهار الي قبلو و هي شكون عندها بخلافو في الدنيا هاذي ! ما عندها كان هو و محبتو عايشة ليهم و بيهم !
تربعت في الفرش و قعدت تتفرج فيه ، كل حاجة فيه بالنسبة ليها امان ، غزرتو ، ضحكتو ، لمسة يديه ! الراجل هذا منبع امان بالنسبة ليها ! حتى و هو راقد النفس متاعو امان بالنسبة ليها !
قربت منو اكثر و طبعت بوسة صغيرة من شفايفو ، ما جاش لبالها البوسة هذيكا باش تفيقو و يحل عينيه ! جبدها ليه يتبسم ؛
_صباح الورد حبيبي !
_صباح النور ، فيقتك خاطر ما نجمتش نقعد وحدي و أنت راقد !
لزها لحضنو ، و حط يديه على كرشها ، يحكي و يديه سارحة خلات لحمها يقشعر و نطقت بالسيف ؛
_بربي لا طارق ، ما نحملش !
طلع راسو و تبسم و هو يغزرلها ، عندهم بارشا على هبلة كيف ما كانو ، عندو مدة مهملها نوعا ما و حاسس بالتقصير ، موتة بوه اثرت فيه لدرجة كبيرة !
تكلم و هو يتبسم !
_شنية الي ما تحملش ! توحشتك أنا !
قلبها دق و هي تسمع فيه ، تكذب كان تقول ما توحشتوش ، أما الوضع الي كان فيه ، ما يسمحلهاش باش تقرب صانتي منو ، تكملت و هي تغزرلو في عينيه :
_حتى أنا توحشتك !
قرب باسها من شفتها بوسة صغيرة و قام ماشي للتوالات ، الليلة يبرمجلها هبلة كيف ما كانو و اكثر ، حياتو و يلزم يتاقلم أنو بوه موش موجود و كل وين يتفكرو يدعيلو بالرحمة ، عندو مرتو و عندو ولدو الي جاي في الثنية و باش يسموه عمار على اسم بوه !
تغسل و خرج وين لقاها سبقاتو لوسط الدار و فرشت القعدة ، طاولة عربي و الفطور فوق منها ، كيف عادتها قهوة و حلو ، عسل و زبدة و كل ما يشتهى الصباح ! تلفت على اليمين وين قابلاتو بلاصة بوه ، تخيلو كيف ما موالف حاطط مخدة تحت جنبو و متكي على مرفقو و يشرب في التاي و ساعة ساعة يجبد من الارشيف حكاية و يعمللهم جو في الدار ! مسح الدمعة الي بالسيف عليه ساحت من عينو و هبطت ، حد ما يعوض بلاصة والديك لا مرتك و لا ولدك و لا صاحب و لا حبيب ، حد ما يملى بلاصة حد و لا يمحي وجيعة فراقو !
قعد بجنب مرتو يأكل و يغزرلها ، رغم أنو خسر بوه في العام هذا الا أنو ربح مرتو ، زعمة كيفاش كانت باش تكون حالتو لو كان وحدو و هي موش معاه ، كيفاش كان باش يتحمل فراق بوه و كيفاش كان باش ينجم يعيش و يقعد في الدار من بعدو ، حكمة ربي سبحانو الي حطها في طريقو و دخلت سلة سلة للقلبو و سرقت تركينة كبيرة فيها و تخبات و كل شوية هاك التركينة توساع للي بلحق حاسس أنو محبتها هي الدنيا بالنسبة ليه !
جبد يدها باسها و تكلم !
_اش قولك نعملو شهر عسل ! ما عملناش في عرسنا ! اصلا أول شهر بيناتنا كان جفاف ههههههه !
تبسمت و هي تسمع فيه ، تكلمت و هي تعشق فيه :
_جفاف منك أنت ههههه ، موافقة أما على شرط !
هز حاجبو و تبسم ، رمى كعبة بسكوي في فمو و تكلم :
_تشرط يا مدام ، تفضل !
_نمشو لبنزرت ، نحب نمشي لسجنان ، عندي دار جدي غادي في بالك بابا من سجنان و لا نعرف ليهم ريحة ، الدار مسكرة و اهلها تحت التراب ، أما أنا نحب نمشي للارض هذيكا ، ياما خالتي حكاتلي و رواتلي على بابا و عرشهم و ما يملكو في الشيرة هذيكا ، جيست نحب نشوف بلاد بابا ، نحب نشم ريحتها !
تكلم و هو يغزرلها :
_نمشو يا الروح ، نمشي معاك لاخر نقطة في البلاد ، معاك أنت نمشي للصين كان لزم !
جبد مرتو ضمها ليه ، قعدت خانسة تستحلى ، العوض من ربي سبحانو ساعات يجيك في خدمة ! ساعات يجيك في قريب ! ساعات يجيك في حبيب ! ساعات يجيك في الصحة ! ما تايسش كل ما يتسكر باب و لو دام سنين اخرو تخلعو الريح و لو ما تحلش الباب هذاكا يطلعك باب آخر كنت ناسيه أو ماكش فايق بيه ، الدنيا قد ما تأخذ منك قد ما تعطيك و تعلمك ، و ما احر اليتم و أنت صغير و موش فاهم و تتكركب بين الساقين و ساعة ساعة يعفسوك و لحضة من دهر يحنو عليك و يتعدى عمرك في اللحضة هذيكا و يجيك العوض من ربي ما تعرفش منين ! و ما احر اليتم و أنت كبير ، كيف تقول أنا عندي ساس نتكى عليه ، و في ليلة و نهار ما تلقاش الحيط الي كان مداريك ، مدفيك ، حانن عليك ، ينحي من فمو و يعطيك ، أما هذا ما حال الدنيا ، ما يدوم كان العالي ، ما يدوم كان الي خلقنا ، مالنا الا فانيين ، و ربي ياخذ و يعوض و العوض متاعو ديما يفرح الخاطر و ينسيك في هموم سنين !
#النهاية
✴✴✴✴
و هكاا تكوون حلمتناا وفااات بنووووتااااتتتي😘 انشالله ياا ربي تكون عجبتكمم الكرونييك😍
و استمتعتواا بيهاااا كيمااا اناا🤍
شختت بكل وحدة عطاتني راايها و عملتلي جااام عالحلقاات💘
و الله راااكم فالقلب 💕
و ربي يعلم نحببببببكمم كيييف عيلتي الثاانية🥺 نشكر كل حد تعداا من صفحتي و عملي جام🥰
ولا ابوني ولا كومنتاار و شجعني بأي طريقة 😘نقللكمم ربي خلييكمم لياا و لا يحرمني منكمم🥰
و انشالله الي جااي يكوون خيير🙏
نحب نقلكمم انشالله عااامكم مبروك😘
ينعااد عليكمم بالخير 😘
و الصحة و الفرحة وكل شي تتمنووه😘
انشالله ياا ربي تتحرر فلسطين 🙏
و ربي يرحم كل موتااهم و يخفف علييهم فالعاام الجديد 🥺🙏
و احناا انشالله ربي يحقلناا كل احلامنا و امانيناا😍 و يخليناا للعبااد الي تحبناا و تعزنااا🥰
و مابقاا نقلكمم غيير استنووني فالجدييد🔥
الي يهبط عالقرييب انشالله💥
كونواا مستعدين و خليكمم ديماا متحمسين😍
و تنسوش تتعطوني اراااءكمممم عالنهااية 💗
و كيفاش كانت الكرو بالنسبة ليكممم🥰
نحببببببكمم و نبوووسكممم وحدة وحدة ♥️❤️
أنت تقرأ
💫💘 العار 💘💫
Roman d'amourبنوتااتي 😍نفتتحواا كرونيك جديدة من اعز ما تقرااو💕 حكاايتها متأكدة بش تعجبكم 😘و بش تعيشوا معها لحظة بلحظة🤍 و بش تغوصواا في احداثها ♥️ومع كل حلقة بش تزيدوا تتعلقوا بيها🥰 و كيما تعرفوني منودكم كان بالحاجة الممو و الباهية🥰 اقراوها و نش بش تندمواا...
