Ch-28. ငါသရဲထပ်ခြောက်ခံရတယ်
မိမိသည်စုယန်အားတိုးတိုးလေးသတိပေးလိုက်သည်။
"ဒါကလူတွေအများရှိတဲ့ပြည်သူပိုင်နေရာနော်။ရှင်ကကျွန်မရဲ့ဆရာဆိုတာရှင်းနေတာကို ရှင့်ပုံရိပ်ကိုထိန်းထားပေးနိုင်မလား။ကျွန်မတို့ရဲ့ဒီလိုပုံကိုလူတွေမြင်သွားမှာမကြောက်ဘူးလား"
စုယန်သည်သဘာဝကျကျပင် မိမိလက်အားလွှတ်ပေးကာအပေါ်ထပ်ရှိအခန်းတစ်ခုဆီခေါ်သွားသည်။
"ရှင်ကအခန်းတစ်ခန်းရတာလား"
မိမိသည်အံ့ဩတကြီးမှတ်ချက်ချလိုက်သည်။
"ဘယ်အခန်းကိုရ ရမှာလဲ"
စုယန်သည်မျက်လုံးများအားလှိမ့်လိုက်သည်။
"ဝန်ထမ်းအဖွဲ့ဝင်တွေခဏနားရအောင် ကျောင်းကနေဒီအခန်းကိုငှားပေးထားတာ"
စုယန်သည်လက်ပိုက်လိုက်ပြီး မိမိထံပြင်းပြင်းထန်ထန်ကြည့်လာသည်။
"မင်းဒီကိုဘာလို့လာတယ်ဆိုတာကို ငါ့ဆီမပြောရသေးဘူးနော်"
"လာတာမလာတာက ကျွန်မကိစ္စပါ။ကျွန်မကရှင့်ကိုဘာလို့ပြောသင့်တာလဲ..."
မိမိသည်ခပ်တိုးတိုးဆိုလိုက်သည်။အမှန်မှာတော့ မိမိခံစားချက်မှာဂနာမငြိမ်ဖြစ်နေပြီး လက်များအားအချင်းချင်းဆက်တိုက်ပွတ်တိုက်နေသည်။
"ပြောရမယ်ဆိုရင် ရှင်လည်းဒီကိုလာမယ်လို့မပြောခဲ့ဘူးပဲလေ.."
"မင်းဒီကိုဟာသလာလုပ်ပြနေတာမဟုတ်ဘူးဆိုတာ သေချာရဲ့လား။ဘာလို့မင်းကဒီလိုတွေဝတ်ထားတာလဲ"
စုယန်သည် ဝေဖန်သည့်လေသံဖြင့်ခွန်းတုံ့ပြန်လာသည်။
"ကျွန်မ...မလာခင်တုန်းက ဒီလိုပါတီမျိုးဖြစ်လိမ့်မယ်လို့ သတိမထားမိခဲ့ဘူးလေ။အမှန်တိုင်းပြောရရင် ကျွန်မလန့်သွားခဲ့တာ..."
မိမိမှာ အဆုတ်၏လုပ်နိုင်စွမ်းပျောက်ဆုံးသွားသလို မိမိအသံသည် တစ်စထက်တစ်စသတ္တိကြောင်လာသည်။
စုယန်သည်မိမိအားရှုံးနိမ့်သွားရပြီး သူ့နဖူးပေါ်လက်တင်ကာ ရှေ့နောက်ပွတ်နေတော့သည်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
