Ch-90 မင်းကငါ့ရဲ့လက်အောက်ငယ်သားလေ
"ရွှေငါးလေး ငါ့ကိုအာလူးေကြာ်တစ်ထုပ်ပေးဦး။ငါဂိမ်းဆော့နေလို့"
"ရွှေငါးလေးငါ့ကိုရေတစ်ခွက်ပေးဦး။ငါရေဆာလို့"
"ရွှေငါးလေးအဲကွန်းဖွင့်ပေးဦး။ဒီမှာပူလိုက်တာ"
"ရွှေငါးလေးအဲကွန်းပိတ်လိုက်ပါဦး။အေးလွန်းလို့..."
မိမိမှာထပ်ထိန်းမထားနိုင်တော့ပေ။စုယန်မှသူ၏စကားဆုံးအောင်မပြောရသေးခင်တွင် မိမိသည်ကူရှင်အား သူ့ခေါင်းဆီချိန်၍ပစ်ပေါက်လိုက်သည်။ထူးဆန်းစွာပင် သူသည်ဖမ်းမိသွားပြီး သနားစရာအမူအယာဖြင့်လှည့်ကြည့်လာသည်။
"မင်းဘာလို့ငါ့ကိုဒီလိုဆက်ဆံရတာလဲ..."
မိမိသည်သူ့ထံမှုန်ကုပ်ကုပ်ကြည့်လိုက်သည်။
"ရှင်ဘယ်လိုထင်လဲ။ဟယ်လို။ကျွန်မကနေမကောင်းတဲ့လူနာနော်။ဝှီးချဲပေါ်ကလူကို ရှင့်အတွက်ကိစ္စတွေလုပ်ခိုင်းဖို့ရှင်ဘယ်လိုမေးရက်နိုင်တာလဲ။ရှင်မရှက်ဘူးလား"
လက်ရှိမိမိမှာ မသန်စွမ်းသူတစ်ဦးအဖြစ်သတ်မှတ်လို့ရသေးသည်။အစက မိမိမှာစုယန်ကဘယ်လိုပြုစုလာမည်နည်းဟုမျှော်လင့်နေခဲ့မိသည်။မိမိမှာနောက်ဆုံးတော့ ဂရုစိုက်ခံရသည်ဆိုသောအတွေ့အကြုံကိုခံစားရလိမ့်မည်ဟုထင်ခဲ့မိသည်။သို့သော်အပြန်အလှန်ပါပဲ....
မိမိတို့အိမ်ရောက်သော် ဝှီးချဲအားသုံးရသည်မှာအလုပ်ကြမ်းလုပ်ရသည်ထက်ပို၍ထိရောက်မှုရှိကြောင်း စုယန်ကအခိုင်အမာပြောခဲ့သည်။ရလဒ်အနေဖြင့် မိမိမှာ ဒဏ်ရာမရခင်ကအလုပ်များနှင့်တကွအိမ်အလုပ်များကိုပါ ပိုလုပ်ခဲ့ရသည်။
ယခုတော့ သူအစာစားခြင်းနှင့်သန့်စင်ခန်းသုံးသည်မှအပ အခြားအရာများအားလုံးကိုသူ့အားမိမိမှကူညီပေးရသည်။
"ရွှေ...ငါးလေး"
စုယန်သည်မိမိ၏နာမည်ပြောင်ကို တမင်သက်သက်သံရှည်ဆွဲေခါ်လိုက်သည်။သူ၏အသံမှာနည်းနည်းချွဲပစ်နေသည်။
"တော်တော့..."
မိမိသည်နားများအားအုပ်ကာ မိမိ၏ဝှီးချဲ၏နောက်မှီပေါ် ခေါင်းအား အားလျော့စွာမှီလိုက်သည်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
