Ch-120 အာကီဟာဘာရာ
"ကျွန်မတို့ကဘာလို့ဒီကိုလာတာလဲ"
မိမိသည်ပတ်ဝန်းကျင်အားလှည့်ပတ်ကြည့်လိုက်သည်။ဤနေရာတွင်မည်သူမှရှိမနေပါပေ။
"ဒီနေရာကမီးရှူးမီးပန်းတွေကြည့်ဖို့အေကာင်းဆုံးနေရာပဲလေ"
စုယန်မှပြောပြီးသည်နှင့် အဝေးမှနေ မီးရှူးမီးပန်းများကကောင်းကင်ထက်ပေါက်ကွဲထွက်လာတော့သည်။သူမှခေါင်းမော့လိုက်ရာ မီးရှူးမီးပန်းများ၏အလင်းရောင်က သူ့ကိုကာတွန်းကားထဲမှခပ်လန်းလန်းကောင်လေးတစ်ဦးအသွင်ဖြစ်စေခဲ့သည်။မိမိမှာသူ၏ကြည်လင်သောမျက်ဆံအိမ်မှနေ အလင်းပြန်ေနသောမီးရှူးမီးပန်းများအား ရှင်းရှင်းလင်းလင်းမြင်နေရလေသည်။မိမိမှစုယန်အားစိုက်ကြည့်နေစဉ် သူသည်မီးရှူးမီးပန်းများအားစိုက်ကြည့်နေခဲ့သည်။
အချိန်ခဏအကြာတွင် မိမိကရေရွတ်လိုက်သည်။
"မဟုတ်ဘူး။ရှင့်ရဲ့မျက်ဝန်းအိမ်ကမှမီးရှူးမီးပန်းတွေကိုကြည့်ဖို့ အကောင်းဆုံးနေရာပဲ"
"ငါ့ရဲ့ရွှေငါးလေးပါးစပ်ကဘယ်တုန်းကများအရမ်းချိုမြိန်သွားတာလဲ။မင်းပန်းသီးချိုချဉ်များစားခဲ့တာလား"
စုယန်သည်သူ၏နှာခေါင်းနှင့်မိမိနှာခေါင်းအား ပွတ်သပ်လိုက်သည်။ထို့နောက် သူ၏နဖူးကမိမိနဖူးပေါ်ဖိကပ်လာသည်။
"ကျွန်မကခံစားချက်တွေရှုပ်ထွေးနေရုံပါ"
"ငါရောပဲ..."
ထို့နောက်စုယန်ကပိုပြီးတောင်မှီလာသည်။မိမိသည်သူ့အသက်ရှူသံ၏အပူချိန်ကို ပြတ်ပြတ်သားသားခံစားရင်း မျက်လုံးများအားမှိတ်ကာ မိမိတို့ကြားရှိပြင်းထန်သောခံစားချက်ကိုအရသာခံလိုက်တော့သည်။
မိမိမှအသက်ရှူကြပ်သလိုခံစားလိုက်ရချိန်မှ မိမိတို့နှုတ်ခမ်းများမှာ ဖယ်ခွာသွားပြီး စုယန်သည်မိမိအားဆန္ဒပြင်းပြင်းဖြင့်စိုက်ကြည့်နေခဲ့သည်။အတောက်ပဆုံးမီးရှူးမီးပန်းများအောက်တွင် စုယန်ကပါးစပ်လှုပ်ကာပြောလိုက်သည်။
"ကိုယ်မင်းကိုချစ်တယ်"
မိမိမှာသူဘာပြောလိုက်သည်ကိုသေချာသိနေခဲ့သည်။သို့သော်ငြား မီးရှူးမီးပန်းများကကျယ်လောင်လွန်းသောကြောင့် မိမိမှာထိုသည်ကိုမကြားနိုင်ခဲ့ပေ။သို့သော်သူ၏ပါးစပ်လှုပ်ပုံအရ မိမိမှာကျိန်းသေလုနီးပါးပင်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
