Ch-140 ငါ့ဘဝကဟာသတစ်ခုပဲ
လော့ကျင်းနှင့်အလုပ်သင်အသစ်မှာ မိမိဘေးမှလျှောက်သွားခဲ့သည်။သူတို့ထွက်မသွားခင် မိမိမှာကိုယ့်ကိုကိုယ်ကယ်တင်ရန်ကြိုးပမ်းလိုက်သည်။ငါစုယန်နဲ့နှစ်ယောက်တည်းရှိမနေချင်ဘူးလေ။
"ရှင့်ကိုကူညီပေးဖို့လိုတဲ့အရေးကြီးကိစ္စတစ်ခုခုများရှိလို့လား မန်နေဂျာရှင့်"
"မင်းရဲ့ကိုယ်ရေးအကျဉ်းကိုကြည့်ပြီးတော့ ကိုယ်သိချင်နေတဲ့အချို့အပိုင်းလေးတွေရှိနေတယ်။ကိုယ်ကမင်းကိုသီးသန့်မေးချင်လို့လေ။အဲ့ဒါနဲ့ပက်သတ်ပြီးမင်းအဆင်မပြေဘူးလား"
စုယန်မှာ ပြေပြေပြစ်ပြစ်တုံ့ပြန်လာသည်။သူသည်မိမိတုံ့ပြန်လာမည်ကို ကြိုပြီးဖော်ထုတ်နိုင်ခဲ့ရပေမည်။
"သေချာပေါက်မဟုတ်ဘူးပေါ့"
မိမိမှာဆွံ့အသွားရသည်။ပြောရလျှင် လက်ရှိတွင်သူကမိမိ၏အထက်လူကြီးဖြစ်သည်။မိမိမှာအတွင်းရေးမှူးနှင့်အလုပ်သင်အသစ်၏ရှေ့တွင် သူ့အားမဆန့်ကျင်နိုင်ခဲ့ပေ။
စုယန်မှာအခြားလူနှစ်ယောက်အားစိုက်ကြည့်လိုက်သည်။သူ့ကြည့်ရသည်မှာ အနည်းငယ်စိတ်အနှောင့်အယှက်ဖြစ်နေပုံရသည်။
"မင်းတို့တွေမသွားကြသေးဘူးလား"
"ဟုတ်ကဲ့"
နှစ်ယောက်သားမှာ လှစ်ကနဲထွက်သွားကြသည်။မိမိအဆူခံရတော့မည်ဟု အလုပ်သင်အသစ်ကတွေးလိုက်ပုံရသည်။အခန်းထဲမှသူထွက်မသွားခင် မိမိအားခိုးကြည့်ကာ သူ့မျက်နှာထက်တွင် စဉ်းလဲသောအပြုံးတစ်ခုရှိနေသည်။
သောက်ကလေးစုတ်ကတော့။ငါ့ကံဆိုးမှုကို နင်ကဘာလို့ပျော်နေရတာလဲ။ပြီးတော့ အာ။စုယန်ကငါ့ကိုဘာလို့ဒီမှာနေစေချင်တာလဲ။ငါတော့တအားလန့်နေပြီနော်။လွန်ခဲ့တဲ့၃နှစ်ကစကားတစ်ခွန်းမှပြောမသွားဘဲဘာလို့ငါထွက်သွားရတာလဲလို့ သူမေးမလို့လား။ဒါမှမဟုတ် လက်စားပြန်ချေမလို့လား။ဒါမှမဟုတ်ဖြစ်နိုင်တာ...
နေဦး။ငါတို့ကအခုလက်ရှိကုမ္ပဏီတစ်ခုတည်းမှာ အလုပ်လုပ်နေကြတာလေ။သူကတစ်ခုခုလုပ်နိုင်မှာမှမဟုတ်တာ။လင်းယိရှင်း နင်လုပ်နိုင်ပါတယ်။ကြောက်ရွံ့နေတာရပ်လိုက်တော့။
أنت تقرأ
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
رعبAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
