Ch-142 မင်းကဘာလို့ကော်လံမြင့်တဲ့ရှပ်အင်္ကျီဝတ်လာတာလဲ
"ဒါ-ဒါပေါ့။နင်ကဘာကိုဆိုလိုတာလဲ"
"ဘာမှမဟုတ်ပါဘူး။မင်းမနေ့ညကဘယ်လိုနေလဲဆိုတာကို ငါတွေးမိရုံပါ။ငါတို့ထဲမှာမင်းကအများဆုံးသောက်ခဲ့တာလေ။ဒါတောင်မင်းကအိမ်ပြန်အပို့မခံဖို့ဆုံးဖြတ်ထားသေးတယ်။အဲ့တော့ မင်းတစ်ကယ်ပြန်ရောက်ရဲ့လား သိချင်နေလို့လေ"
"ငါပြန်ရောက်ပါတယ်...ဒါပေမယ့် မနေ့ညကငါ့ဘာသာငါထွက်သွားတာလား"
"အင်းလေ။မင်းကအဆန်းကြီးနော်။မင်းကလမ်းတောင်ဖြောင့်အောင်မလျှောက်နိုင်တော့ဘူး။မင်းပြန်ရောက်တယ်ဆိုတော့ ငါအံ့ဩမိပါရဲ့"
အဲ့တော့ဆိုလိုတာက ဘာဘီကျူးဆိုင်မှာစုယန်ပေါ်မလာခဲ့ဘူးပေါ့။ဒါဆိုငါတို့ကဘယ်အချိန်မှာတွေ့ကြတာလဲ။လမ်းတွေပေါ်မှာငါဆင်ကန်းတောတိုးသွားနေတုန်းကလား။မိမိမှာမျက်လုံးများအား မှေးလိုက်သည်။ငါတော့ ငါစိုက်ကြည့်နေတာကိုမှတ်မိပြီထင်တယ်....
စုယန်၏ပူလောင်နေသောအကြည့်မှာ မိမိထံမှနေတစ်ကြိမ်မှရွေ့မသွားကြောင်းကို မိမိ၏အလိုလိုသိစိတ်ကပြောနေခဲ့သည်။ထို့ကြောင့် မိမိသည်ခေါင်းအားကျုံ့ကာ အလုပ်စားပွဲနောက်တွင်ပုန်းနေခဲ့သည်။
တစ်သက်လုံးပုန်းနေလို့မရမှန်း မိမိသိသည်။သို့သော် မနေ့ည၏အဖြစ်အပျက်အတွက်ဖြေရှင်းချက်တစ်ခုကို မိမိမတွေးမိသေးပေ။
ဖြေရှင်းချက် ဖြေရှင်းချက်။အိုး ဟုတ်သားပဲ။နည်းလမ်းတကျပြောရရင် စုယန်ကမှငါ့ကိုဖြေရှင်းချက်ပေးရမယ့်လူလေ။ငါကတအားမူးနေခဲ့တာပဲ။ငါ့စိတ်ကအသိစိတ်ရှိမနေဘူးလေ။ဒီမှာငါကနစ်နာသူပဲ။
မဟုတ်ဘူး မဟုတ်ဘူး။ငါအဲ့လိုမျိုးလည်းတွေးလို့မရဘူးပဲ။ငါကြားတာတော့ ငါကမူးနေတဲ့အချိန်ဆို ရှန်ရှောက်ချင်ရဲ့အမျိုးသမီးဗားရှင်းလိုလုပ်တယ်တဲ့။ငါကမြင်သမျှလူတိုင်းကိုဖက်တယ်။အနားမှာရှိသမျှလူတိုင်းကို လိုက်ပြီးဖက်လှဲတကင်းလုပ်တယ်တဲ့။ငါကအရူးပဲ....
"လင်းယိရှင်။မန်နေဂျာကမင်းကိုခေါ်နေတယ်"
ကောင်းဇီကျွင်းမှာ သူ၏အလုပ်ခုံမှနေပြောလာသည်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
