Paid မှာအစအဆုံးပြီးသွားပါပြီ။
Ch-75 စုယန်အားစနောက်ခြင်း
ထိုအခိုက်တွင် မိမိသည်စုယန်မှာ မည်မျှတည်ငြိမ်နေသည်ကို ရုတ်ချည်းနားလည်မိလိုက်သည်။သူခွဲခြမ်းစိတ်ဖြာသည့်နည်းသည်မိမိနှင့် ကွဲပြားလေသည်။မိမိတွင်ကောက်ချက်ချသည့်အခါ၌ ကိုယ်ပိုင်ဘက်လိုက်မှုနှင့်စိတ်ခံစားချက်များအားပေါင်းစပ်တတ်သည့် သဘောထားရှိလေသည်။ယှဥ်ကြည့်လျှင် စုယန်မှာ ရှုမြင်သူအမြင်(တတိယလူအမြင်)ကိုသာသုံးခဲ့သည်။သူသည်သူတို့ကိုသေချာမစစ်ဆေးခင် သဲလွန်စများအားလုံးအားစီစဉ်ထားပေလိမ့်မည်။
"စုယန် ရှင်အရင်ကရဲဌာနမှာအလုပ်လုပ်သေးလား"
မိမိသည် သိချင်စိတ်ဖြင့်ထုတ်မေးလိုက်သည်။
"မလုပ်ပါဘူး။ဘာလို့လဲ"
သူသည်မိမိ၏ကြည်ညိုလေးစားနေသည့်အကြည့်ကြောင့် အံ့အားသင့်သွားပုံရပြီး ချောင်းနှစ်ချက်ဖွဖွလေးဟန့်လိုက်သည်။
"မဟုတ်ပါဘူး။ရှင့်ရဲ့အတွေးတွေကို ရှင်ပြင်ဆင်တဲ့နည်းက အရမ်းဆရာကျတယ်လို့ ကျွန်မခံစားမိလိုက်လို့ပါ။စုံထောက်တစ်ယောက်လိုမျိုးပဲ"
မိမိသည်မေးစေ့အောက်လက်နှစ်ဖက်ထောက်ကာ သူ့ထံအလွန်အကျွံချစ်မြတ်နိုးသည့်အကြည့်လေး အပ်နှင်းလိုက်သည်။
စုယန်သည် ဂုဏ်ယူဝင့်ကြွားစွာပြုံးလာခဲ့သည်။
"ငါဘယ်သူလဲဆိုတာကို မင်းမေ့နေတာလား။ငါကမှုခင်းစာရေးဆရာလေ"
(T/N-စုယန်ရဲ့အလုပ်က speculative author ပါ။အဆင်ပြေအောင်ဘယ်လိုသုံးရမလဲကို ခုထိမသိသေးလို့ ကိုယ်အဆင်ပြေတာသုံးလိုက်ပါတယ်။အကယ်၍မှားခဲ့သည်ရှိသော် အမှန်ပြင်ပေးနိုင်ပါတယ်ရှင့်)
"အိုး ဟုတ်သားပဲ။ကျွန်မတော့ စကားတောင်ပြောမထွက်တော့ဘူး"
စုယန်မှသူ့ကိုယ်သူမည်မျှဂုဏ်ဆာနေသည်ကို မြင်လိုက်ရသော် မိမိ၏ချစ်ခင်လေးစားမှုများသည် ခြေရာတစ်စက်မကျန်ပျောက်ကွယ်သွားတော့သည်။မိမိ၌ကျန်သည့်အရာများမှာ ခပ်ရွှဲ့ရွှဲ့စကားလုံးများသာဖြစ်သည်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
