Paid gpမှာအပိုင်း၉၀ကျော်သွားပါပြီနော်။
Ch-31 မျှော်လင့်မထားသောဧည့်သည်
မိမိမှာဤလုပ်ရပ်ကြောင့်လုံးဝအံ့ဩသွားရသည်။"မိမိ"မှာရှုဝေ့ရှန်အတုအားမြေကြီးပေါ်မှနေပြန်ထူလိုက်ပြီး တည်ငြိမ်စွာမေးလိုက်သည်။
"ဘာဖြစ်ခဲ့တာလဲ။အရမ်းလန့်နေစရာမလိုပါဘူး။ငါ့ကိုဒီတိုင်းသာပြောချလိုက်။နင့်မျက်နှာကရော ဘာဖြစ်လာတာလဲ..."
"မမ ငါ့ကိုနှစ်သိန်းလောက်ချေးပေးပါ။ငါသူများတွေဆီကပိုက်ဆံချေးခဲ့တာ။ငါသာပြန်မဆပ်နိုင်ရင် ငါသေချာပေါက်သေလိမ့်မယ်"
"နှစ်သိန်း!အဲ့လောက်အများကြီးကိုငါဘယ်ကနေရမှာလဲ။နင်ကကျောင်းသူတစ်ယောက်ပဲရှိသေးတာလေ။တခြားလူဆီကနေနှစ်သိန်းတောင် ဘယ်လိုလုပ်ချေးလိုက်နိုင်တာလဲ"
"မိမိ"သည်ညီမဖြစ်သူမှတောင်းဆိုလာသော ဤကဲ့သို့ပမာဏကြီးတစ်ခုကြောင့်ကြောင်အသွားရသည်။အမှန်မှာ ရှုဝေ့ရှန်သည်သူမထံ၌ဤပမာဏလောက်ရှိမရှိတွေးနေခြင်းဖြစ်သည်။
"ငါအခုရှင်းပြဖို့အချိန်မရှိဘူး။ငါတစ်ကယ်ကို...."
မိမိမှာညီမဖြစ်သူ၏ဆင်ခြေများအားနားထောင်နေစဉ် အရာရာတိုင်းသည်ရုတ်ချည်းမှောင်မိုက်သွားသည်။
မိမိသည်လည်းခေါင်းအစခြေအဆုံးအေးစက်သောခံစားချက်တစ်ခုကိုခံစားလိုက်ရသည်။အရမ်းအေးတာပဲ။
မိမိသည်လက်ချောင်းများအားလှုပ်ရန်ကြိုးစားလိုက်သည်။အလုပ်ဖြစ်တယ်ဟ။ငါအပြင်ကိုပြန်ရောက်နေပြီလား။
မိမိသည်မျက်လုံးအကာအားဆွဲဖယ်လိုက်ရာ ရှေ့လျှောက်လိုက်နောက်လျှောက်လိုက်ဖြင့်ဂနာမငြိမ်ဖြစ်နေသည့်အဘွားမုန့်အားမြင်လိုက်ရသည်။မိမိမှာကိုယ့်ဘာသာကိုယ်ပြန်ကြည့်လိုက်ရာ မိမိသည်ရေအေးတစ်ပုံးဖြင့်လောင်းချခံထားရကြောင်းတွေ့လိုက်ရသည်။မိမိတစ်ကိုယ်လုံးမှာစိုရွှဲနေတော့သည်။
*ဟပ် ချိုး*
မိမိမှာနှာချေလိုက်မိသည်။မိမိမှအဘွားမုန့်အားဘာဖြစ်နေသည်ကိုမမေးရသေးခင်မှာပင် သူမကမိမိအားကုတင်ပေါ်မှနေတွန်းထုတ်လာသည်။
YOU ARE READING
ကျွန်တော့်ရဲ့ချစ်ရသူမှာသဘာ၀လွန်စွမ်းအားေတွရှိနေတယ်(Complete ✅)
HorrorAuthor - 喵了个汪 (Miao Le Ge Wang) Translated by;gchan7127 Novel name; Supernatural girlfriend လင်းယိရှင်းသည်ယာဉ်မတော်တဆမှုဖြစ်ပြီးကတည်းမှသရဲတစ္ဆေများအားမြင်နိုင်စွမ်းရှိလာသည်။သို့သော်ငြား ဖုံးကွယ်ထားသောလူသတ်သမားတစ်ဦးလက်ထဲသေလုနီးပါးမဖြစ်ခင်ချိန်အထိထ...
