Chapter 60
Imperial MeowJuly 16, 2023
Chapter 60
ဤအချိန်တွင် သူတို့က အကူအညီတောင်းသည့် သူများဖြစ်ရာ တောင်းဆိုချက်များကို ထပ်မတိုးဝံ့ပါပေ။ ထို့အပြင် လူကြီးမင်း ကျွမ်းချင်၏ အကြည့်က အမှန်တကယ်ပင် ကြောက်စရာကောင်းလှပေသည်။ သူတို့က နောက်ထပ် စကားတစ်ခွန်းပြောခြင်းသည် ဤနဂါးသခင်ကို ဒေါသထွက်စေမည်ကို ကြောက်ရွံ့နေကြပေသည်။
"လူကြီးမင်းခွန်းဖမ်..."
ခွန်းဖမ်က နဂါးနန်းတော်၏ အဓိက ဝင်ပေါက်ကို အစိတ်စိတ် ဖြိုခွဲလုနီးနီးဖြစ်သည်ကို မြင်ရာ ဖူလီက ရှေ့တိုးကာ သူ့ကို တားဆီးလိုက်သည်။
"မင်းမှာ ပြောစရာတစ်ခုခုရှိရင် ငါတို့ အခုပြောလို့ရတယ်... ဒါက မလိုအပ်ပါဘူး..."
"ဟမ့်..."
ခွန်းဖမ်က မြေပြင်တွင် လဲနေသော နဂါးများကို ကြည့်လိုက်သည်။ သူ့၏ လူသားပုံစံသို့ပြောင်းကာ နဂါးတစ်ကောင်၏ ခေါင်းပေါ်သို့ တက်လိုက်သည်။
"မင်းတို့တွေက ငါ့ကို ဒုက္ခရောက်စေချင်နေတယ်လို့ ငါကြားတယ်..."
မြေပြင်ပေါ်ရှိ မရေမတွက်နိုင်သော နဂါးများက နာကျင်စွာ လူးလိမ့်နေပြီး ခွန်းဖမ်၏ မေးခွန်းကို လုံးဝပင် မဖြေနိုင်ပါချေ။ ခွန်းဖမ် နင်းထားသော နဂါးမှာ ပို၍ သနားစဖွယ် အခြေအနေပင် ဖြစ်နေသည်။ သူက မူလကတည်းက နာကျင်စွာ လူးလိမ့်နေသော်လည်း ခွန်းဖမ်၏ တက်နင်းခြင်းကို ခံလိုက်ရပြီးနောက် သူက မလှုပ်ဝံ့တော့ပါချေ။ သူက ဆက်လက် လှုပ်ရှားနေပါက အနာဂတ်တွင် လှုပ်ရှားနိုင်သည့် အခွင့်အရေးပင် ဆုံးရှုံးသွားနိုင်ပေသည်။
"လူကြီးမင်း ခွန်းဖမ်... ထားလိုက်ပါ... ထားလိုက်ပါ..."
ဖူလီက ရှေ့တိုးလာပြီး ခွန်းဖမ်ကို အရိုအသေပေးလိုက်သည်။
"လူကြီးမင်းမှာ ပြောစရာတစ်ခုခုရှိတယ်ဆိုရင် ကျွန်တော်တို့အခုပြောလို့ရပါတယ်... အားသုံးစရာ မလိုပါဘူး..."
ခွန်းဖမ်က ဖူလီကို ဘေးသို့ တွန်းလိုက်ပြီး သူ့ခြေထောက်အောက်မှ နဂါးကို လွတ်ပေးလိုက်သည်။
ESTÁS LEYENDO
မျိုးကွဲများနှင့်ယှဥ်တွဲနေထိုင်ခြင်း
Ficción General💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
