Chapter 94
Imperial MeowAugust 02, 2023
Chapter 94
စိုးရိမ်ခြင်း
ကျွမ်းချင်က ကျူးယွီသစ်သီးကို ချလိုက်ပြီး သူ့၏ လက်များကို စားပွဲပေါ်တင်ထားလိုက်သည်။ သူက ဖူလီကို ကျေနပ်စွာ ကြည့်လိုက်သည်။
"ဆက်ပြောလေ...."
သူက နောက်ဆုံးတွင် ဦးနှောက်ကို မည်သို့အလုပ်ပေးရမည်အား သင်ယူပြီး ဖြစ်သည်။
"သခင်ကြီးကုန်းဖုကယ်ခဲ့တဲ့ လူအများစုက ဗဟုသုတမများတဲ့ သာမန်လူတွေပဲလေ... သူတို့က ဘယ်လိုလုပ် ကျင့်ကြံသူတစ်ယောက်နဲ့ တွေ့ပြီး အဲ့ကျင့်ကြံသူကလည်း သူတို့ကို အထူးအကြံဉာဏ် ပေးသွားတာလဲ..."
ဖူလီက တည်ကြည်သော မျက်နှာဖြင့် ဆိုလိုက်သည်။
"ဒါက ကောင်းကင်ဘုံ စည်းမျဉ်းကို ဆန့်ကျင်တဲ့ ကိစ္စလေ... အဲ့အကြံကိုပေးတဲ့ လူက အဲ့ကိစ္စကို မသိတာ မဖြစ်နိုင်ဘူး..."
"အဲ့တော့ မင်းရဲ့ သုံးသပ်ချက်က..."
ကျွမ်းချင်က မေးလိုက်သည်။
"အဲ့လူက လူသားတွေရဲ့ ခေါင်းဆောင်ကို အဲ့လို လုပ်ဖို့ တမင်ပြောတဲ့ ကုန်းဖုရဲ့ သူငယ်ချင်းဖြစ်နိုင်တယ်လို့ မင်းထင်လား..."
ဖူလီက ထိုကိစ္စကို အချိန်အတန်ကြာအောင် တွေးတောကာ ဤသည်က တိုက်ဆိုင်မှု မဖြစ်နိုင်ပဲ ကြိုတင်ကြံစည်မှုတစ်ခုဟု ခံစားရပေသည်။ သခင်ကြီး ကုန်းဖုက သေရာမှ ပြန်ရှင်လာသော်လည်း တန်ကြေးမှာ လူသားနှစ်ရာထက် မနည်းသော အသက်များ ဖြစ်ပေသည်။
သူက ဤမှန်းဆချက်ကို နှလုံးသားထဲတွင်သာ သိမ်းထားပြီး ဂျူနီယာများက ပေါက်ကြားစေမည်ကို စိုးရိမ်သဖြင့် ထုတ်မပြောဝံ့ပါပေ။ ကုန်းဖုက ၄င်းကို ကြားပါက ပိုဝမ်းနည်းနေမည် ဖြစ်ပေသည်။
ကျွမ်းချင်က သက်ပြင်းချလိုက်သည်။
"အဲ့ဒါက သူငယ်ချင်းဆိုရင် ဘယ်လိုလုပ်ပြီး အဲ့လိုအကြံပေးမှာလဲ..."
ဖူလီ၏ ကြီးပျင်းလာပုံက သူ့ကို အလွန်အပြစ်ကင်းစေကာ လောကကြီးရှိ ရှုပ်ထွေးသော အခြေအနေများနှင့် အနေအထားများကို မသိပဲ ဖြစ်နေစေသည်။
ESTÁS LEYENDO
မျိုးကွဲများနှင့်ယှဥ်တွဲနေထိုင်ခြင်း
Ficción General💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
