Chapter 77
Imperial MeowJuly 17, 2023
Chapter 77
"ခေါင်းဆောင်ကျွမ်း..."
ကောင်လေးတစ်ယောက်က ကျွမ်းချင်၏ရှေ့ကို တစ်ဟုန်ထိုးပြေးလာပြီး ဦးညွတ်နှုတ်ဆက်လိုက်သည်။
" သရဲခြောက်ခံရတဲ့ကိစ္စကို ဖြေရှင်းဖို့ ရောက်လာတာလား..."
ကျွမ်းချင်က ပြောစရာစကားမဲ့သွားပြီး မျက်ခုံးပင့်လိုက်သည်။
ဘယ်သူပါလိမ့်...
" ဒါက စီနီယာဖူလီထင်တယ်..."
ဖူလီ့အပေါ် ထိုကောင်လေး၏ အပြုအမူက ပို၍ တက်တက်ကြွကြွရှိသည်။
" ကျွန်တော် နာမည်ကြီးသွားတဲ့ ဗီဒီယိုကိုကြည့်ဖူးတယ် အစ်ကိုက အပြင်မှာ ပိုမိုက်တာပဲ တကယ့်ကို ကျွန်တော့်ရဲ့အိုင်ဒေါပဲ..."
" ကျွန်တော့်ဘာသာမိတ်ဆက်ဖို့ မေ့သွားတယ်... ကျွန်တော့်နာမည်က ဝမ်တုန်းပါ ဝမ်ယွဲ့ဂိုဏ်းရဲ့ တပည့်ပါ..."
ထိုကောင်လေးက ရှက်ကိုးရှက်ကန်းဖြင့် ပြောလိုက်သည်။
" ဂိုဏ်းအကြီးအကဲနဲ့ စီနီယာအစ်ကိုက အစ်ကို့ရဲ့အကြောင်းတွေ မကြာခဏပြောနေကျပဲ... နောက်ဆုံးတော့ ဒီနေ့မှပဲ အစ်ကိုနဲ့ ဆုံရတော့တယ်..."
" ကျွန်တော် ပညာမစုံသေးလို့ ကျောင်းက ပြဿနာကို မကိုင်တွယ်နိုင်တာကိုပဲ အပြစ်တင်ရမယ်... အဲ့ကိစ္စဖြစ်သွားတဲ့နေရာကို ကျွန်တော်သိတယ် ညကျရင် ကျွန်တော် အဲဒီကို ခေါ်သွားပေးမယ်..."
" ညဆယ့်တစ်နာရီနောက်ပိုင်းဆိုရင် မင်းတို့အဆောင်တံခါးတွေ ပိတ်ပြီမလား..."
ဖူလီက မလှမ်းမကမ်းမှအဆောင်ကို လက်ညှိုးထိုးပြလိုက်သည်။ အဆောင်တံခါးတွင် စည်းကမ်းချက်များရေးထားသည့် ဆိုင်းဘုတ်တစ်ခုကို ချိတ်ဆွဲထားသည်။
" ကျောင်းသားတွေက ကျောင်းစာပဲသေချာလေ့လာသင့်တယ် တခြားကိစ္စတွေကို စိတ်ပူနေစရာ မလိုပါဘူး..."
" မဟုတ်ဘူး..."
ဝမ်တုန်းက တစ်ခုခုပြောလိုသော်လည်း တစ်ဖက်လှည့်လိုက်သည့်အခါ ကျွမ်းချင်၏ အေးစက်စက်အကြည့်များနှင့် အကြည့်ချင်းဆုံသွားသည်။ သူ့စကားလုံးများကို အလျင်အမြန် မျိုချလိုက်ရသည်။
ESTÁS LEYENDO
မျိုးကွဲများနှင့်ယှဥ်တွဲနေထိုင်ခြင်း
Ficción General💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
