Chapter 15
လူသစ်လေး
"အထင်မလွဲပါနဲ့... ကျွန်မနဲ့ ဒီလူကြီးလူကောင်းနဲ့က ဘာမှမပတ်သက်ပါဘူး..."
သူမက ဖူလီကို ပြဿနာတက်စေမည်ကို စိုးရိမ်ကာ တင်းတင်းက အခြေအနေကို အကြမ်းဖျင်းပြောပြလိုက်ပြီး ဖူလီ၏ တခြားသူများကို ကူညီလိုစိတ်အား အသားပေး ပြောဆိုလိုက်သည်။
"အဲ့လိုလား..."
အနောက်တိုင်းဝတ်စုံဝတ်အမျိုးသား၏ မျက်နှာထက်မှ အပြုံးက ပို၍ သင့်တင့်လာသည်။
"ကျွန်တော်က ဒီဟိုတယ်ရဲ့ သူဌေးပါ... ကျွန်တော်တို့ ကုမ္ပဏီက ဒီလိုမျိုး စိတ်ထားမြင့်မြတ်တဲ့ အလုပ်သမားကို သေချာပေါက် ဆုချမှာပါ..."
တင်းတင်းက သူမဆက်လက်ရှိနေပါက ဖူလီအတွက် နစ်နာစေမည်ကို သိပေသည်။ မည်သို့ပင်ဆိုစေ သူမက ယခုတွင် ဖူလီ၏ အလုပ်ခွင်ကို သိထားပြီဖြစ်သည်။ စိတ်လှုပ်ရှားမှုလျော့သွားပြီး တင်းတင်းက အနောက်တိုင်းဝတ်စုံနှင့် လူများရှေ့တွင် ဖူလီကို အနည်းငယ် ထပ်မံချီးကျူးကာ တွန့်တွန့်ဆုတ်ဆုတ်ဖြင့် ထွက်သွားလေသည်။
ဘေးမှ တခြားသော အလုပ်သမားများသည်လည်း ဤမြင်ကွင်းကို မြင်ထားပြီဖြစ်ရာ မနာလိုခြင်းနှင့် လေးစားခြင်းများရောယှက်နေပေသည်။ သူတို့က ဖူလီသည် ရှေ့ထွက်ကာ လူဆိုးများထံမှ အမျိုးသမီးကို ကယ်တင်ရဲခဲ့၍ သူဌေးရှေ့တွင် နာမည်ကောင်းရသွားသည်ကို မနာလိုဖြစ်ပြီး လေးစားနေသည်။ မူလက ဖူလီကို အမြင်မကြည်ခဲ့သည့် လုပ်ဖော်ကိုင်ဖက်များက ဖူလီအပေါ်သို့ သူတို့အမြင်အား တစ်ဆင့်တိုးလာခဲ့သည်။
သူက ရုပ်လေးကသာ အရုပ်တစ်ရုပ်လိုဖြစ်နေတာ အပြုအမူတွေကတော့ တော်တော်လေး ဖြောင့်မတ်တာပဲ...
"မင်းနာမည် ဘယ်လိုခေါ်လဲ..."
ဝမ့်ဟန်က ဖူလီကို လက်ညိုးထိုးလိုက်သည်။
"ငါ့ရုံးခန်းကို လိုက်ခဲ့... ဘာတွေဖြစ်ခဲ့တာလဲဆိုတာ ငါ အသေးစိတ်သိချင်တယ်..."
"ဒါရိုက်တာဝမ်..."
လုံခြုံရေးအစောင့်များ၏ ခေါင်းဆောင်က ဖူလီက မတုံ့ပြန်သည်ကို တွေ့ရာ ဟိုတယ်၏ သူဌေးက စိတ်ကွက်သွားမည်ကို စိုးရိမ်ကာ အလျင်အမြန် ရှေ့ထွက်ပြီး ပြုံးပြလိုက်သည်။
VOUS LISEZ
မျိုးကွဲများနှင့်ယှဥ်တွဲနေထိုင်ခြင်း
Fiction générale💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
